請大家好好愛護自己的小愛寵..

係好擔心既情況下.. 今日帶左冬甩同奶茶去睇醫生........
醫生檢查左奶茶先, 奶茶從來都無病無痛相安無事
哩幾個禮拜先留意到佢pat pat果度唔知做咩濕左又惡臭..
以為只係污糟, 點知check完發現佢個肚可能係子宮個位生左個好大既腫瘤
好辛苦.......哩刻先留意到奶茶成日都無精神 唔開心.. 我忽略左佢..
因為佢一向都好有我行我素既性格.. 我掂佢完全唔理我..所以我都冇唔逼佢
體重又下跌左好多.. 我好心痛點解我哩一刻先知道..
後尾佢地拎左d bacteria去化驗 比左三條路我選擇
一, 開藥比佢食止痛, 但冇可能好得番
二, 做手術, 但可能會係手術台........
三, 幫佢打支針, 比佢係哩一刻離開痛苦.......
我真係接受唔到, 一向都好好地, 今日佢同我講奶茶情況好嚴重
就快離開了 或者可能而家就要離開我了....我真係好傷心
點解, 點解一個月前仲活活潑潑 今日就好似老到郁唔到...
奶茶係我上年暑假買, 陪左我只有一年多少少...
醫生話, 鼠鼠係哩個年齡 無可避免會發生生腫瘤既情況,
果一刻, 我忍住, 我理想化奶茶會好番 會好希望繼續陪住我..
諗番起前兩個月佢先好可愛咁唔知點樣係我熟睡果陣 爬上我枕頭咬爛我枕頭袋刷刷聲
哩頭同我講佢好痛苦.. 今日我真係真真正正見到佢好辛苦...
我唔知點好 究竟佢係好想繼續生存, 定係唔想再忍受痛苦想離開哩個世界
佢可唔可以話比我知....未來哩個冬天, 我應唔應該奢望佢可以陪我過聖誕...

到睇冬甩 佢跌傷左隻腳, 醫生証實佢真係跌斷左腳
唯一只可以比消炎藥佢食止腫 佢個肚同上次一樣 都係keep住有個腫瘤
但係佢好似開心過奶茶好多, 斷左腳都周圍跳
佢比起奶茶更早輕左好多, 更早唔舒服 而且仲大奶茶成4個幾月
點解奶茶要先離開我…我好心痛…佢歲半都未到…
如果同我講冬甩差唔多要走 我唔會太悲哀 只會諗我係佢生命中
照顧得佢周唔周到, 令到佢有冇幸福過 畢竟倉鼠只有2-3年命 我唔會強求任何

如果大家既小愛寵成日都唔聽話 或者對你愛理不理, 請繼續付出關懷去陪伴佢
因為佢地既壽命真係好短, 佢過一日等於人類過左40日 哩24小時就已經係一個月咁漫長...
我會付出我既時間去好好陪伴, 去愛惜佢, 同佢過埋佢最後既日子...
不過好矛盾既就係… 究竟我應唔應該比佢離開…唔好再痛苦…

咁醫生有無話做手術成功機會係幾多??

佢話未知個腫瘤係邊個器官生出黎, 如果開左刀先見到係肝,腎或者胃既話, 佢地就會選擇唔叫醒佢........
風險係極高........或者係打麻醉針果陣去左..連人都覺得痛苦 我真係唔忍心送佢去.....

你睇邊個醫生, 不如去搵其他醫生,問多D意見,但如果說法一樣既話,我會揀開藥比佢食,起碼可以止痛,雖然不一定幫到佢,但起碼盡左責任,唔會揀安樂死剝奪佢生存權利

明白...我估都估唔到佢會比條路我揀..就係打支針比佢去.................

有冇好醫生推介?? 我今次真係睇到荷包都爛晒...........但都冇佢既病咁痛

最重要佢2個食慾如何? 遞D美食埋去會否想搶?

暫時來說我只睇Tiger同Gerry, 尤其大事就更加要睇Tiger!

大圍Tiger (初診金 - HK$290)
http://www.taiwaiexotic.com/cn_contact

屯門Gerry (初診金 - HK$2XX)
http://www.victoriavet.com.hk/chi/contact.html

就係去左睇TIGER 聽日貼D 藥相出尼...
食野肯食, 會搶...但係叫佢唔SO人..望兩望番屋企

冬甩就好百厭. 周圍走.

唔好傷心難過, 係之後既日子比多D健康又好味既野佢地食, 多D放佢出黎行下, 見識下籠以外既世界, 開心快樂過埋之後既日子!

HI 小班 , 我明白你既心情同感受 , 因我都是過路人 , 小拉又是這樣比我忽略左 , 到後來都是比我送走左佢 , 我E+覆你時係眼淚不停流住 , http://www.facebook.com/media/se ... 70139915&type=3 , 請看佢後期個病容  , 心好痛.......

熊仔女小茶 發表於 2011-11-12 12:02 PM
HI 小班 , 我明白你既心情同感受 , 因我都是過路人 , 小拉又是這樣比我忽略左 , 到後來都是比我送走左佢 ,  ...

請問小拉有幾多個大?佢有咩病呀...佢隻眼咁既
全白色既熊仔鼠真係好少見...好特別好得意
呢排有好多鼠鼠都不幸離世, 真係可惜

小班 發表於 2011-11-12 02:30 AM
就係去左睇TIGER  聽日貼D 藥相出尼...
食野肯食, 會搶...但係叫佢唔SO人..望兩望番屋企

咁就真係要睇下Tiger認為依個手術係唔係真係好大風險
因為太大風險佢都唔肯做o架

如果係氣麻就安全得多...
但都真係要考慮下鼠寶o既年紀
同埋有問題o既位置都好關鍵
邊個醫生做信心又可以差好遠!

唉... 打唔打針走依D...
咁重大o既抉擇真係要你自己唸!
我都唔想話左右你...

不過只要寶貝肯食野的話...
我就一定會陪伴佢地支持到最後
因為佢地唔想走我亦冇理由咁做
動物o既生存意念真係好堅強!

所以話呢,
平時日日都要細心觀察細心檢查鼠寶, 真係非常重要的!!

hi 小班 , 我只小拉係今年2月14日買返來 , 大約一個月大 , 於今年9月5日走了 , 佢病果時5肯食野 , 行路冇晒力 , 去到大圍睇E生 , E生話佢個下扒可能係癌或者膿包 , 做手術如果係癌 , 日子5會好長 , 係膿包手術機會得15%康復 , 我在E務所咸左好耐先決定選擇比佢安樂走 , 雖然係殘忍總會好過佢申苦落去 , 希望大家體諒我.......

熊仔女小茶 發表於 2011-11-14 01:55 PM
hi 小班 , 我只小拉係今年2月14日買返來 , 大約一個月大 , 於今年9月5日走了 , 佢病果時5肯食野 , 行路冇晒 ...

當時嚴重到連餵草粉比佢都食唔到呀？

當然明白你 親手送佢走的感覺真係一生中最難的決定之一