兔仔反應一問.

大家有無呢個情況.

我剛同同事去完澳門玩完. 剛回家. 餵左一堆仔糧比佢. 執好左籠 (屋企人訓晒. 關左門訓. 十二點半左右, 我返來後放閘比佢自由行)
之後我沖涼. 完左入房打電腦. 之後大約1點左右. 聽到有d拍拍聱以為屋企雪櫃做冰機. 後來出黎睇到佢企響走廊中間個廁所門口塊薄地氈度 後腳打地下. 又有d細咕咕聲.
係咪即係呢個情況? --->>>
跺腳：他被嚇到了、生氣，或是試著告訴你有危險了（以他的觀點來說）

我之後以為佢肚餓, 抱左佢上床拿左一堆仔糧比佢. 周圍望下間屋又無咩異樣~
不過佢反應又好似怪左d. 不過我走去個籠前面拍地下佢都會跑黎. 我就叫返佢入籠....之後佢就去左廁所痾左督尿. 之後我就返入房喇.

大家有無呢d情況試過. 又會有咩解釋.......大家唔怕講......我想知大家想法!!!!

可能佢係出面個陣聽到D 外面環境既聲 ((從未聽過))  所以會咁樣..  

我有晚半夜開櫃 同 大膠箱 .. 搵入面D野. 有D書呀 紙聲.     我係極少開黎搵野

跟住佢2個傻妹 嚇親 馬上E去角落頭..     跟住我一路搵佢係到又企起身  跟住又係到DUM地= =

之後我死死氣安撫好佢2個.. 又問佢2個做乜野..     

之後自己細細力+  細細聲搵野..     但真係好好笑...   我一路笑一路搵野..

有時會無Lala dum地架，可能佢地聽到人耳聽唔到既聲

我試過訓覺, 唔記得加草
佢好醒咁dum地叫醒我加俾佢
又有一次我同先生鬧交喊晒
佢又dum地, 好似係叫我先生唔好蝦我咁
兔兔真係好叻ga~~~

lenmui 發表於 2012-1-20 11:42 AM
我試過訓覺, 唔記得加草
佢好醒咁dum地叫醒我加俾佢
又有一次我同先生鬧交喊晒

我小丸會掘地掘醒我==

我有兩次買咗活蟹返屋企自己劏, 佢 dum 地 dum 咗一晚, 連切水果都 5 出來食! 之後以我買親蟹都要蟹販幫我劏咗先至拿返屋企, 佢就 5 驚 lu. 又有一次 d 野狗成晚係敢吠, 嚇到佢大力 dum 地! 佢一聽到鄰居隻狗起門口, 佢又嚇到連草都 5 食咬住條草跑入廳 dum 地

兔兔係好有時間規率生活既動物，你平時幾點餵佢佢會記得，可能係你去左澳門玩，佢太耐見唔到你，又過哂餵食時間，到你返到屋企佢就會話你知：我等左你好耐啦，成日都唔見人，仲唔俾野我食，嬲你呀

我的MonMon平時都好乖，但係我岩岩過左既除夕晚玩通宵返到屋企就即刻俾糧佢食，平日係晚上10-11點俾佢食既，佢等左我地成個通宵至返去俾糧佢食，佢都嬲左我地，平時食糧好似餓鬼唔駛3分鐘食哂既佢，果次食食下行開左唔食，我問佢做乜唔食，佢就行返過黎繼續食，但佢就係度dum地話我知佢好嬲囉

我先果排返工返開早， 所以都早餵糧俾佢地 ，
搞到而家每日我都冇得一覺訓到醒（夜晚佢地入哂我房一齊訓） ， 到左咁上下時間，
細仔阿咩就會做出嘈音（咬圍欄，狂咬ABC膠），迫醒我餵左糧俾佢地先可再訓

呀B嬲就會 "嗯"一聲 + DUM地。

好耐之前試過佢想去一個地方 (電腦枱下) ，但係我封住左，佢DUM地以示不滿。

小朋友好直接的，可能有怪聲 (驚驚)、嬲你唔陪佢…

Yogurt 初到我家, 為左訓練佢去廁所, 攪到個廁所亂嘈嘈, 諗住清理下, 換左D乾淨粒粒落佢個廁所度, 可能佢係陌生地方, 聞唔到自己陣味, 佢就dum 地黑面, 嚇得我立即將佢之前D屎屎入返去! 咁就唔dum!

以為帶左隻衰神返黎老友記通知我有衰野