兔兔突然變得好惡

我係幫我朋友問嘅...朋友隻兔兔而家一歲多...養左都有一年...
一直都好純...平時放出黎自由活動...識自己返入籠食草同去廁所...
直到一個月前...兔兔突然變到好惡..見到人行近就咬...仲要係咬住唔肯放...
而家幫佢清潔個籠都好難....~~

兔兔生活模式一直冇變...唯一唔同係由食Momi...轉左食Oxbow...
請問有咩原因會令到兔兔咁惡?

係唔係未絕育?

男仔未絕育~

P.S 我自己有兩隻兔...一男一女都未絕育...但就好乖唔會咬人的...

會唔會真係轉左草唔中意呀

我隻兔女之前都係咁，一夜間性情大變想幫佢抹籠又唔肯俾人抱出來，伸隻手入去就衝埋黎（仲咬過我兩次）半個月前絕左育，而家無晒呢啲行為了~

兔兔大左，未絕育係惡啲架啦，伸手入籠要小心

帶佢去絕育啦! 雖然我冇兔仔, 但係爬文都見到絕育對兔仔會健康d, 同埋有機會會乖d架!