放不低..

今日係七仔走左第二日
我就好似冇左靈魂咁 做咩事都冇晒心機
心入面淨係有七仔同泡泡
七仔走左之後我好怕泡泡都會跟住走
成日覺得一訓醒泡泡就會好似七仔咁..
每當得番自己一個人既時候又會好掛住七仔
會係電話度拎七仔火化之前個幾張相出黎睇..睇睇下又會喊
腦海入面不段出現住兔爸禁制 然後個爐就著火個畫面
心入面好痛..好痛..
個一刻我都另轉面冇睇到 我驚我自己接受唔到
今日再開番個木盒 俾兔婆睇下七仔d骨.
我又忍唔住喊左出黎... 我好掛住一隻有血有肉既七仔
雖然佢淨低左好多野俾我懷念佢
但係七仔已經唔再係我面前跳黎跳去...
我而家只希望時光可以倒流 俾多次機會我好好照顧七仔...
七仔 媽媽真係好掛住你...回來好嗎?

我好明白你既心情，時間係最好及唯一既治療，想喊就喊啦

你要加油 ...  仲有隻兔仔要你照顧嫁...  兔仔都知自己少左個伴..  你地要互相撐住大家呀

你應該將掛住七仔既心
放係泡泡身上
我諗七仔都唔會想見到你咁傷心

以過來人身份話你知，七仔永遠活在你的記憶裏，但傷心是必然的，待時間過吧！自己要保重呀！

雖然七仔走左,但我相信佢一定會起彩虹橋望住愛錫佢既主人同同伴.
心愛既小朋友走左,即使唔係過來人,我地都感受得到.

不過,  你仲有泡泡啊, 佢依家冇左同伴更需要兔媽既關心, 你係佢既支撐.
加油, 你地要一齊一邊掛住七仔一邊努力向前行.

傻豬呀~
你應該開心仲有泡泡在你身邊~
而且任何人莫講係養動物,就算人都係,都有離開既一刻~
所以先有珍惜身邊人既老土說話出左來,況且七仔走到幾遠...
個回憶都起度,無離開過~遲早一日我地屎左,米又係起上面見返...呢個只係過渡期,過左就心情就會好過d...
加油~~唔好諗太多~~