大家入黎幫下我隻兔兔哇...

我想帶佢去愛護動物協會到做絕育同剪牙...

不過我金日先寄左份會員申請表同支票比佢地....

我想問愛協會唔會寄番張會員証比我架...定係要自己出去拎啦

同埋可唔可以講我知愛協有咩醫生做呢種手術係好經驗架!?

我係唔係要等到有會員証先可以約醫生架!?

因為我想快d帶兔兔去睇..佢依家3歲..係男仔黎架..佢依排冇哂心機..冇以前咁活潑

又唔肯食草同菜......依家又愈來愈瘦...  好擔心佢...我好多fd都係養左3年兔兔就離開左

我好怕佢好事 ....診金太貴個d我負擔唔起架~T^T

大家幫幫我同我隻兔兔哇....T^T   10萬個thank you

其實男仔絕唔絕育無咩影響~
只要無行為上既問題就唔絕都可以~~
你話要剪牙...佢D牙仔過長嗎?? 平時食得草少??
點都好啦~ 唔肯食野就一定有問題~~
以下係兔友們推薦的獸醫

大圍珍禽異獸及寵物醫院
Dr Tiger
http://www.taiwaiexotic.com/
沙田大圍積信街69-75號立和樓地下B舖
電話：2687 1030
急症：7116 8888 呼2000

九龍動物診所Kowloon Veterinary Hospital
Dr. Betty
九龍九龍城啟德道24及26號地下
tel: 2382 3300

維多利亞寵物診所 – 元朗診所
Dr. Gerry
元朗民合徑8號幸福樓二期地下11號舖
電話：2477 8929
急症：7116 3282 呼8929

希望你的兔兔盡快康復啦~~^^

[ 本帖最後由 wesky 於 2008-4-19 21:33 編輯 ]

你今日先寄表,唔清楚幾耐先得~~~
不過,就算你出去book,都要預約急症.........
就兔友分享得知,Dr Tiger 價錢較貴,Dr. Betty中等(大約千幾for 仔),而Dr. Gerry 較平(大約9百幾至一千for仔)
希望你既仔仔平平安安,快d搵到e生啦!!!

睇落情況都算差~
要盡快帶佢睇醫生了~試下同屋企人商量下
先睇左唔食野既問題先~

多謝你地ge意見>v<

應該要立即解決咗佢唔食野個問題先，你養咗兔兔三年，都應知道佢唔肯食野係大問題嚟，否則佢走咗後你後悔都無用，佢已三歲仔，絕唔絕育問題都唔大。
你想同佢剪牙，係你覺得佢牙仔長，定係已經睇過vet確診了？
愛協唔係個個vet都識睇兔仔，如果你覺得你兔兔條命唔值比多少少錢，咁你咪就去博一鋪囉，如果你付擔唔起，就同屋企人商量，同朋友借都要。

原帖由 wahaha24hour 於 2008-4-20 01:13 發表
應該要立即解決咗佢唔食野個問題先，你養咗兔兔三年，都應知道佢唔肯食野係大問題嚟，否則佢走咗後你後悔都無用，佢已三歲仔，絕唔絕育問題都唔大。
你想同佢剪牙，係你覺得佢牙仔長，定係 ...

我讚成他的說法,有病應該盡快帶兔兔睇醫生,唔好為在少少錢令到自己後悔

剛養狗的時候，都有入過會，去過愛護動物協會睇醫生

感覺佢ｄ醫生唔多專業，好求其又無愛心，收費又唔係特別平

就算普通打預防針，都會覺得佢地手勢差

睇過一次以後都無再去囉

等於我哋去輪街症咁:056:

我知道....我都好緊張佢...

如果我有錢幾貴我都會帶佢去睇...

所以我而家搵緊錢番黎:050: :050:

其實計埋入會費,同醫生費,真係未必平得過你去其他果d睇

入會費要200蚊架~~

愛護動物協會聽其他兔友講好似得一個醫生同兔兔desex比較pro，
(dr jame ?)
之前聽過好多呢間野d衰野，所以都唔敢俾兔兔去，
始終個到咁多醫生，約就係約左dr james，
但係最後都唔知係邊個醫生做。

聽講維多利都ok ga，
而且兔仔都係900幾蚊。

兔兔要無病先可以做 desex ga wor，
兔兔唔肯食野你有無帶佢去睇醫生ar?

我打左去維多利亞寵物診所 – 元朗診所問,,,,

佢地個到冇得剪牙....只有絕育...仲要$1140唔包藥....

我想問邊一間係有剪牙架...

因為佢牙好長,,,,一定要剪

佢D 牙仔長到咩程度??
你打電話去Dr Bettry 診所度問問~~
電話係兔兔寶典>>兔兔獸醫