bu bu廁所出左問題

bu bu黎左near5個月 一直去廁所都無咩問題
佢由第一日黎仲係住狗籠時都己經習慣係右上角去廁所
所以幾日後我買左籠之後都係放個廁所係個位
一直都無咩問題 甚至有時如果我將個籠轉左方向佢都係只會係返右上角去
除左好少好少會個pat pat未入晒個廁所會有少少去左出黎之外

不過呢2個week問題黎喇 佢好多時係夜晚會無係廁所度去
係下圖個2個紅圈度就去 右邊個位通常量會少d
我留意過 有時右邊佢係會去左少少 又即刻跳上廁所繼續去
我懷疑佢到最後一刻先去 急得制 去唔切
不過應該唔係呀 因為佢係籠出面時 佢都會衝返入籠上廁所
仲要係你唔知佢急 撩佢佢都會唔理你 勇往直前衝返入去架
咁點算呢 佢仲要係夜晚先會咁 好多時我訓左 唔可以即刻發覺呀
有時未訓即刻同佢抹 訓訓下醒左見到又即刻幫佢抹
不過咁唔係辦法 宜家佢搞到patpat同腳內側都有尿跡
我同佢抹得就抹 抹唔到剪短左d毛 不過腳底又唔剪得
好驚佢醃到甩毛 or 生虱呀

我亦每次抹籠同臨訓都同佢用醋抹一次個籠 不過情況依舊
而且我有d懷疑佢好喜歡d醋味
因為我抹緊既時候 佢走埋黎聞 仲會用下巴磨塊布添

若果同佢加朱仔板 好似都係治標唔治本
因為店舖d人同我講 用左之後可能佢反而仲有機會懶得上廁所
而且d尿始終都係會留到係朱仔板上 都係腳仔同pat pat會接觸到  
又訓得無咁舒服 仲有我就可能會同佢清楚個籠時抹得無咁乾淨添

我每日都會同佢洗廁所 抹乾淨個籠
通常到夜晚再睇下 若果廁所紙粒已經濕晒or污糟就會換多次
一星期度會洗一次籠

用豬仔板可能會增加患腳瘡既機會
所以盡量唔好用囉~~
BuBu 絕左育未架~~ 係咪係度霸緊地盤呢??

原帖由 wesky 於 7-5-2008 11:43 AM 發表
用豬仔板可能會增加患腳瘡既機會
所以盡量唔好用囉~~
BuBu 絕左育未架~~ 係咪係度霸緊地盤呢??

未絕育架 因為佢始終都唔係好聽我講野 <--即係唔理我
若果佢絕育之後有咩問題 餵藥 or餵草粉之類都會係一個大問題

佢會唔會係到霸地盆 ?

尿尿搞到周身都係，我個仔試過好多次，
每次我都係用濕毛巾幫佢擦，擦完用梳梳毛毛。
再嚴重D既，可以用個盆仔，放少少暖水入去，只要浸到佢腳仔就可以，
跟住放佢入去用清水洗。

兔仔不嬲都係有性格，唔多聽主人講野，
可以試下多D坐係地下，親手餵佢食野，可能會理你多D。

餵藥唔算係好難，比起教佢去廁所易得多了。:056:

原帖由 lingyan 於 7-5-2008 12:39 PM 發表
佢會唔會係到霸地盆 ?

尿尿搞到周身都係，我個仔試過好多次，
每次我都係用濕毛巾幫佢擦，擦完用梳梳毛毛。
再嚴重D既，可以用個盆仔，放少少暖水入去，只要浸到佢腳仔就可以，
跟住放佢入去用清水洗。

兔仔 ...

咁好彩佢又未至於周身係 只係腳仔同pat pat囉
佢尿尿左唔會訓係度 不過腳仔同pat pat掂到所以污糟囉
佢本身已經好叻 基本上都唔駛點教去廁所 係最初一2日要經常睇實佢
反而即使我坐係地下餵佢食野 佢精過鬼
一拎完野食就走人 除非我拎住一大碗野食 唔係實拎完去第二度先慢慢食
又為食 又精到死