DEL .THX

DEL .THANK YOU.

[ 本帖最後由 nga_yi 於 2010-3-19 05:00 PM 編輯 ]

原帖由 nga_yi 於 18-3-2010 10:38 PM 發表

我知我現家懺悔係無用...但係我唔係因為無左隻玩具而唔開心...我真係好內疚.
就係因為離開左...先至知道生命有幾寶貴...我明白
個日唔係特別凍...加上真係賴尿賴到PATPAT濕哂
驚D尿"葉"住...傷到佢
我承 ...

個日唔係特別凍...加上真係賴尿賴到PATPAT濕哂
驚D尿"葉"住...傷到佢

凍唔凍，唔好以人類既感覺去判斷，
兔兔濕哂毛就會無哂保暖，會令到佢失溫，就算唔係特別凍，只要唔小心吹到風都會冷親，
就等於小朋友沖完涼，阿爸媽都會拿拿林幫小朋友抹身，廢事小朋友冷親。

賴尿如果真係賴到濕哂，可以選擇用濕布抹，
用濕布抹過，都唔會咁易業到兔兔，因為已經稀釋過。

點解佢跌親無野可做呢 ?
好簡單，唔俾佢跳就得。
用圍欄擋住個SOFA就可以解決。

照顧兔兔，唔係話只俾水佢飲就係照顧，照顧係要全面，
例如入草、入水、洗籠、梳毛、剪指甲，呢D野都係需要做。
唔係做左某幾樣就叫做你有做，
要養兔兔就做哂全面照顧。

抽濕機同風筒，我就唔覺得兔兔係怕抽濕機，
風筒係吹住兔兔，除左聲音上嚇到，仲有感覺。
有一陣風一直吹住兔兔，兔兔唔知係乜野，佢當然會怕。
抽濕機只係抽濕，點解會搞到兔兔 ?
其實點解都叫唔好沖涼，
除左好易冷親兔兔外，仲有就係風筒聲，
風筒聲就算係靜音個D，都幾嘈，
再加上風力，仲更加嚇到佢。

兔兔RIP.
作為主人的確係好有責任去照顧好兔兔
我睇得出其實你係錫你兔兔
不過你愛佢可能會害左佢就係咁解..
我屋企都有開抽濕機
依樣野兔兔係無影響
都唔會因為你開一開就嚇死佢
我可以話係無咩可能
反而風筒個聲比起抽濕機既聲更加大
而且仲吹住兔兔 依樣野比抽濕機殺傷力更大
其實你兔兔既致命傷係跌一跌...
我諗兔兔既死係大家都唔想見到既
希望到你成熟D既時候先再去養.....
PS.洗澡係幾時都唔好做即使好似你咁講用好少既水
你用毛巾抹OR剪左佢比尿尿整住既毛仲好...

睇左一半, 吾想再睇落去 ,

我相信你好愛小爾仔, 但ONLY WHEN兔兔健康/可愛/乾淨 的時候,
係佢有病 / 污租時, 你仲愛佢嗎 ?? 你會照顧佢一生一世嗎 ?
希望以后諗清楚, 才去領養 / 買兔兔,
無人一出生就識養兔仔, 係要不斷學習及累積經驗,
無人有資格鬧你怪你, 只有小爾仔有資格,
小爾仔的短短生命中, 你可以問下自己, 你比過d 乜佢 ? 你令佢有幾快樂?
係佢死的時候 , 到底係痛死or嚇死 ...

你太過份la，唉，你最好唔好養la~
無謂再害到小生命，佢地好慘架！
仲有你個籠細到敢既，有冇搞錯呀！

未睇d字 淨係睇到個兔籠都覺得小爾仔好慘
個籠甘細 想轉下身都無位轉 真係連養小天都覺得迫
(點解甘多人買籠都買甘細ga!?!?激氣)
你仲話你有爬文睇資料 甘睇左又吾係記得/做 有咩意思
你太多籍口啦 沖涼就話因為佢業住 跌親又話平時都識上梳化只係有時失敗
到最後你又話佢嚇親又話跌親 話吾定根本小爾仔有病你都吾知
好多問題都可以簡單解決 只係你吾識/無做到

養小動物係好花心思時間的
如果你自問無耐性(e.g.教去廁所) 恆心(e.g.常洗籠)
知識(e.g.佢跌親點處理) 金錢(e.g.睇醫生)
甘你就吾好再養喇

原帖由 nga_yi 於 2010-3-18 10:11 PM 發表

因為佢太污糟啦
其實之前都試過,佢唔驚既
同埋我地係用一條濕毛巾墊底...下面有好淺淺淺...唔過腳仔既水.
只係濕下腳仔...抺下佢.唔濕身既...

唉

<<其實之前都試過,佢唔驚既 .... >>
我諗兔兔係驚到吾識走吾識 "育", 你以為佢吾驚

我都唔想再講落去......我回想起都好唔開心。
我都知自己好多野做錯左。

抽濕機嚇到佢係因為佢係隔離貼住咁訓，咁樣突然間開左有聲又係咁震所以佢好驚。
佢個時真係即刻驚到走，好快沖左出黎。
係我留意唔到佢咁驚抽濕機。係我唔好.

關於個籠既大小問題，我都唔會反駁。
因為我都覺得太細。
我盡量都俾佢出黎玩，朝早放佢出黎到係深夜１點度就關佢入去。
其實我都知係唔夠，籠係根本既問題。
如果我真係再養，我會預備好哂籠呀，軟墊個Ｄ先繼續，我都唔想再重演哩次慘劇...
我唔係最後先講話嚇親又話跌親，我係覺得兩樣可能性都有。
我唔係醫生，我都唔可以確定。
只係我個人觀感，可能係我估計錯誤。
兩樣都係我既疏忽。
尤其係跌親方面，我承認我既危險意識唔夠。
例如，佢有時係沙發跳唔到，我只係覺得佢大都係因為跑得太快一支箭衝上去，預唔啱位所以跌倒。我承認我一直都只係覺得佢一時失手，預唔準個位。
哩樣係我個人好主觀好錯誤既思想，我現家都反省係高度問題。

我都知會有人覺得我係辯護。
不過我講事實，點解我咁堅持一定要幫佢沖澡？
因為佢之前真係試過醃住左隻腳，佢係咁咬，咬傷哂。我地每次都有幫佢抺，但情況都無改善，可能真係兔友所講佢驚到唔識走咁樣，可能因為佢唔識講野我唔夠了解佢。我其實觀察前個幾次，沖完澡都周圍走咁樣跑跑跳跳，同平時無分別。可能係我個人觀感，我覺得佢唔驚，但都可能好驚，可能真係咁，係我唔夠了解佢。

BTW，我從來無講話自己無錯，今次既事我自己都好唔開心。
我會經過反省反省，認真咁想下到底係唔係真係有能力再養？
我估我再養既話，都會隔多一排。都會花時間認真考慮同買過新既籠新既設備。
買齊哂先至好再養，當然最重要既係預備係個心先好養。
經過今次既教訓，我都希望自己真係有所改進，我真係唔希望有下一隻兔仔死係我手上。

最後我想講，我真係無當過動物係玩具。今次既意外我真係唔想，我相信都無人想發生咁既事。今次既事完全係我既疏忽。我對唔住兔兔B...我知道死左先黎改過係無意思既，哩件事我自己都好內疚，用一條生命黎換取一個教訓真係好沉重。如果我以後真係會再養，我會抽更多時間黎照顧，如果有時真係唔得閒既，我會寧願唔放佢出黎玩住，免得再生意外等等。

你只係需要對自己同兔兔負責, 而非其他人, 只要你問心無愧, 無須解釋太多或跟其他人爭論~

我相信你係冇當過佢地係玩具!
不過下次你真係要小心!!