麥當當點解會搞成咁GA

頭先返工之前，去左噹噹買早餐食，
一去到 COUNTER，見到右邊買餐，左邊拎餐，
我買完之後，係左邊等拎餐，
見到後面D人執左好多餐，但係都唔知邊份打邊份，
只見到一堆，又無人理。
最好笑既係 ... 終於等到頭先收錢個妹妹仔收哂錢，就開始分，
後面個經理就黎幫手啦，佢係到嗌 "2號餐"，
但係無人應佢，因為跟本無人知幾多號，我地全都無NUMBER紙 ...

點解麥當當搞成咁GA，想學人地吉野家但係只學到一半，
個COUNTER已經鬼咁細，仲要逼二條隊係到 .....
D妹妹仔手腳又快到 .... 蟻咁 ....

其實餐廳都係想快D姐~
好多人ge時候...D人等得耐..又嘈...
無辦法可以兩全其美的~
我買個陣又未試過D咁ge事~
而佢叫二號餐就真係因為有人買左個2號餐:043:

m記不惱都係自己攞飲管架~
佢就咁幫你拎你仲驚啦~
入膠袋又唔環保~

原帖由 chrisyan 於 2008-6-19 04:50 PM 發表
其實餐廳都係想快D姐~
好多人ge時候...D人等得耐..又嘈...
無辦法可以兩全其美的~
我買個陣又未試過D咁ge事~
而佢叫二號餐就真係因為有人買左個2號餐:043:

佢咁樣我真係唔覺得佢快左去邊，
只係快在收錢囉，收左你錢，幾時俾你你都咬佢唔食 ...
人地吉野家個D，二個COUNTER，做法一樣，人地都無咁亂。

佢就好似打仗咁。
以前俾完錢拎野食不知幾好，
嫌呢條隊耐又可以換過第二條。

原帖由 chrisyan 於 2008-6-19 04:52 PM 發表
m記不惱都係自己攞飲管架~
佢就咁幫你拎你仲驚啦~
入膠袋又唔環保~

反而我寧願佢幫我入埋飲管，
4個 COUNTER 8條隊，本身一個COUNTER位已經夠窄，
跟本無辦法伸隻手入去拎，
加上佢無俾飛嗌NUMBER拎，D人就怕無得拎，就擠哂埋去。
拎枝飲管都要排除萬難 ....

膠袋呢樣野，我反而覺得有時候真係要俾，
好似星期一，落雨落得好大，兔妹打電話黎話買M記，
個時兔爸拎隻個新買既MON，我就拎住把傘同個袋，跟本無手，
之後去M記買，佢無俾膠袋我，未返到屋企個紙袋就已經爛左 = =||||
個時真係鬼咁狼狽 ...

我諗真係一間間work 我個度個間ok 可能多伙計 又唔太多客啦
買完係側邊等 另外有人執野食 佢地一執完一份就會叫人拎(執野食個個叫)
落單個只需一直落單 最多久不久睇下隔離執好出黎未 所以唔會積好多人
而且佢地唔係叫幾號餐既  佢地唔會執完一大堆先比客(我個間都算方法成功)
我覺得呢個方法唔錯 d野食落order先整 始終會較整好放係度好食d
特別係脆辣雞腿包之類 咁會脆d  我like食新鮮熱辣 haha

不過講真 我成日覺得m記d 人動作比較慢 落單要講幾次

原帖由 lingyan 於 2008-6-19 05:08 PM 發表



佢咁樣我真係唔覺得佢快左去邊，
只係快在收錢囉，收左你錢，幾時俾你你都咬佢唔食 ...
人地吉野家個D，二個COUNTER，做法一樣，人地都無咁亂。

佢就好似打仗咁。
以前俾完錢拎野食不知幾好，
嫌呢條隊 ...

咁我又覺得吉野家做得好好多, 係用多左D紙囉~
因為我對環保呢個問題都幾執著架~
好多時我寧願自己好麻煩...都會環保D~

脆辣雞腿包  我都好鐘意食GA !!!!!!!!!

我個邊個間係尖沙咀，出名人多。
M記請埋個D都係小朋友，快極都有限。

其實M記個到佢都有張紙GA，只不過係俾佢地內部睇，
而吉野家就俾客人，自己無紙KEEP，要睇部腦囉。

諗返起星期一個晚個狼狽情況，真係想死 !