鬆餅真的病了~

之後提及過鬆餅唔食野~
今日忍唔住請左下午假帶左佢去睇醫生
因為今朝聽到佢有d呼吸唔暢順的聲音
打到電話去, 原來betty今日唔睇症的
唯有睇dr yen啦, 去到先發現dr yen係男人, 仲要講英文
檢查完,醫生話佢喉嚨痛, 仲有痰 and 咳~
但係條腸就冇事~開左5隻葯, 要停糧食草粉

睇醫生期間~佢不停走來走去~
個醫生同護士都話佢唔似有病, 好百厭, 好活躍
就係咁冇左$900~:022:

我想問一日要餵120支草粉, 但係我要返工唔可以成日餵
我可唔可以朝早餵佢食多d, 放工再餵呢~

可以考慮開定幾粒草粉波擺係度....俾佢慢慢食↓↓↓↓↓
http://hk.myblog.yahoo.com/rabbitoffee/article?mid=41
不過初時無食過草粉, 要小心佢太心急一次過食晒,


又或者考慮請幾日假, 或拎去寄養,
同埋牧草應該照俾足佢食

我同你一樣
我兔仔有鼻水同便便好細粒
依家一日餵兩次草粉，每次一匙草粉，早晚各一餐
如果佢唔食野、食好少，你仲要一日餵起碼四、五餐
同埋你用『匙』黎量草粉好d
水多水少，120枝個份量唔夠準確

Toffee 咁樣望同鬆餅有d似, 哈哈,
點解可以整到波波架~
我見個護士開得都幾稀下~
好彩的是我返part time, 唔係日日返
問題係明天要返工, 星期四唔駛可以全日照顧佢
寄養寄去邊呀?? 咁急會唔會full booking ar??
佢又唔係完全唔食, 食好少~
希望食左葯明天會好返d~
唯有放d草 and菜俾佢, 因為醫生話佢仲可以食菜
thx

係呀~佢又係有鼻水呢~
我只知道用外賣匙, 一匙草粉2匙水咁開
餵夠120支草粉lor~
我諗住朝早餵幾十支, 夜晚幾十支,
佢都仲會食少少草, 不過唔會好似平時咁食粗支,
平日佢好鐘意食粗支的, 依家only 食alfafa葉~and 幼草

咁你的兔兔會唔會自己食野呀??

呢排都好多兔兔病左啊/33\
我隻仔仔都食緊藥-___-
大家加油啊!!!!

原帖由 SheR_bb 於 2008-9-16 06:32 PM 發表
Toffee 咁樣望同鬆餅有d似, 哈哈,
點解可以整到波波架~
我見個護士開得都幾稀下~
好彩的是我返part time, 唔係日日返
問題係明天要返工, 星期四唔駛可以全日照顧佢
寄養寄去邊呀?? 咁急會唔會full booking ar? ...

我都覺鬆餅同Toffee 有d 似, 草粉波都係只需草粉+水, 比例上草粉多d,
做法好似麵粉做麵糰咁, 只要加多d 草粉, 自然會無咁稀,
你可以先加水, 後加草粉, 如果太稀再加草粉, 如果太濃再加水(太多草粉會好散, 好似d 米粒咁上下大),
加水時可以用針筒加, 以免一次過加太多 @@"
如果濃度適中, 搞動時d 草粉己經會痴埋一糰咁,
如果寄養, 有d 寵物酒店或者寵物店都有呢個服務, 當然兔協亦有啦,
呢排過左中秋, 又係旅行淡季, 應該唔係好full既

原帖由 Cwk 於 2008-9-16 06:16 PM 發表
我同你一樣
我兔仔有鼻水同便便好細粒
依家一日餵兩次草粉，每次一匙草粉，早晚各一餐
如果佢唔食野、食好少，你仲要一日餵起碼四、五餐
同埋你用『匙』黎量草粉好d
水多水少，120枝個份量唔夠準確

便便細粒可以試下俾少dd 糧, 睇下有無改善,
草我就舖滿佢籠內, 令佢懶時趴係度都可以食到多d(雖然好浪費d 草 -0-)

原帖由 SheR_bb 於 2008-9-16 06:38 PM 發表
係呀~佢又係有鼻水呢~
我只知道用外賣匙, 一匙草粉2匙水咁開
餵夠120支草粉lor~
我諗住朝早餵幾十支, 夜晚幾十支,
佢都仲會食少少草, 不過唔會好似平時咁食粗支,
平日佢好鐘意食粗支的, 依家only 食alfafa葉~an ...

睇鬆餅張相, 佢似四個月左右大, 鼻水幾時開始有?
可以試下24小時開住冷氣俾佢(24度左右, 唔好太凍._.), 睇下會唔會好d,
因為我toffee 差不多由我係寵物店帶返來到而家都一直有鼻水, 己經近五個月,
有睇過醫生食過藥, 亦有換過晒佢所有既日常接觸到既野, 都無改善,
但就發現到天氣涼d 時, 鼻水會少dd,
我唔肯定佢係鼻水定係汗,
因為我知兔仔只有鼻前有汗線, 雖然平常就用耳仔散熱多,
另外, 如果你係返part-time, 可以假日時試下成日陪住佢,
每隔2個鐘左右俾d 野佢食(草照常擺籠內),
如果佢而家約7-8個月大,
可以輪住俾乳酪糖、新鮮菜、紅羅白、橙肉、草粉波佢食,
不過每樣既份量都唔好太多, 主要係誘發佢既食育

希望鬆餅快d好返冇事啦~~

很多謝大家的關心~
很開心~每次兔兔有病的時候,
只不過係一句 "加油" OR " 快D好返" 呢D說話
已經令我特別起勁, 令我既挫敗感降低~

其實佢應該有6個月了, 我都養左佢4個月~
昨晚佢已經開始自己食草, 不過唔多, 間中會食下草粉
到今朝起身見到佢食哂D草, 臨訓前俾的~
我地起身佢就一直望住我地, 要我地俾草草, 俾左佢之後, 佢又再食
草粉就冇食過~仲要俾佢放左幾粒便便落去
見佢胃口唔錯, 所以我地冇搵人幫手呀~照常放草, 放水俾佢, 草粉波波都有 (唔知會唔會已經俾佢踩扁左~)
餵佢食葯, 餵左少少草粉, 放左好多冰墊, 籠內籠外都有
風扇大的吹上面 (令空氣流通D), 細既放籠前面 (係會轉轉下咁吹到佢)
(冷氣真的唔敢冇人的時候開, 因為部野好舊, 而且呢2日聽到有D怪聲,
放假我地係屋企就會長開lor)
好想快D返屋企睇佢~希望佢依然繼續努力食野啦
多謝你~~~

鬆餅肯自己食草, 好快好返架啦
加油~

我隻兔都係鼻前有透明、好稀o既鼻水
但佢之前一直都無，就算屋企開左冷氣一樣鼻濕濕，唔多似散熱
食左一星期藥完全無好轉
我覺得佢似耳仔問題引致多過傷風，今個星期都會去覆診
糧已經一早停左

兔兔自己都肯食草，但只係夜晚食
下午食得好少好少，6個鐘一粒便便都無
唯有即刻餵草粉先好番d

只要有入有出就好快冇事ga la!! 大家加油丫:076: