今日上咗兔協

同兔爸商量咗好耐, 決定養多一隻兔兔, 說服了兔爸上兔協看看, 但係上到去 d 義工 / staff 真的很冷淡, 係冷淡到令我地覺得好不屑同我地講野,  好似我地黎乞隻兔仔返屋企咁... 我地唔係話要求好似 sales 咁, 但係我同兔爸好似被人當空氣咁... 最後, 我同兔爸都唔係太開心咁離開, 兔爸話 "唔再考慮兔協, 買隻兔 b 算了... 費事受氣..." 令我好無奈...

其實上得去領養, 都係希望幫到兔兔啫, 而家咁, 我都唔知點好了...

你諗下政府D人態度仲惡劣啦.....

起碼大家都係愛兔之人，你想領養O既兔兔O係返你屋企前一直係佢細心照顧

再唔係上兔協個網睇返D兔兔相啦~ 可能令你地改變心意

D兔兔好可愛喔#^39^#

我都試個有呢個感覺
不過點都好,
我都會上去捐錢,買野
同探下d兔兔

每次見完d兔兔
都會好唔開心,
好想領養佢地...
或者, 佢地每日見到咁多人棄兔
有d不負責的主人仲攪到d兔兔受苦
所以無咩心情講野....

你可以唔鐘意d 人, 但係兔兔好需要我地

RONNIE 有無諗住領養果果，同你隻兔兔好似樣，好可愛 >w<

幸好,次次上去,就連領養我家短短嘅時候的冇遇到呢啲情況.
但我都明白樓主一心想知多啲兔兔嘅嘢,不過問多兩句嘅時候又比人當透明...都幾難受.
其實...禮唔禮貌係個人嘅問題. 如果因為一兩個人嘅問題而令你冇咗一個搵到適合嘅兔兔嘅機會, 真係唔值得.
你既然選擇得上兔協,即係你有心去養被遺棄嘅兔仔,真係希望唔好因為呢啲事,放棄領養而去買兔兔哦#^54^#

[ 本帖最後由 blueca25 於 2009-10-31 07:48 PM 編輯 ]

我之前求左媽咪好耐, 叫佢去兔協領養~
因為我係紐西蘭有丁丁,  媽咪都想養返隻寵物~
一來屋企係村屋夠大, 2來想我細佬有多D責任感~ 如果唔養兔會養狗仔~
之前都係網上睇左幾隻, 我媽咪一早就出去, 一點幾去到, 果時網頁話11點開~
同D義工講想睇兔仔~ 點知個義工話冇得睇, 叫我媽咪最快4點先好返去再睇~
我媽咪都問左自己睇下都唔得? 但點講都係冇~
搞到我媽咪立即打比我, 同我講唔會去領養~
我咁聽都覺得有D過份~ 我知義工係冇錢收, 但唔係大晒囉~
咁你一句4點先好返黎睇, 咁唔通要人行3個鐘返去呀??
我住你隔離就幾時都冇所謂~ 特登出到黎, 又唔係要你特別"朝"呼~
連睇下都唔得~ 好想講, D義工咁既態度係會令D兔仔少左個機會有個屋企~
唔想做咪比個機會其他人做囉~ 我個FRD填左form好耐都冇人搵佢~
之後我再email 去比意見~ 有回覆話因為要洗籠, 會比較唔方面, 但如果有要求過一定會比我地睇~ 咁我都再同佢講, 我媽咪有要求過之餘, 都話自己睇, 但都係唔得~
所以之後冇再去埋佢地既回覆~~
我之後都仲有捐錢同買野~ 不過都係因為D兔兔~
如果真係唔會叫家人朋友上去比錢去受人氣~:051:

我媽咪係weekday去, 特登出去MK架, 就係知weekend好多人會睇唔到~
冇啦~ 我媽咪係唔會再去, 我都比佢話左我2日~
而家都係我個FRD有時幫我買下野咁~
買得多都係去第2間, 有多D貨揀同平D咁~
係會買佢地D書同日曆咁同捐錢~
上親去都好似去乞咁~ 唔係因為D兔, 自己又係外國, 做唔到D咩,
真係啋佢都傻~

vivipig, 其實我極之認同你
我好似遇過一兩個係好o既
其他就真係...=.="

不過我依然上去付錢受氣
都係為左d兔仔

不過付錢個一刻, 佢地既態度會好返d o既

其實我唔係唔認同兔協係一個好有意義的機構, 唔係唔認同班兔兔好需要幫助,
只係, 呢個世界除咗照顧幾十隻兔兔辛苦之外, 好多人做嘢都好辛苦, 如果認為只要我有愛心, 我做嘢好有意義, 全世界就要諒解我, 明白我, 呢個諗法有點天真, 呢度ge 兔友體諒, 係呢度ge人好人, 係 bonus, 兔協要靠賣兔兔用品, 要靠社會人士捐款, 就要走出呢個小圈子, 去令社會的人都支持呢個機構, 咁兔兔先會最得益! 就好似兔爸咁, 次次叫佢去買草, 佢都會揀 petxgg, 因為 service 好, 同埋樂意教我地養兔兔, 如果我係一個普通的消費者, 點解我去幫襯一間令我唔好受的舖頭?

其實每一個上去詢問領養的人, 都是一個兔兔得到新家庭的機會, 為了兔兔, 點解唔去為兔兔爭取呢個機會, 令機會白白流失呢?

以上只係我的個人意見, 不喜勿插, 請見諒!

原帖由 lingyan 於 2009-10-31 07:41 PM 發表
RONNIE 有無諗住領養果果，同你隻兔兔好似樣，好可愛 >w

其實自從想養多隻兔兔之後, 日日都 update 兔協個web 同 blog, 一早留意到果果, 琴日上到去見到真身, 真係好似呀, 不過俾人 hold 咗了, 不過當日我更喜歡勳少, 兔爸喜歡綿花冰, 但係因為兩隻年紀都不詳, 我地怕佢地好老, 會好快唔喺度... 所以都繼續喺度掙扎緊... 兔爸同我個妹都叫我唔好...

原帖由 ronniecheung 於 1-11-2009 12:28 AM 發表

其實自從想養多隻兔兔之後, 日日都 update 兔協個web 同 blog, 一早留意到果果, 琴日上到去見到真身, 真係好似呀, 不過俾人 hold 咗了, 不過當日我更喜歡勳少, 兔爸喜歡綿花冰, 但係因為兩隻年紀都不詳, 我地 ...

年齡真係幾大問題，當初我想領養芝芝，但係一睇 ... 佢已經7歲 ....
真係好怕養左無耐就要傷心，最後都無申請 ...

ps 今日係網頁已經唔見左芝芝...唔知佢點呢 >w<

--------------------------------

忙，唔係一個藉口。
醫院入面既護士都好忙，如果佢俾錯藥病人食而引致病人死左，
係咪可以用忙呢個字黎做藉口呢 ?
[上一次去兔協寄養，就因為佢地忙而溝通不足，
而引致用錯墊料令兔兔猛咁打乞痴，打到自己雙手一直擦鼻鼻，
做主人見到寶貝咁樣，有幾心痛 ? :050: ]

其實唔係要求兔協要有劉德華成日話個種服務態度，
亦都唔係要求到好似專門店買野，有個姐姐跟住尾咁服侍
(好多兔媽入化妝品都超唔鐘意有個人係後面好似吊靴鬼咁跟住哂)，
只係想當我有需要到幫忙既時候，
可以伸出緩手 ...
唔係叫好多次"唔該、唔好意思"都當聽唔到 .... 當無到咁 ....
真係好難受 .... :063:

超級同意大家,記得第一次上去(around 1 year ago),重未曾養過兔兔，想俾兔爸見吓一隻成兔有幾大,如果養兔要注意d咩,(我地一心想從兔協了解我地適唔適合攞朋友兔BB返嚟,問吓意見.....點知..上到去,好似我地係賊咁問我地嚟做乜,我地話想參觀,就又要寫ID number ,又唔可以........(太多野唔可以做...現在吳記得咗)態度唔友善,攪到我地俾佢嚇親,急急腳睇吓就走，乜嘢都冇問到...
我都係想做一個有責任嘅主人,唸住兔協係慈善機構,會友善地解答問題,教育養兔知識都係佢哋嘅責任....但落得如此結果,可能我對佢期望過高吧

其實我都覺得佢o地d態度真係麻麻~
我之前上去o既時間可能又比較多人啦...
記得上年買個兔兔年曆~
兔ba問佢係咪就咁拎出o黎就可以~
(個意思係俾完錢自己就咁拎一個,仲要已經係拎o左錢出o黎俾)
之後果個staff用幾差既態度話:梗係唔係啦,要俾錢o架!!
可能佢get 錯o左我o地問係咪可以就咁唔駛錢拎啦~
但我果一下都覺得佢d態度真係唔得...
就算人o地真係誤會可以唔駛錢就咁拎~
你都唔應該d態度咁差o架嘛~~

講真真係會有點hard feeling的~
同埋唔多唔少真係會影響到d人去買o野/領養~
就算有幾忙其實都真係應該可以對人好dd~
始終我覺得上得去o既人真係會有心幫兔兔~
佢o地個個都係愛兔兔之人...個個都好有愛心~
對人應該都會好好先係...
其實會明白佢地有幾忙,但佢o地對人態度唔好,令到人o地有唔開心都係好正常o既...

提提大家，和諧討論，切勿過份激進或進行人身攻擊，否則，留言將會被刪除

一切留言之言論只代表留言者個人意見，並非本網站之立場，用戶應自行判斷內容之真實性。

原帖由 Suki00623 於 2009-11-1 04:56 AM 發表
我原本都同大家一樣覺得d兔兔需要幫助.有捐錢俾兔x咖，捐左2個月.之後就無捐..因為一位資深兔友同我講左一d 兔x既事情.再經過同其他兔友既討論，令我地覺得呢間舖..其實並非想像中一樣
原來兔x 既 boss 之前好似都係 ...

講真，我覺得你有D偏激.....
想賺錢的人總會有虛假臉孔的..

其實佢地O既財政我又唔清楚，所以都唔可以妄下判斷。但毫無疑問兔協係幫左好多兔兔
如果你話佢地牟利，點解接到D貴價的兔兔，絶埋育領養唔駛俾錢?
同埋兔兔唔止要食野，有好多棄兔接返黎就成身病，唔係我地捐果D錢去幫佢地咩?
領養LIST的確係有好多兔兔，但係亦有好多接返黎等唔到俾人領養就去左彩虹橋，臨終前的醫藥費一樣要靠我地捐錢。

但係兔協有態度唔好O既人，都有好人，好似我剛剛養兔果時，肥雪唔小心吸到草碎流好多鼻涕，我以為佢嘔，嚇到唔知點算，後來醒起兔協，就打電話佢問佢地，佢地雖然臨收工，仲仔細交代我要點做，而我都係果陣時至知兔兔係唔識嘔架...
又有一次有人話有隻草兔兔係食得，我拎左塊葉去兔協，當然俾人話唔可以拎野草俾兔兔食啦，但係即使教訓人都唔係惡，之後買草都冇乜野AR...
#^39^# 睇好唔好彩遇到咩情況咋，我有次去買糧就好似自出自入咁....個個都好忙，冇人理我....