急!!我兔仔已經無食野4日, 屙爛屎

佢4日前開始唔食野....又周圍屙同屙爛屎
佢之前好乖會去toilet 而家屙到成pat pat 都係
睇過Pet Central (千其唔好去)同 Dr. Eric 都唔得
迫佢食草粉佢又唔多肯吞...我好驚
book 到 Dr. Tiger 明天睇......
有乜野方法...佢又肯食下木瓜丸....我可唔可以俾菜佢食住先呀....

四日唔食野...我相信除左盡快帶佢去睇醫生, 無咩意見可以俾到您,
一般唔食野12~24 小時, 就會開始腸停,
如果其間連水都無飲, 會有脫水現像

獸醫資料 - > http://mini-house.info/thread-41-1-1.html

可以打個電話去問下佢地睇唔睇急症

打去兔協, 睇下有冇人幫到你,
為左兔兔,  乜方法都要試下

4日無食過野!? 係咪無咩胃口咋!? 無食到野 但又會有屙爛屎??
如果吾肯食草 但肯食菜 都可以食住菜先 總好過咩都無食過啦
草粉 你有無針筒呀?定係吾識餵?
緊要關頭佢吾肯食 都要迫佢食ga la
其實你可以直接帶兔兔去診所
醫生吾會吾比你睇既 最多要比貴dd錢
或者你打去Betty度問下有無急症啦!!要快~~!

4日唔食野.....!?
12小時唔食野已經好大件事架喇~
pet central一早講左好多次唔好去~

依家你應該盡快帶兔兔去睇醫生~
睇d真係識醫兔既醫生,

九龍動物診所Kowloon Veterinary Hospital
Dr. Betty or Dr. Yan
九龍九龍城啟德道24及26號地下
tel: 2382 3300

去呢間啦~你打個電話去先,
講低你既情況,
之後即刻帶兔兔去walk-in
最多貴1,2百~

唔好再比木瓜丸佢食喇!!!!!!!!
食左呢d更加唔會食草!!!!
佢唔肯食草粉你都要夾硬迫佢食架喇~

相信你兔兔已經條腸已經停左~
你盡快盡快帶佢去睇醫生~~
我見你張相隻兔兔都好可愛,我相信你都唔想佢離開你~
快d救佢la....

4日你先講~
根本上一日唔食野都已經好大問題喇 你今日帶唔到佢去睇咩...?
你即時帶佢去睇啦

不是落井下石...但的真太多人臨急抱佛腳

如果有留意開兔兔資訊..就會知Pet Central 完全唔得..

如果第一次你是帶兔兔去睇tiger or betty..可能而家已經得到正確的治療

希望所有兔友可以借鑑..不要等有事先求救.始終討論區不會有資深兔友留守.

如果深夜4-5點發現兔兔有問題..可以幫到兔兔的就只有主人自己

所以應該熟讀關於兔兔健康的資訊及方法..每當兔兔出現問題就當機立斷..唔洗"拿手唔成世"

兔兔腸胃出問題後的黃金24小時是好重要的..如果真是腸胃出現問題...捱到4日是小數例子

另外..木瓜丸含有高糖份..而糖份更是令兔兔腸停及惡菌繁殖的無形殺手,,,空肚更不應食落肚..在睇醫生前唯一最應該做的就是餵草粉...

[ 本帖最後由 elvisli 於 2009-12-30 02:27 PM 編輯 ]

我今日一早用針筒迫佢食左0的草粉,佢而家屙番0的長條型既軟屎
佢自己會飲水, 同去咬磨牙石, 之前Dr. Eric 話佢牙仔有0的尖好番之後Suggest 磨一磨
不過而家都未好....一陣再買0的有apple 味既草粉.....希望佢會肯自己食....

我想睇Dr. Tiger....明天一早就睇...唔想再係咁轉醫生.....:050:

我26號睇....以為好多醫生public holiday 都唔開...佢睇開Dr. Eric 又唔開....
我一急就只係記得Pet Central
Dr. Eric 一開我已經立即接走佢
都係我衰.....無check真0的 :050:
害到我小B.......

不過Dr. Eric 又話佢無腸停........都唔知點解....

原帖由 emily_520825 於 2009-12-30 02:31 PM 發表
不過Dr. Eric 又話佢無腸停........都唔知點解....

唔食野~係咪就係因為牙仔長呀?有冇流口水?
你唔叫佢check真d d牙係咪真係長?
咁佢話無腸停..有冇講評估佢點解4日唔食野?or其他問題?


我隻兔之前都係咁呀.明明好想食,又痛到食唔到,又流哂口水,
後尾先知佢要磨牙,磨完好快無事,餓到麻醉藥都未過哂已經食草!

咁緊急點解你唔walk in 呢????

walk-in 睇唔到Tiger.....Better 又好似fly 左...

我懷疑....佢肚痛再加牙長.....

試下walk in啦,Dr. Yan好似無放假
你打電話去講低兔兔既情況,佢應該唔會唔睇既
再唔係你去大圍Dr. Lim都幾好架,但唔知佢有無返,你都係要打電話去問