只是想呻下...

就算你付出真心去同人地做朋友,都唔一定就一定會交到朋友...
或者人地都會同樣地真心對待,珍惜你...
唉!!!
係咪女仔都難以交到好朋友(同性)的呢??

人生中朋友只係一個過客, 每日同你遇見嘅人會好多, 有緣嘅就成為朋友, 冇緣嘅就只會同你擦身而過~!! 朋友間啱傾、投契就自然會成為朋友, 再深一層嘅大家願意付出真心就會係真心朋友, 真心朋友的確唔洗多, 三兩個就夠~!!

你所講嗰位朋友, 喺我做咗三十年人, 更可恥嘅我都遇過, 我一樣會有傷心過, 但係.. 其實為咗一啲跟本唔當你係朋友嘅人去傷心.. 值得嗎??

從此, 我會下一個方針, 如果對方喺你主動搵佢、約佢都唔回覆, 我會唔再搵呢個人, 如果一直佢都唔搵我, 咁即係代表佢個心跟本冇我, 咁我就跟本唔需要再有呢個朋友, 那就再見啦~ 如果某日佢想起我會再搵我嘅, 咁即係我都喺佢心目中佔有一個位置, 那當然仍然係朋友啦~!! 但我仍然會去留意佢係冇人陪先搵我定係真係有心搵我先再下結論~!!

你要記住... 人生中唔可能要所有人都喜歡自己, 但絕對唔會所有人都唔喜歡你, 咁.. 真心願意同你做朋友嘅咪繼續來往!! 好似你講到呢個朋友, 你係咪真係唔可以冇咗佢?? 唔會咖嘛~ 咁又何必自扁身價呢?? 點解你唔將你同佢嘅身份掉轉呢?? 仲要俾佢話你, 你應該要俾佢知道, 佢唔當你朋友, 你都大把朋友, 到你唔緊佢嗰陣, 如果佢有當你係朋友就自然會緊返你咖喇~!! 人就係咁咖喇~ 越容易得到手就越唔會珍惜, 你俾佢咁蝦你, 佢咪以為你冇咗佢唔得!!

做朋友係不應計較付出同收穫, 但都唔應該俾對方得寸進尺, 係咪??
做朋友係要互相愛護, 互相尊重~!!

希望你會快啲開心返, 唔好再為呢啲咁嘅朋友傷心, 唔值得咖~!!

=_=你可以直接打去約朋友丫, 唔洗覆來覆去咁麻煩,
而我當約朋友食飯遇到咁既情況, 我下次會直接排左佢,
就係唔約你丫而家, 想食飯咩咪自己約low~~~~~
佢MISS左幾次就會知道自己衰D咩

樓主你性格是不是包容性太強??呢條友咁都叫朋友?
唔用粗口洗佢頻已經好俾面, 真係要帶眼識人,
你呢位極品朋友係公主病咩~朋友唔係用來俾佢發公主脾氣嫁WOR
你同公主唔同lv, 做唔成朋友, also我覺得佢都唔會當你係朋友,
你唔洗因為呢d咁少既事唔開心啦, 佢呢d冇關重要既人=-=

原帖由 波子 於 2010-1-5 04:34 PM 發表
人生中朋友只係一個過客, 每日同你遇見嘅人會好多, 有緣嘅就成為朋友, 冇緣嘅就只會同你擦身而過~!! 朋友間啱傾、投契就自然會成為朋友, 再深一層嘅大家願意付出真心就會係真心朋友,  ...

我都好agree以上既一篇文
如果佢連你約佢都唔出來, 你可以以後都唔洗約佢了, 一來你唔需要呢d朋友,二來佢都唔重視你呢位朋友,
如果你自己檢討過自己既性格係冇問題, 其實仲有好多其他朋友喜歡你的話, 咁應該係佢有問題

其實...佢都有好坦白講,是因為佢唔知道那段時間有無人約佢~~唔知會不會忙~~
所以覆唔到我們住~~(但我肯定如果佢真係走去同那班friend解釋,一定唔會甘講!!)
Anyway識左佢甘耐...的確如果客觀甘睇,佢比我既結論就係:"我係佢個friend list既最後一個",所以,就算我好早去約佢,佢都唔會confirm我住,佢要confirm佢個班fiend那段時間不會約佢,佢先會肯出來囉~~

可能我心目中真正朋友的定義太高吧!!唔知呢,普通吹水朋友,玩樂朋友,我有好多~~
但不會傷害我,對我比較好的朋友,只有一個~~因為每馮生日就算佢幾忙都好~~都一定會抽時間去見一見我~~就算過左生日後成個月先出到來見都ok,但起碼我感覺到佢係想維繫既,同埋唔會投訴我送比佢既野唔岩佢心意~~

在我心目中,呢d先叫朋友~~係咪真係要求高了些呢??

不過她又算不上是談心的朋友,只是見面,有心keep in touch而已~~

如果真係談心既,都有一個(不是指bf,是朋友only喎~~)但那個是一個男仔來的~~
我自己,其實比較想有一個談心的同性朋友,方便些,不過我都知呢d野係可遇不可求既~~

Anyway好多謝大家比我既意見,講左出來舒服左好多了~~

不過其實我都有同我bf講的,佢知得好清楚~~
甘佢既結論其實都同大家講既差不多~~
都是覺得我的friend洽我多~~

但是,我地都覺得,係咪女仔都較難找到知心好友的呢??

因我發現,男仔通常都有知心好友,女仔就未必有~~

所以,有時都幾羨慕我bf....

原帖由 darlingy 於 2010-1-5 05:49 PM 發表
其實...佢都有好坦白講,是因為佢唔知道那段時間有無人約佢~~唔知會不會忙~~
所以覆唔到我們住~~(但我肯定如果佢真係走去同那班friend解釋,一定唔會甘講!!)
Anyway識左佢甘耐...的確如果客觀甘睇,佢比我既結論就係: ...

講真,要等到無人約先confirm你,呢d人都唔駛再約佢啦,根本上佢係當你係後備。
如果係真係fd既,佢無論幾忙都會抽得到時間去見你,就算知唔得都會打個電話俾你話唔得啦。
下次佢再話你,你咪串返佢lor,呢d咁既"朋友"要唔要都罷啦!
唔駛因為佢而唔開心wor

我自己身邊基乎無女性朋友, 全部都係男快朋友, 就算有既女性朋友都係因為性格同我相似..但都唔會好fd, 所以真係睇性格, 人夾人..

我自己就較好彩
女性朋友多
其實真係好睇人夾人
如果你對呢種朋友徹底失望了,不妨退一步,從頭開始認識其他新朋友吧
我相信,呢個世界咁大,你總會搵到個好朋友返黎
最緊要係你自己肯唔肯放開懷抱接受別人
其實只要你願意,我地都可以成為你既朋友^^

[ 本帖最後由 丫芷^0^ 於 2010-1-5 06:56 PM 編輯 ]

原帖由 darlingy 於 2010-1-5 03:38 PM 發表
所謂既回報,唔係指d咩特別既野,但我的意思又唔係話,想付出100%友誼,人地就會比番100%友誼我...

不過,如果你當那個人是朋友,keep左好多年了,唔多唔小,你都會希望人地都有當過你是朋友吧!!

付出100%友誼,從沒有想 ...

我想講，好耐之前我都做過D咁野....

有個FD話我次次出街都係佢約我，我一次都冇約過人，又會唔記得佢生日，連答應左要一齊睇O既CONCERT 我最後都搵左第二個睇....

咁樣一堆野講黎，我都做左好多賤野。但係真係有好多時我都做左D 咁野不自知，要人地提返我，我今年終於識得主動約返人地一次啦(有進步不過好慢)

有時係一堆誤會，好似果個CONCERT我係想睇最貴果隻，咁啱有個人又肯陪我癲，但係我唔知我個FD 會唔會MIND 睇咁貴，所以就冇同佢講LU....(咁樣做其實唔妥當但係我都係後來先覺醒)

但其實你個FD可能都有苦衷，又或者佢唔知自己做錯左，要你提返佢....

講真我都唔知我果個FD到而家有冇仲嬲我，但係我諗我俾返多D努力去維繫個FRIENDSHIP，佢應該會FEEL到的...

你個FD其實我又唔係知哂所有野，冇得妄下判斷，但係個人睇開D，將自己注意力先SHIFT去其他地方，後來再諗返可能會覺得佢其實又唔係咁乞人憎啫...#^5_002^#

++++++++++++++++++++++++++++++++++++++++++++

其實我同你有D相返，反而覺得搵好O既異性朋友好難...一係人地就會驚你鐘左佢而疏遠你，一係就係人地鐘意左你搞到你要疏遠佢....

呵呵，可能我唔識同男仔相處#^51^#

[ 本帖最後由 firen_freeze 於 2010-1-5 07:23 PM 編輯 ]

又take一個example,你有無試過你個朋友約你出來慶生日,甘遲小小到都好正常,但你有無試過真係在街等一個朋友等成2小時或者以上,仲要不止一次?
可能你們會說我小氣,甘耐都仲記得,但又真係因為第一次遇到d甘既朋友,所以都幾深刻同唔開心,仲要平時唔會遲,次次都是在慶你生日時先來遲,試過有次,真係好耐,大家仲讀緊書時,佢約左我們一個時間,我們在等,點知一等等左2小時,到佢到左時我已經好唔開心,而佢遲甘耐到,最大既理由竟然係,因為不想你們見到佢套校服,所以回家換衫加裝身,我們已經在佢家留下等,都等左2小時...

第2次,較近期,唔記得上年定前年...
佢因為想整頭髮,叫我們等,個時我同個fd行緊街,佢話好快番,一至2小時而已~~所以我們無所謂,行住街先~~
點知一等,等左5小時以上...電話又唔聽~~
我們已經由太子行左落TST了~~
搞到我同個fd在街企響到,唔知做咩好,book左餐廳又唔知上唔上去好...
最後上左,上左去一路食一路等,但好唔開心!!雖然,最終都等到,不過真係好耐...

不過,最後都原諒左佢,如果唔係,都唔會仲有KEEP聯絡喇~~
但坦白承認,每次我既生日,如果約佢地都會有點恐懼症...
所以正日一定唔會比佢地,因為我唔想我既正日生日唔開心!

[ 本帖最後由 darlingy 於 2010-1-5 07:52 PM 編輯 ]

甘可能佢真係有苦衷喇~~但是發生左甘多野,我真係暫時未feel到,佢係有俾返多D努力去維繫個FRIENDSHIP...最起碼,連最基本既"溝通"都無呀!!我feel唔到佢係想維繫,肯溝通!!由其係發生左今次呢件事~~

"搵好O既異性朋友好難...一係人地就會驚你鐘左佢而疏遠你，一係就係人地鐘意左你搞到你要疏遠佢...."

好agree呀!!呢個咪就係我個point,點解我好想找一個好friend既同性朋友了呢~~

首先,雙方是但一方發生左感情,呢段已經唔係友誼~~到時先去疏遠,其實雙方都會受傷(喜歡那個會因為你既疏遠而感到hurt,而被喜歡那個又會因為無左呢段友誼而唔開心!!)

就算,大家真係單純友誼,但最慘既係,雙方既另一半,又接唔接受到呢?

就算你既另一半,接受到,但對方的另一半,又未必!!

同埋,那份友誼,此終都分薄左既~~

所以,如果可以的話,梗係找到同性知心友好些喇~~

同埋有些話題,此終都是同同性講好過同異性講的呢~~

真係好多謝你,我當然好樂意同你們成為好朋友了呢~~

講真,其實今次,你們肯聽我訴苦,比意見我,我已經好感激了呢~~^_^

我覺得朋友有好多種, 有D好明顯係玩樂朋友,
我就唔會expect d咩,
有D真心既, 雖然平時唔係點見
因為人大左會有好多野煩, 我亦都完全唔介意朋友重色輕友(因為我自己都係)
對朋友要求唔高, 所以反而佢地有時寄D小禮物/咭/信俾我, 我都已經好開心
我朋友會特登去麥記/OK換野俾我, 我行街見到岩佢地既野亦會買俾佢地, 但唔會求回報
呢D真心朋友係因為我地性格夾到, 價值觀夾到, 所以先咁耐朋友
你所講既"所謂朋友", 應該唔會響我friend list la, 所以都唔使勞氣

係呀,我之前所說的那個我覺得對我比較好的朋友,就是甘,佢在我生日時送禮物/咭/信俾我, 我都已經好開心,到我在佢生日時送番禮物比佢,佢又唔會嫌棄~~

最重要既係,我真係感受到佢係有心維繫~~不過甘好既朋友,我只有一個咋~~唔係成日聯繫的,一年只見2次咋~~

[ 本帖最後由 darlingy 於 2010-1-5 08:16 PM 編輯 ]

唔俾生日正日佢.....我覺得時間都唔駛俾佢啦....

講真，唔夾就算啦....

++++++++++++

BTW...原來我地個PT一樣呢，你講果D真係深有同感...

不過人大左，無論同性都異性都好難搵到知己FEEL O既人....因為同性都會拍拖，對自己都會分薄左......ESP我識好多同性拍拖後真係理少左佢D姊妹....

最後都係要隨緣啦.....

當自己唔開心果時，搵到人傾已經好好....