係唔係領養既兔仔會無咁聽話???

我係兔協領養左我隻兔都有3個月,岩岩開始都幾聽話,之後就好唔聽話,毛又唔比梳,和佢玩下摸下佢又走開,抱一次都未抱過(但係兔協又比抱),好唔開心:050:

可能佢未熟你掛,
我一開始bieber都係摸佢即走

但係都有3個月,我每日都有和佢講野,但情況仲惡化

呵呵...因為佢已經熟左地頭, 唔怕你 XD
兔兔百厭要罵下架
不過唔好打佢bor, 輕輕力拍下pat pat就可以

大部份兔兔天生唔鍾意俾人抱
試下放佢係大脾, 一邊餵下菜, 等佢習慣下

領養兔兔唔係特別難湊, 同其他兔兔一樣
難唔難湊視乎兔兔性格同點教架者
加油加油

同領養既根本就無關係, 兔兔都唔同性格, 而且你應該知兔兔係比較慢熱
梳毛真係好多兔都未必鐘意, 而且兔係好怕四腳離地好無安全感, 仲有抱真係要俾佢慢慢習慣, 因為對兔黎講抱四肢離地, 而兔係俾獵食, 所以對於佢地黎講四肢離地就好似俾野叼左去咁, 俾著係你, 係咩都唔知既情況下有呢種感覺你都唔俾抱啦

所以你要慢慢試. 但有心理準備真係有d兔既性格係唔俾抱架..
俾抱既都唔係好多, 真係好睇你點教同兔既性格, 呢到都有兔友養左2年都唔俾抱..
我自己個隻都係半年到先開始慢慢接受俾抱, 但都係好唔高興！

我覺得你可能未夠了解佢, 你花多小小時間去了解你就會知, 兔都會蝦主人架！

有時可能佢同你未熟哂未放心, 或者你摸佢唔夠舒服, 又有可能佢出到黎有好多新鮮野吸引佢, 兔有新野就好多時都唔會俾摸

我自己個隻當佢想去玩同周圍行個時, 佢都唔會俾摸, 就算你同佢玩都會走左去..
你可以再慢慢了解下, 睇到底佢因為咩野原來,再慢慢改善lor

同領養既根本就無關係, 兔兔都唔同性格, 而且你應該知兔兔係比較慢熱
梳毛真係好多兔都未必鐘意, 而且兔係好怕四腳離地好無安全感, 仲有抱真係要俾佢慢慢習慣, 因為對兔黎講抱四肢離地, 而兔係俾獵食, 所以對於佢地黎講四肢離地就好似俾野叼左去咁, 俾著係你, 係咩都唔知既情況下有呢種感覺你都唔俾抱啦

所以你要慢慢試. 但有心理準備真係有d兔既性格係唔俾抱架..
俾抱既都唔係好多, 真係好睇你點教同兔既性格, 呢到都有兔友養左2年都唔俾抱..
我自己個隻都係半年到先開始慢慢接受俾抱, 但都係好唔高興！

我覺得你可能未夠了解佢, 你花多小小時間去了解你就會知, 兔都會蝦主人架！

有時可能佢同你未熟哂未放心, 或者你摸佢唔夠舒服, 又有可能佢出到黎有好多新鮮野吸引佢, 兔有新野就好多時都唔會俾摸

我自己個隻當佢想去玩同周圍行個時, 佢都唔會俾摸, 就算你同佢玩都會走左去..
你可以再慢慢了解下, 睇到底佢因為咩野原來,再慢慢改善lor

原帖由 bonedog 於 2010-1-7 03:25 AM 發表
同領養既根本就無關係, 兔兔都唔同性格, 而且你應該知兔兔係比較慢熱
梳毛真係好多兔都未必鐘意, 而且兔係好怕四腳離地好無安全感, 仲有抱真係要俾佢慢慢習慣, 因為對兔黎講抱四肢離地, 而兔係俾獵食, 所以對於佢地 ...

岩岩開始可以點樣令佢慢慢習慣比人抱???
森美都唔係咁鐘意比人抱
我自己又唔鐘意捉頸背果種抱法
好冇安全感!

唔會啦,森美都係兔協領養,佢好乖呀!!(不過可能遲d熟哂架步就變魔王:053: )
so far佢黎左就黎一個星期,好好冇任何問題重比我預期中好!!!(識自己去廁所同好快熟唔驚人)
佢而家都唔驚我摸佢,雖然未去到好enjoy果種,但都好乖呀!
佢都唔鐘意比人抱
所以我都慢慢黎

原帖由 happygirl2009 於 2010-1-7 03:50 AM 發表


岩岩開始可以點樣令佢慢慢習慣比人抱???
森美都唔係咁鐘意比人抱
我自己又唔鐘意捉頸背果種抱法
好冇安全感!

抱既手勢岩, 得閒就抱下佢, 抱完佢時間長d表現好d 初初可以俾小小獎勵佢, 如按摩, 或者讚下佢咁.. 但唔太建議俾零食, 再唔係可以食菜先前抱佢一陣, 放係大脾按摩, 我個人認為同訓練狗仔差唔多, 只要令兔覺得做完呢件事之後會有好事/開心野發生, 佢地自然就會無咁抗拒, 雖然可能未至於話會好鐘意, 但我覺得都有幫助, 不過都係好睇兔性格

同埋最重要係抱起左佢, 佢起唔鐘意都好, 佢抓你咬你都唔可以放佢, 因為咁佢就會知道做完呢樣野就會得到佢想既結果(落地) 咁以為就會用同樣方法對你

佢如果真係咬你既要語氣硬d no 佢話俾佢知唔得 咁係錯既.

一路抱住佢可以加按摩, 一路同佢傾下計, (但大前提我覺得佢對你有一定信任先得)
可以試下唔同既抱法..睇下佢比較對邊隻抱無咁抗拒, 雖然我自己都做唔到令普樂鐘意抱(性格都有關) 但至少依家佢都肯俾我抱一陣, 氹多D啦, 長期作戰黎, 我都係由4月開始同佢玩到上個月到 開始接受現實俾我抱

呢個純粹係個人經驗同埋感覺, 我對普樂其實都有將教狗既一套 改小小套係佢身上用, 不過我唔知係唔係隻隻兔都WORK.. 始終性格分別

同埋當做一D佢本身都唔鐘意做既野, 最緊要唔好嚇怕佢.唔係之後有陰影就好難搞. 我先前睇書講過抱起兔初初佢地會好驚, 放係心口俾佢聽到自己既心跳聲, 佢地會比較易放鬆D, 所以當初我都係抱起放係心口一陣 胸貼胸..不過小心佢咬你因為個D位咬中好鬼痛, 但佢咬你唔可以俾佢知你痛, 要忍, 唔係太大反應俾佢知道, 我通常最多至會輕輕咁"ZIP"一聲, 之後就話佢, 因為佢知道咬你個位有反應下次又會再咬！

希望幫到你/ 或者可能仲有其他兔友有唔同既方法..

其實兔仔乖唔乖, 係睇我地點同佢相處, 與領養係沒有關係既, 而領養既兔仔更加唔燧咩" 問題青年", 唔好覺得佢地會頑劣d 先得架, 不如你陪佢玩多d , 傾多d 計, 兔仔feel 到愛, 自然好多野都可以慢慢接受, 好似你啜佢呀, 摸佢呀, 抱佢呀咁... 最緊要係互相互愛既關係.. 當佢愛你既時候, 你做咩佢都肯架啦...

[ 本帖最後由 minima 於 2010-1-7 09:33 AM 編輯 ]

咁既情況其實平常
無得急, 慢慢建立友好關係
我兩隻都係有野食先痴人

原帖由 happygirl2009 於 2010-1-7 03:53 AM 發表
唔會啦,森美都係兔協領養,佢好乖呀!!(不過可能遲d熟哂架步就變魔王:053: )
so far佢黎左就黎一個星期,好好冇任何問題重比我預期中好!!!(識自己去廁所同好快熟唔驚人)
佢而家都唔驚我摸佢,雖然未去到好enjoy果種,但 ...

你係咪最近先領養咗森美? 佢係兔協個名都係叫森美? 因為記得我上次參加兔協攪既護理坊時,兔協為我提供既兔兔就係森美啦! 我當時覺得佢好似我家小b,只係森美重手d同毛長d, 我重幫佢剪咗幾個毛餅添呀! haha~

原帖由 bonedog 於 2010-1-7 04:50 AM 發表


抱既手勢岩, 得閒就抱下佢, 抱完佢時間長d表現好d 初初可以俾小小獎勵佢, 如按摩, 或者讚下佢咁.. 但唔太建議俾零食, 再唔係可以食菜先前抱佢一陣, 放係大脾按摩, 我個人認為同訓練狗仔差唔多, 只要令兔覺得做完 ...

唔該哂你呀!!!!!!!!!!!!
我之前係兔協d姐姐都甩叫我捉佢頸背,之後放係心口前
我一開始個姐姐示範比我睇,一次同捉頸背,一次用抓身果種,森美明確係對捉頸背果種冇咁抗拒
不過呢,我自己成日覺得捉頸背好似好痛,我驚整痛佢,咁其實佢地係唔係唔覺得痛ga?

咁你覺得我應該幾時開始嘗試抱佢好??

原帖由 Cody 於 2010-1-7 10:59 AM 發表

你係咪最近先領養咗森美? 佢係兔協個名都係叫森美? 因為記得我上次參加兔協攪既護理坊時,兔協為我提供既兔兔就係森美啦! 我當時覺得佢好似我家小b,只係森美重手d同毛長d, 我重幫佢剪咗幾個毛餅添呀! h ...

係呀係呀,我用番佢係兔協個名森美:055:
原來你抱過森美,感覺好有緣份~:012:
佢真係同你家小b好似!!係頭頭d毛長d:021:
你抱佢果陣佢有冇話好掙扎呀??我想了解下佢之前同人接觸既情況

你可以試從兔兔既 " 格肋底"抱佢, 先摸, 輕聲講野, 再雙手伸去佢格肋底, 將佢dick 起, 拉埋心口, 再將其中一隻手放去" 逗" 住佢pat pat咁... 好似抱baby 咁..