(24/5更新左最新情況+相) 森美腸停情況變差....不知所措!!!!!!!!

24/5
無論點餵,森美仔點都唔肯吞d草粉...
森美媽好不知所措,而佢今日既胃口亦冇琴日睇完醫生咁好...
草草都只係食少少少少,菜菜就唔肯食...
問左兔協既人
佢地話我針筒唔夠入,但我之前已經係好入的了..
佢地亦教我試下揉d草粉丸比森美睇下佢食唔食,可能佢唔like流質野

anyway,我會再努力嘗試!
森美仔,媽咪唔比你放棄呀!!!!!!


p.s 多謝jan jan媽的幫助和光之天使的問候,萬二分感激!


23/5
感謝各位的關心支持和鼓勵!
森美而家回復番精神,而且終於肯自己食少少草,食藥方面都好合作(因為甜甜的藥~_~)
唯一唔係咁樂觀既就係佢唔肯食草粉
就算d草粉吱左入口,佢都完全唔肯吞,任由d草粉自己漏番出黎...:016:
各位有冇遇過類似既情況?可以點樣令佢吞??:016: :016:

我會keep住幫佢按肚肚同埋逼佢食草粉,希望夜d食草粉既情況會有改善..!



22/5
點算好...
這兩天本來病情一直好轉..
而今日大圍度做day care果時e生都讚佢叻,好番好多,亦好精神
但番到屋企就變差哂...
一出袋就變波,又唔肯食草...
之前由唔肯食草到肯自己食草,但佢而家又唔肯食草..
連草粉都唔肯食
餵左入口都推番出黎...
我不停咁幫佢按摩肚仔
但都冇好轉..
由大圍番到黎7點幾,
一直都冇cc亦冇尿尿...
點算好...

我想聽日一早帶佢去九龍塘睇betty..
但呢3日森美已經來回大圍做day care,我驚佢太周車勞頓承受唔到..
九龍城果度一定係full booking...
前兩日森美腸停我打左過去佢一句話full booking就reject左我,我問佢地有冇walk-in個姑娘一句話冇就cut左我線...我好不知所措...點解會咁...
我應該點做好????????????????????????????????????????????????????????????????
佢死都唔肯吞d草粉,有冇辦法可以令佢肯吞???????????
救命呀!:050: :050: :050: :050: :050: :050:

[ 本帖最後由 happygirl2009 於 2010-5-24 01:29 PM 編輯 ]

睇到醫生就好喇~
森美好快好返架喇~

但係你記得要諗清楚究竟森美係咩原因腸停~
特別係佢既飲食,以後要更小心控制喇~

食完藥幫佢按摩下肚仔~
每日三餐咁按~
其餘時間唔好騷擾佢喇~比佢抖下

森美同森美媽都要加油呀!
你有冇Book定下次覆診時間？

之前 KULU 腸停個陣
見診所D姑娘餵佢食草粉
好似好容易咁
但係我返到屋企就唔得
不過診所D人話如果"節"岩位,
兔兔就唔會推到出黎
下次搵多個人幫手餵, 應該會好D

去大圍做 day care 係咩意思?

知道!
我都唔想成日騷擾佢
想佢靜人休養下
我見佢都好似唔想我煩佢咁..
不過我又驚唔成日同佢按佢個肚仔會唔舒服
一日三次就夠的嗎?

day care係指日頭係大圍留院,做treament,之後佢地收工果陣就接番森美番屋企

好奇怪地佢地冇叫我覆診...
佢話如果情況差左先搵佢地
如果一直都冇事就ok
我都唔知,
睇定d個情況之後再book一日番去檢查下

其實你可以打電話問診所，森美仔如果淨係食草粉，一日要食幾多ml。以小樹1.4kg為例，佢一日要食120ml草粉，咁通常會一日分四餐，每餐餵30ml。
至於你幫佢按摩唔算騷擾，其實係關心佢既表現至真。你同佢按摩下，等佢舒服的，又同佢傾下計，鼓勵下佢；日子耐左，你同森美仔既關係會親密的。
努力呀，森美媽！

最重要係鼓勵佢食多D 乾草或蔬菜, 比食草粉更好

森美仔知道你咁錫佢, 佢一定會好番!
雖然我比唔到咩意見你, 但心裡面支持你同森美仔!
加油呀! 森美媽!

我阿雞都試過幾次唔肯食野,,,停腸,,,
森美愛吃菜嗎...
買一點比兔兔食啦,,,菜有水份,,,

停腸,,,,就是大家最怕怕的事,,,
努力呀,,,

多謝你包包媽,我會加油!!森美仔要爭氣呀!

我一直最驚就係森美腸停,一直都好留意佢既飲食,估唔到今次最終都不能倖免....
我而家浸緊d菜,希望佢會有胃口食啦!

我有一路按同一路同佢傾計叫佢乖乖地食草,
之後按按下佢就彈左起身食少少草啦!:061:
希望佢既病情可以穩定下來.

森美都要乖乖牙...
我家奶茶都病病...所以我地大家都要加油牙~

total當時腸停,
藥又食左,草粉又食左...
但就係唔肯自己去食草....
我無晒辦法,唯有keep住幫佢按摩~一路同佢講野~
按左半個鐘,按到佢肚仔好似有d咕嚕咕嚕~
之後佢就自己跳去食草飲水~~

所以你keep住一日幫佢按幾次~
特別係食完草粉之後,隔5mins左右又幫佢按一陣~

我地唯一可以努力既就係呢樣野~

森美 你要加油!!~~
呢段時間的確很難捱 不過做mama的也要加油!!!!~

森美，森美媽加油呀！
同森美按摩吓肚仔，
氹吓佢，陪住佢~