(24/5更新左最新情況+相) 森美腸停情況變差....不知所措!!!!!!!!

24/5
無論點餵,森美仔點都唔肯吞d草粉...
森美媽好不知所措,而佢今日既胃口亦冇琴日睇完醫生咁好...
草草都只係食少少少少,菜菜就唔肯食...
問左兔協既人
佢地話我針筒唔夠入,但我之前已經係好入的了..
佢地亦教我試下揉d草粉丸比森美睇下佢食唔食,可能佢唔like流質野

anyway,我會再努力嘗試!
森美仔,媽咪唔比你放棄呀!!!!!!


p.s 多謝jan jan媽的幫助和光之天使的問候,萬二分感激!


23/5
感謝各位的關心支持和鼓勵!
森美而家回復番精神,而且終於肯自己食少少草,食藥方面都好合作(因為甜甜的藥~_~)
唯一唔係咁樂觀既就係佢唔肯食草粉
就算d草粉吱左入口,佢都完全唔肯吞,任由d草粉自己漏番出黎...:016:
各位有冇遇過類似既情況?可以點樣令佢吞??:016: :016:

我會keep住幫佢按肚肚同埋逼佢食草粉,希望夜d食草粉既情況會有改善..!



22/5
點算好...
這兩天本來病情一直好轉..
而今日大圍度做day care果時e生都讚佢叻,好番好多,亦好精神
但番到屋企就變差哂...
一出袋就變波,又唔肯食草...
之前由唔肯食草到肯自己食草,但佢而家又唔肯食草..
連草粉都唔肯食
餵左入口都推番出黎...
我不停咁幫佢按摩肚仔
但都冇好轉..
由大圍番到黎7點幾,
一直都冇cc亦冇尿尿...
點算好...

我想聽日一早帶佢去九龍塘睇betty..
但呢3日森美已經來回大圍做day care,我驚佢太周車勞頓承受唔到..
九龍城果度一定係full booking...
前兩日森美腸停我打左過去佢一句話full booking就reject左我,我問佢地有冇walk-in個姑娘一句話冇就cut左我線...我好不知所措...點解會咁...
我應該點做好????????????????????????????????????????????????????????????????
佢死都唔肯吞d草粉,有冇辦法可以令佢肯吞???????????
救命呀!:050: :050: :050: :050: :050: :050:

[ 本帖最後由 happygirl2009 於 2010-5-24 01:29 PM 編輯 ]

用過好多方法,無論點餵,森美點餵都唔肯吞d草粉,點算好呀...:022:
佢肯自己食草,不過食得唔多而且只係食葉同花,菜都肯食少少
我真係冇哂辦法,睇黎佢好憎食草粉...我果隻重要係banana apple flavor黎ga,試埋原味都唔肯食...

好唔好去d果汁店搾一杯草汁當草粉咁餵?(當然叫佢走糖水only搾汁)
姑娘有叫我搾d菜汁比佢,但因為我屋企冇搾汁機..
大家覺得可唔可行?

[ 本帖最後由 happygirl2009 於 2010-5-24 02:48 AM 編輯 ]

我隻兔仔之前又係消化停左, 入醫院仲要留醫, 用針筒O係咀角打D糊仔狀既草粉落去就肯食, 如果都仲唔制既話...可以試下溝d鮮菠蘿汁 即係菠蘿汁+草粉 再用針筒打落個咀角度, 當然係冇針既針筒啦
上次佢出院醫生都叫我比d鮮菠蘿汁比佢飲,對佢腸胃有益(小量就可,不可有糖)

p.s 上次醫生係開 oxbxx 呢個牌子既草粉, 應該係草味, 我聞唔到有任何生果味@@

上次既菠蘿汁 我係去o個d鮮搾果汁店睇住佢搾講到明走糖and係比兔仔飲,一定要睇住佢搾出黎, 因為我驚佢會偷偷地加糖漿落去

車前草 (別名 : 田灌草)

抗菌作用, 緩和皮膚炎症和葡萄球菌引至的呼吸疾病、泌尿及消化系統疾病
念唔念住食??

唔該哂你既建議!我見到有文章都話可以比菠蘿汁 ,但諗唔到溝入去草粉度!
十萬個感激!
不過鮮菠蘿會唔會甜得濟??少量既意思大概有幾多??
thx!

就算走糖..生果本身都已經有果糖

而糖份係腸停至命傷..你要考慮清楚

森美會唔會「蝦」兔媽呢？兔兔有時都會「蝦」主人架。可否找其他兔友幫你試下餵草粉，睇下森美食唔食？

我諗真係唔好博
餵唔到 搵多個人幫手餵
個時我都係2個人餵 點餵都餵到!!
生果汁 人地唔加糖水 點都有果糖~
兔兔而家已經腸停 再吃呢D野真係..............:056:

不如試下第二隻味既草粉
搵多幾隻菜引佢食

除左Oxbow , APD 都有出草粉
因為Kulu唔食oxbow
我係多Ｘ龍買左ＡＰＤ
不過唔知佢食唔食
因為我都係用黎看門口

不過個店員話成份都係有益生菌
都係俾唔食野既兔兔食

仲有Ｋｕｌｕ　上次腸停，
因為太危急，去左睇２４小時個ｄ診所
佢地都係教食波羅汁
不過我之後個日同ｋｕｌｕ去大圍睇
醫生話唔好俾呀

[ 本帖最後由 redbean 於 2010-5-24 11:36 AM 編輯 ]

你地買草鈖會買咩味???

其實我唔係餵唔到
係森美佢完全唔肯吞,入左口都唔吞,吐番出黎...
不過我都試下搵多個人幫手
但我見佢我抱佢食草粉果陣好驚好驚
成日想逃走
咁樣又逼一逼佢,又令佢有壓力...
我都唔知點算好

請問你係邊間多x龍買?
我見森美個樣好似直頭憎左d草粉咁
我都覺得佢係唔知點解鐘意呢隻草粉
我試下買APD比佢

會唔會係餵得太急呀?
你逐少逐少咁唧~
每次唔多過1ml~
佢應該點都要吞架~