兔兔含膿

我家辣椒仔，養左兩星期，上周五晚發現佢有輕微打噴嚏情況，又多左抓右邊耳仔，
雖然情況不算頻密，但都好擔心，到星期日帶左佢去屯門維多利睇Dr.Leon，誰知 Leon
叫我摸摸辣椒右邊面頰，原來腫了一大舊，剃毛後可見到一個像兒時玩的彈彈波般大的囊腫﹗

首先，Leon在不需麻醉的情況下(他說兔兔不會太痛的)，用刀片"介"開，便"吱"出一大堆芝士狀的膿，
辣椒亦很乖，沒有掙扎。
後來Leon覺得不時都"吱"到少許膿，便徵求我地同意，讓辣椒聞少少麻醉藥，想"介"大d 傷口，
確認是否完全清除膿液。最後不用聯針，給了草粉、抗生素、益生菌便可離開。

Leon說，辣椒不是傷風，是囊腫影響他的鼻、耳不舒服(因眼耳鼻喉是通的)，成因可能是
1) 有些較尖的草 / 異物插傷他口腔，形成發炎
2) 牙銀有問題致發炎
如果不幸地，異物還留在口腔內，或牙銀問題，便要照X光做手術。所以這一星期為觀察期，
希望辣椒不再含膿...

辣椒回家後肯進食，我也沒夾硬餵草粉，今早開始餵抗生素和益生菌。抗生素只需0.18ml，輕
易地餵了。但益生菌是粉狀，我溝了水餵他但不成功，因趕住上班，將那些水倒入水樽了。現在
很擔心他不喝水呢~~~(因可能有味...)

我想說，Dr Leon很用心醫辣椒，態度溫和，沒有計算時間趕收工，很用心叫翻譯教我怎照顧他，
有問必答，十天後便會覆診，希望辣椒大步檻過，我真的很擔心他呀~~~

另外，大家覺得有些草是不是真的很硬很尖? 近日第一次買左一盒9磅的oxbow草，昨晚拆開，很想掉了它，
又長又硬又尖﹗平時買40安士的都冇咁誇張，可能今次辣椒件事，令我有點陰影，亦聽過很多兔友說兔兔可以表面好地地
(或有輕微的不舒服)，點知好快會突然離開….好驚呀!!!!

[ 本帖最後由 penny922 於 2010-5-24 09:43 AM 編輯 ]

jan jan媽，betty要星期五才有位給我看。因今天off 下晝，明天放假，星期四又full我亦要上班...
唯有今天照去屯門看gerry先。頭先聽電話的姑娘說，成因除左可能草弄傷外，也可以是跌親時牙齒撞傷入面，又或本身牙齒生得不好易弄傷...
照x-ray要全身麻醉，有風險，很驚呀~~~

一定無事, 我有同你禱告, 主會祝福保佑兔兔平安無事,
大步檻過, gerry 都好似幾好,
睇得出你真係好錫兔兔,
我feel 到, 兔兔都會 feel 到
佢吾會放棄, 你都要加油:038:

如果照完 x-ray , 發現因為撞傷牙齒頂住入面,
會吾會一次過做埋 "mock" 牙

店員主張我在屯門照x-ray確定乜病，如要做手術便去betty度，因九龍城和大圍的兔兔經驗及儀器較適合。
佢話如牙齒有事，因沒大礙，可撐多日，最擔心辣椒"呻呻呻"的問題，怕影響佢呼吸同感染鼻仔耳仔...
唉~我諗過，就算今日照左，知要做手術，betty星期五第一次見我便會做嗎? 我怕費時失事....
多謝妳的禱告，我也有祈，但....上帝會允許嗎...(想喊)

別怕, 你己經盡了最大的努力,
兔兔亦很珍惜每日和你共處,
可以做的和要做的, 你都做了
請由祂帶路, 走下去吧

和兔兔拍多點相, 吻佢多d la
佢一定會橕下去, 你都要,

原帖由 penny922 於 2010-5-25 11:40 AM 發表
我估今日醫生多數要佢照X-RAY同種菌嫁喇~唉~最怕辛苦佢一輪得個「吉」，我之前已失驚無神死左一隻獅子兔，而家辣椒又含膿，我真係好錫辣椒嫁~個天想點呀!!??

上次醫生只俾左口服抗生素(早晚0.18ml)、益生菌和草粉 ...

Manuka Honey 有抗菌功效, 及幫助傷口痊癒
Enzymes, such as glucose oxidase - convert glucose to gluconic acid - antibacterial
Glucose in honey is also enzymatically converted to hydrogen peroxide, also antibacterial

Manuka Honey 係最具抗菌功效的 Honey, 可加快傷口痊癒

對膿瘡, 腳瘡, Manuka Honey 都有一定的幫助, 詳細可以問下獸醫~~

晒太陽對心理身理都有益, 當然, 應該係俾機會佢接觸太陽, 而唔係強制將佢暴露係陽光底下

依家食住A草先~  好返先再俾Timonthy 好d~
我兩隻岩岩食晒果箱又係勁多粗枝, 有一半係浪費左

Wesky，唔好意思，盒草很快便賣左俾另一位兔友，我昨晚買左盒APD，乜盒裝比袋裝又長又硬咁多，連APD也是，不過叫做綠D，今晚要回家「剪草」呀~~
(蜜糖漏左問醫生，星期五覆診再問)

多謝你地的解答同幫忙，辣椒昨天看DR GERRY，話佢咁細隻不宜做全麻OR手術，亦覺得未有需要，因他覺得辣椒的牙骨沒有腫起，認為他多數是有異物拮到裏面才含膿，而異物通常會隨放膿時流出。
至於點解前晚鼻哥流膿，佢忍為第一隻抗生素對他功效不大，已換第二隻，兼要洗傷口，呢一點DR LEON漏左...

好在我心急，提早一個星期帶辣椒覆診，才發現傷口應該是要「打開」的，他卻被毛毛痴著封左口，一搣開毛便有一個大血孔﹗要KEEP住開同洗傷口，藥水涼涼的，他很喜歡。

希望辣椒真的能夠只需靠抗生素同洗傷口便可痊癒﹗

祝早日康復~

我尋日都買左草啦~  唔駛唔好意思既~ ^^

加油 一定會無事!

<<  ...  才發現傷口應該是要「打開」的，他卻被毛毛痴著封左口，一搣開毛便有一個大血孔﹗要KEEP住開同洗傷口，藥水涼涼的，他很喜歡 ....>>

你講得好可怕, 要「打開」洗傷口 .....
聽你咁講, 情況都吾係太差, 辣椒平安大吉

幾時再复診

小小肉酸啦~講真，換轉係人類有個咁樣的傷口，肯定「乸」到痴肺，動物真係好頑強﹗
佢好在一路都肯食同飲，琴日同上次一樣好生性，忍屎忍尿，回到家才痾。
BOOK左星期五覆診。
btw，我好冇用，倒瀉左半支洗傷口藥水，趣番工，手忙腳亂......

佢真係好生性, 知你錫佢, 幾痛都會忍,
星期五覆診幾點 ar (其實我想去見下堅強的辣椒, 好似好無料 ):014:

penny922, 膿蒼係要Keep 住洗傷口架
我睇過D相都覺得好恐怖
你要加油呀

btw, APD d 草係兩個月前都變到好硬
我諗可能係氣候問題
如果你驚整親兔兔
你可以問醫生食住 mountain hay 得唔得
草質應該軟D, 成份同Timonthy 差唔多
好似多D"石丐"

jan媽，我六點半呀~其實不如拎草那天上來坐坐吧~ ^ ^

readbean，我之前買過袋裝的apd 同 oxbow都唔係咁，我懷疑所有盒裝都係又長又硬...
唔再買喇~窮窮，今個月未過完，已洗左三千幾四千銀去兔兔度，回家努力剪草好了，haha