兔兔含膿

我家辣椒仔，養左兩星期，上周五晚發現佢有輕微打噴嚏情況，又多左抓右邊耳仔，
雖然情況不算頻密，但都好擔心，到星期日帶左佢去屯門維多利睇Dr.Leon，誰知 Leon
叫我摸摸辣椒右邊面頰，原來腫了一大舊，剃毛後可見到一個像兒時玩的彈彈波般大的囊腫﹗

首先，Leon在不需麻醉的情況下(他說兔兔不會太痛的)，用刀片"介"開，便"吱"出一大堆芝士狀的膿，
辣椒亦很乖，沒有掙扎。
後來Leon覺得不時都"吱"到少許膿，便徵求我地同意，讓辣椒聞少少麻醉藥，想"介"大d 傷口，
確認是否完全清除膿液。最後不用聯針，給了草粉、抗生素、益生菌便可離開。

Leon說，辣椒不是傷風，是囊腫影響他的鼻、耳不舒服(因眼耳鼻喉是通的)，成因可能是
1) 有些較尖的草 / 異物插傷他口腔，形成發炎
2) 牙銀有問題致發炎
如果不幸地，異物還留在口腔內，或牙銀問題，便要照X光做手術。所以這一星期為觀察期，
希望辣椒不再含膿...

辣椒回家後肯進食，我也沒夾硬餵草粉，今早開始餵抗生素和益生菌。抗生素只需0.18ml，輕
易地餵了。但益生菌是粉狀，我溝了水餵他但不成功，因趕住上班，將那些水倒入水樽了。現在
很擔心他不喝水呢~~~(因可能有味...)

我想說，Dr Leon很用心醫辣椒，態度溫和，沒有計算時間趕收工，很用心叫翻譯教我怎照顧他，
有問必答，十天後便會覆診，希望辣椒大步檻過，我真的很擔心他呀~~~

另外，大家覺得有些草是不是真的很硬很尖? 近日第一次買左一盒9磅的oxbow草，昨晚拆開，很想掉了它，
又長又硬又尖﹗平時買40安士的都冇咁誇張，可能今次辣椒件事，令我有點陰影，亦聽過很多兔友說兔兔可以表面好地地
(或有輕微的不舒服)，點知好快會突然離開….好驚呀!!!!

[ 本帖最後由 penny922 於 2010-5-24 09:43 AM 編輯 ]

辣椒仔肯唔肯食草粉???
如果肯, 可以溝d益生菌落草粉開比辣椒仔食~~


希望辣椒仔冇事啦~!!!!

好恐怖... 如果兔兔長膿包，我地可唔可以摸到粒膿??

佢麻麻地like草粉，可能今朝我又開得稀。
膿包是摸到的，唉~不過我日日同佢按摩都摸不出，很失敗!
因為他們的毛多，有時以為是厚毛，真的要細心的摸呢~
太擔心，一陣飯都唔會食，lunch回家看一看他。

我之前都放過益生菌落水樽, kulu 都有飲
應該 ok, 不過你一日要換多幾次水
因為驚佢d益生菌會變
同埋草粉同益生菌開左, 要放雪櫃呀

乜草粉要放雪櫃嫁? 唔講唔知，thx!!!

我問過 dr betty, 佢話全部藥 & 草粉, 不用放雪櫃

益生菌 : 開啟后,  最多12小時要食晒, 否則不要再食, 因為會變有害菌,

益生菌加入草粉一齊餵, 如果兔兔吾食, 可以試下在針筒口加小小橙色個支藥水, 兔兔好中意橙色個支藥水,

最好唔放落水度比佢飲~
因為都唔知佢飲到幾多~

無錯,你一係將d益菌放入草粉度一次過~佢唔覺架~
又或者你唔好開咁多水~
1:1已經ok架喇~咁就快d食完~

lunch番左屋企一陣，開過一粒新的益生菌丸+草粉+水，用針筒餵他，
叫做食左八成，好難完全飲晒...
我突然想起，可能未必關d草/異物的事，因為上星期某天我失手跌一跌過他落地，
好想是右邊著地...唉~我寧願係咁，好過佢牙仔有事...希望d 膿已清晒吧~~
對唔住呀辣椒!!!:008:

依家唯有希望辣椒無事~

盡量比佢多D休息~

以後要小心喇~

原帖由 otola 於 2010-5-24 11:53 AM 發表
我問過 dr betty, 佢話全部藥 & 草粉, 不用放雪櫃

益生菌 : 開啟后,  最多12小時要食晒, 否則不要再食, 因為會變有害菌,

益生菌加入草粉一齊餵, 如果兔兔吾食, 可以試下在針筒口加小小橙色個支藥水, 兔兔好中 ...

但係係betty叫我地將草粉放係雪櫃~!

辣椒前天看醫生放膿，到了現在已兩天，他的鼻哥還是在"呻呻呻"，今朝凌晨，右邊的鼻孔還有少許白色液體，我推斷是膿，怎算??? 又含過膿?? 是膿液流進他鼻哥內影響他呼吸? (只是R耳仔的情況少左)
佢本身餵口OK 的，為了再補點營養，昨晚十時至今朝，我共餵了約40ML的草粉+水給他，巧合地，水樽的水冇乜點飲，
係咪食左草粉會少左飲水? 對 T 草的興趣麻麻，A草和兔糧就食晒。
本身2/6(下週三)才覆診，我忍不住BOOK了今天看DR GERRY (因LEON放假)
請問有沒有兔友經歷過這類CASE呢? 請指點一下﹗

不如照埋 X 光, 希望確定真正原因
如果有異物係入面, 唔移走, 都係會繼續感染
如果係牙問題, 就要先搞掂牙
種菌可以幫助選揀最有效的抗生素
箱oxbow 咁硬,  唔好俾佢食住
含豐富的鈣, VIT D, 大量Indigestible fibre 的飲食 都有幫助
儘量俾軟既食物佢, 唔好再整損嘛
問下Gerry, Manuka Honey 需唔需要?

上次開既抗生素係口服?醫生有冇打抗生素係膿瘡入面?

我估今日醫生多數要佢照X-RAY同種菌嫁喇~唉~最怕辛苦佢一輪得個「吉」，我之前已失驚無神死左一隻獅子兔，而家辣椒又含膿，我真係好錫辣椒嫁~個天想點呀!!??

上次醫生只俾左口服抗生素(早晚0.18ml)、益生菌和草粉。
豐富鈣質指A草嗎? 我應否俾多些「葉」的部份給他?
有時怕俾得太少「枝」佢會冇得磨牙...
維他命D是指晒太陽嗎? MANUKAN HONEY俾兔兔用來做什麼? 我家有樽5度的…

http://mini-house.info/thread-41-1-1.html