兔兔含膿

我家辣椒仔，養左兩星期，上周五晚發現佢有輕微打噴嚏情況，又多左抓右邊耳仔，
雖然情況不算頻密，但都好擔心，到星期日帶左佢去屯門維多利睇Dr.Leon，誰知 Leon
叫我摸摸辣椒右邊面頰，原來腫了一大舊，剃毛後可見到一個像兒時玩的彈彈波般大的囊腫﹗

首先，Leon在不需麻醉的情況下(他說兔兔不會太痛的)，用刀片"介"開，便"吱"出一大堆芝士狀的膿，
辣椒亦很乖，沒有掙扎。
後來Leon覺得不時都"吱"到少許膿，便徵求我地同意，讓辣椒聞少少麻醉藥，想"介"大d 傷口，
確認是否完全清除膿液。最後不用聯針，給了草粉、抗生素、益生菌便可離開。

Leon說，辣椒不是傷風，是囊腫影響他的鼻、耳不舒服(因眼耳鼻喉是通的)，成因可能是
1) 有些較尖的草 / 異物插傷他口腔，形成發炎
2) 牙銀有問題致發炎
如果不幸地，異物還留在口腔內，或牙銀問題，便要照X光做手術。所以這一星期為觀察期，
希望辣椒不再含膿...

辣椒回家後肯進食，我也沒夾硬餵草粉，今早開始餵抗生素和益生菌。抗生素只需0.18ml，輕
易地餵了。但益生菌是粉狀，我溝了水餵他但不成功，因趕住上班，將那些水倒入水樽了。現在
很擔心他不喝水呢~~~(因可能有味...)

我想說，Dr Leon很用心醫辣椒，態度溫和，沒有計算時間趕收工，很用心叫翻譯教我怎照顧他，
有問必答，十天後便會覆診，希望辣椒大步檻過，我真的很擔心他呀~~~

另外，大家覺得有些草是不是真的很硬很尖? 近日第一次買左一盒9磅的oxbow草，昨晚拆開，很想掉了它，
又長又硬又尖﹗平時買40安士的都冇咁誇張，可能今次辣椒件事，令我有點陰影，亦聽過很多兔友說兔兔可以表面好地地
(或有輕微的不舒服)，點知好快會突然離開….好驚呀!!!!

[ 本帖最後由 penny922 於 2010-5-24 09:43 AM 編輯 ]

你帶住辣椒, 仲要拎草, 會吾會太重,
不如 thr 去你度拎, 你pm 留電話給我 再講
我今日無帶電話:011:

原帖由 penny922 於 2010-5-26 12:08 PM 發表
readbean，我之前買過袋裝的apd 同 oxbow都唔係咁，我懷疑所有盒裝都係又長又硬...
唔再買喇~窮窮，今個月未過完，已洗左三千幾四千銀去兔兔度，回家努力剪草好了，haha

其實我有一袋草碎, 真係好碎,
本來諗住比晒兔協,
如果你要, 比一半你, 主要係怕草碎令兔兔打乞嚏,

我指妳可星期六，日頭時間來看看他，順便拎草，我幫妳搬到輕鐵站。
草碎，我也有儲起，謝謝妳，不用了。係呀，怕他打乞痴。

兔兔咁細就要睇咁多次醫生><
好彩有個咁錫佢既主人
辣椒你要快d好返呀!!