unhappy for 4 months

4個月還不去廁所尿尿，周圍去,但有時又懂去廁所，好似同作對甘。I have used all the methods to teach it cc for months, but not success.

不like 我抱、梳毛。He only like me to message for him.

這幾天咬了我三次，好不開心,又嬲！The basic is he could not bite us.

点解好像沒有開心過。成曰鬧、罰、曳，有時嬲到打牠pap pat,自己也气壞(But I gave him gift or praise when he did the right thing).  HOwever，又知不可以再這樣下去，佢又唔happy, 怎辦????

請教路...#^21^#

我叫佢又不應我

朋友聽完我們的相處，話我比佢'食'住，要'若即若離'先得,又話我'重'佢(一早起身未刷牙洗臉己照顧牠，一回來就又照顧牠，什麼也放在後面). ..............................

邊到有後得train 兔仔呢??

我好記得之前已經同你講...
你要預左佢一世唔識去廁所~~
唔係隻隻兔都教得識架~

其次..抱,梳毛,
呢d好多兔都唔鍾意~
但係梳毛係有需要,佢唔鍾意我地都要幫佢梳~
按摩,係我地同兔兔之間既親子活動,
我覺得你自己都應該享受其中先岩~

咬人...
會唔會係你做左d咩令佢唔鍾意呀?
e.g.攪佢個籠,佢訓緊果陣整佢 etc.
又或者係佢成年未desex,係會惡架wor~
你養兔之前...應該要有心理準備架?
唔係隻隻兔都又乖又聽話~就算再聽話既兔都會有d唔好既習慣~

你叫佢唔應你...
這不正常嗎?
通常唔係餵野食,兔兔知我地無野食係手,都係唔理我地架~
好正常既一件事....

你比我既感覺...係想唔要隻兔?
(我自己感覺係咁)
其實你講既問題都唔係d咩大問題...
係好正常既事...你咁就唔開心?

其實有無將養狗狗既期望..放了落兔兔身上

我想問 你養之前有冇諗清楚
定係你淨係睇到兔友分享成功的一面..
即係兔兔好聽話 兔兔好健康
你有冇睇到兔友分享失敗既一面

你對兔兔既期望太高
期望愈高 你既失望只會愈高

每隻兔兔都唔同
人地個隻識 唔等於你個隻都會識

另外, 你個D朋友所謂既建議
係佢地從「人」身上所領悟
等係佢地真係從兔兔身上所領悟
我絕對唔認同佢地既諗法!!

你比我既感覺...係想唔要隻兔?  Part is correct because I don't want WE are continue unhappy.

其實你講既問題都唔係d咩大問題...--Maybe.  But these conditions are really make me annoyed and frustrated.


係好正常既事...你咁就唔開心?  It is because I felt we are no communication now.  Just give him food and water, clear the toilet...  only.  Do you really understand my feeling?

首先我唔講你做法岩唔岩啦, 我相信你知道打兔仔係唔岩
不過有d態度既野你真係要改變下
我留意左你好耐, 我估你年紀應該唔大
但係你既然做一個主人, 行事想法都應該成熟d

第1, 你d朋友講既野.... 我完全唔認同
你估佢係你男朋友咩, 若即若離....又咩比佢食住....
兔仔係好單純既動物, 有野就食, 支力就訓覺, 想去廁所就去,
佢地就係鐘意理你就理你, 唔鐘意理你就唔理你...
如果你係掛住養兔仔養到其他野唔記得曬既,
我當然會勸你樣樣野都要兼顧好
但如果唔係既話, 請你繼續耐心地照顧你的兔仔

第2 講去廁所個度先啦
兔仔本來就冇貓狗咁聰明, 係難教d, 有d兔一世都可能唔識去, 更何況你只係教左4個月
我隻兔都有段時間日日係梳化小便, 我都好嬲架, 但可以點呢, 佢係隻兔仔唔係人, 佢唔識聽你講道理, 我最多咪見到佢一上梳化就抱返佢落地...

如果你教極佢都唔識去你試下改變自己既態度同埋做法
會唔會係佢唔鐘意個廁所呢?
係咪佢以為另一個地方先係廁所呢?

第2, 你話佢唔like 比你抱同梳毛
哩度都有好多兔友既兔仔都係咁, 又唔係得你一個
隻隻兔仔性格唔同, 我見到你話你會"成曰鬧、罰、曳，有時嬲到打牠pap pat"
你有冇諗過係咪因為咁你成日話佢攪到佢都唔鐘意你呀

第3
你話佢咬你, 你諗下佢做咩咬你呢???係咪你做左d 令佢唔鐘意既野呢?  
" 這幾天咬了我三次，好不開心,又嬲！The basic is he could not bite us. "
你話佢唔可以咬你, 咁點解你可以打佢呢???
兔仔都唔明你點解打佢, 佢只會覺得你係攻擊緊佢.....
既然你"打"過佢佢都唔改, 你就知道哩樣野係冇用啦
請你唔好再打你的兔仔啦!!!!

最後, 你話 "点解好像沒有開心過"
我覺得係因為佢達唔到你理想中咁樣你先會咁諗
你想佢一叫就過黎, 佢做唔到
你想佢比你抱, 佢唔肯
你想佢識去廁所, 佢唔識
無論對人定係動物, 你都無可能要求人地做到你心目中既百分百
成日執著係佢唔好既地方你緊係唔開心....

我知你有嘗試去鼓勵兔兔, 亦有照顧佢愛惜佢
同樣地,, 我相信你既兔兔一定有帶比你開心既時候
好好諗下啦,  比多d耐心同愛心, '
珍惜你同兔兔相處既時間 , 你就會愈黎愈開心, 佢都會愈黎愈聽話

其實兔兔要既開心好簡單~
每日有草食~
不時有菜菜又或者係糧~
主人幫佢地按摩~佢地就已經好開心~磨晒牙仔~
點解你會認為你隻兔唔開心呢?

還是你自己唔願意去同隻兔兔玩,所以佢唔開心,你又唔開心呢?
因為唔花時間去按摩下~餵下佢食野~一齊坐下睇電視~
所以覺得無communication呢?

我想講既係,
你所講唔識去廁所,唔比你抱呢d問題..
應該係你養之前要考慮清楚,
無錯,兔兔有機會可以訓練得好乖,但係唔係隻隻兔都得~
你應該事先有心理準備~
你有做好準備,就唔會annoyed,frustrated~

咁岩,你帶返屋企既兔兔就唔得,
但呢個唔係佢既錯....佢天性如此,佢自己都唔想~
但呢個唔應該係你遺棄佢既理由~

其實你講既no communication,只要你肯花d時間同佢玩~
幫佢按摩下~呢d已經係communication~

原帖由 naBboy 於 2010-5-24 08:24 PM 發表
你比我既感覺...係想唔要隻兔?  Part is correct because I don't want WE are continue unhappy.

其實你講既問題都唔係d咩大問題...--Maybe.  But these conditions are really make me annoyed and frustrated. ...

如果你可以認真諗下你隻兔需要咩
你地既關係就唔會咁差
佢亦都會聽話d
如果你可以改變下自己對佢要求
你就唔會唔開心啦!!!

唔開心就唔想要佢
咁你呀媽養你唔開心佢係咪都可以唔要你呀???

花時間去按摩下~餵下佢食野~-----I always do this for him.  He likes very much.

Anyway, thanks for your reply and advices!

所有養開兔既人都知, 兔先係主人, 我地係兔奴
任何事只要兔兔開心就得, 我地開唔開心係既其次
唔好要求佢做到你既全部要求

兔先係主人, 我地係兔奴......絕對正確!!!!:044: 無問題,兔兔開心,食得瞓得......咁咪得law:040:

我momo都唔識去廁所架,佢又飲好多水架,我都無再逼佢lu,佢開開心心,依食得瞓得,我辛苦d都好開心架!!!:038: :038: :038:

thanks everyone.

其實你只係想付出後得到回報，但這並非必然；在人與人之間如是，更何況是人與兔兔？養兔兔要好有耐性，老是想著教下佢就識去廁所，俾草佢食同佢按摩就唔咬你，滿腦「奉旨」心態的話，最唔happy既係你自己，仲會令你對兔兔越黎越不滿，又以為兔兔同你作對（我相信兔兔的思想沒有那麼複雜）。

我養左小樹差不多一年，佢依然會發老脾咬下我；發發養左八個月，佢依然唔鍾意我抱；對Bon Bon用盡一切辦法，都唔識去廁所。咁又點？對我黎講，呢的唔係令我唔開心既藉口，因為兔兔就是兔兔，有佢地獨特既性格；點解要強兔所難？

我只要見到佢地好開心咁食草草跳兔仔舞，健健康康地成長，已經好高興；唔發我脾氣，唔抗拒俾我抱抱，同埋識得去廁所，呢的對我黎講，都只係bonus。