唉~原來兔兔同人一樣,又有分上等兔下等兔既......

係咁既,昨天和朋友去飲茶,講講下,原來朋友兩公婆都有養兔仔,咁大家就交流
一下心得啦,大家養兔的方式都差不多都沒有大差錯,但當我比個手提電話既相
朋友老婆睇時,佢竟然笑我話做咩養埋呢種cheap兔仔/雜種兔呀之類咁....

之後佢又話自己隻喜瑪拉雅星兔幾貴/幾高級咁.......

我最有印象係有一句話:"呢d雜種兔去睇一次獸醫既價錢可以買2~3隻啦,你仲
帶佢去body check? 快d送左佢比第個,買個隻純種啦"之類既說話...

咁老人家既~我~見慣風浪,深明處世之道....雖有不甘,當時都祗好笑兩聲後就
轉第二個話題...

朋友事後都知不好意思有say sorry,我都無話嬲,不過祗係覺得而家d香港人太
追求名牌/純種/貴野,而往往忘記了物件的本質/功能/過程....

雖有不甘,不過2小時後又無野了,祗係有感而發~~~

回到家,我和老虎仔講:"人地話你雜種cheap兔叫我唔要你比人呀."
老虎仔fing頭~~
跟住我話:"食唔食小棠菜呀?"
佢又fing頭....
到我係雪櫃拎出來佢又搶住食......

我老婆:你兩仔爺一樣咁老親同~~~"笨"......
:066:

各有喜好即……我就覺得你隻兔都幾可愛丫﹗

不過，比我，我一定會回佢一句﹕「純種既兔仔係近親繁殖先會咁，你唔知近親繁殖會有好多遺傳病嗎﹖你地兩公婆都係小心d好，你知啦，兔仔一有遺傳病就仲貴呀...d醫生錢.............我都係鍾意我隻健康的兔多過你地果d...........呼﹗」 :055:

算啦，唔好同人地一般見識。就係呢D人先攪到咁多棄兔!!
養兔唔係睇表面，係相處方式/性格… 每隻兔兔性格唔同亦有可愛之處!
雖然呀B唔係名種兔，但係係我心目中佢係全世界最靚最可愛的兔兔~^3^

佢講到好平常咁...好似當兔仔只係一件物件，一條小生命何解會CHEAP...生命無價~
「登」你朋友隻兔仔慘...
佢其實有幾愛佢隻兔仔...佢養隻名牌兔既目的係咪只係諗住可以拎出黎同人炫耀..?
如果第時佢隻兔仔TOUCH WOOD有咩病，要醫好多錢(比佢買過隻名牌兔貴)，佢係咪又會話掉左佢買過隻好過啦呢...?
希望你朋友唔同佢老婆咁，係真心愛隻兔仔啦~

個人咁衰既- -都係兔姐,隻隻兔都係咁可愛嫁啦.名種兔又點呀\./??

我丁丁唔係純種仲係唔洗錢, 不過佢係一等一既上等兔~~~
呢D野, 係個人問題~~
而且我信有因果報應~~~

我好憎呢D人, X眼看兔低(完全諗唔到用咩生物去形容佢又可以唔影衰該生物)
問返佢: 咁你出世果時你阿媽又唔送左你俾人?!~雜種人~
點忍呀~~~好嬲呀!!!!:052:

係呀係呀!!
我屋企小榛都唔係純種兔!
但係小榛係我同兔爸o既小公主!!
公主兔!!
#^43^#

講真…養兔我覺得都係睇人咩心態養嗜…
養動物呢樣野…我覺得好講緣份…
鍾意果隻就養果隻架啦…邊有貴賤之分…
距都囉黎講既……
出黎傾下養兔心得就甘禁芒太露…

囧... 我反而覺得點解佢咁冇教養..
冇教養既人先係最cheap...一D口德都冇...
你朋友一定好尷尬...:054:

我冇你咁好修養，俾我實當面潤爆佢，咁佢地兩公婆如果生個細路唔靚仔或唔靚女，
係咪又送俾人呢? 個女人忽忽地!!!

比我都會串番佢...理得你什麼長輩..不尊重生命

便不值得得到別人尊重

原帖由 Maggie 於 2010-6-11 02:13 PM 發表
各有喜好即……我就覺得你隻兔都幾可愛丫﹗

不過，比我，我一定會回佢一句﹕「純種既兔仔係近親繁殖先會咁，你唔知近親繁殖會有好多遺傳病嗎﹖你地兩公婆都係小心d好，你知啦，兔仔一有遺傳病就仲貴呀...d醫生錢. ...

Maggie答得好大方得體, 咁樣回應總俾罵佢好~
人地無口德, 自己都唔可以同佢鬥失禮~
不過唔好因為有人咁講就送俾人, 自己喜歡就得啦

算啦，唔好理呢D咁既人。
有呢D咁既人先會有咁多棄兔者!!
佢根本唔明白當中養兔既樂趣....

下...比著我我一定會當面串返佢...:052:
兔兔又吾係比人拎出黎曬命既...
我戈只都吾係咩純種啦..
不過我鍚佢,鐘意佢米得...
何況你只兔兔都好可愛啊..
吾好理d咁既人啦..:051: