搵人領養我隻兔兔,,

事源：今年屋企有個bb出左世,,
上年屋企人就開始發癲話唔要隻兔仔掉出街
個陣我喊到傻要留住佢,,由於個時大緊肚,,佢地比兔兔留低
而家bb就快識爬,,佢地又嘈,,唉,,
又話bb呢樣又個樣,,同埋今次真係發現bb對兔兔D毛敏感
所以要作出呢個決定:050:

兔仔：
相當健康,,檢查晒,,冇問題
佢黎左我屋企咁耐都冇病過(touchwood!!!)
男仔,,未絕肉,,喵喵兔,,2009年7月10日出世!!
需要大量活動時間,,同中意係冷氣房(我長時間放佢在籠外自己活動)
中意食葉,,食開q兔D草,,o字糧

想搵真心中意兔兔及有經驗ge人收養,,:024:

原帖由 呠呠° 於 2010-7-22 10:36 PM 發表
其實你有冇自己試過[臭]bb
如果你未試過既 你唔會知要幾多功夫幾多時間去照顧1個bb
兔兔依家正正係換毛時間..
我地以經帶佢出去 梳毛 剪甲..
同埋 自己都有幫佢梳.. 但日日都會飛到周圍都係毛..
真係對兔兔好既 ...

你俾我感覺好假惺惺囉
又話喊晒口要留住兔兔,,而家講到唔要兔兔係幾咁堂而煌之
我都自己一個人湊過BB
如果你係愛兔兔既 我相信你再攰都可以留d時間俾兔兔囉

如果計下時間你懷孕同養兔唔會差好遠囉,,你養佢之前諗清楚既咩

隻兔兔好得~~ 可惜我已經養左一隻~~屋企唔可以再養~

好搞笑呀佢`又幾得意.

講真你拎隻兔兔番屋企.吾系一生一世照顧佢既咩?
吾系話辛苦就吾要佢嫁!
我平時清理佢個籠D頭髮又長又熱出晒汗.我都未話攰.見到愛兔系咁走黎走去八厭
我望到都好開心.

你假到爆...一時又話唔捨得...依家又話返人轉頭...你同你家人一樣...無愛心...唔識尊重生命...你既兔兔搵到新主人係一件好事...佢唔使再住響你呢個咁無愛心咁無人性既屋企到！！！

兔兔好可愛,牠知道你不愛牠,牠會傷心.不如立即贈送對牠呵護有加的新主人.兔兔最懂主人,知道主人愛不愛牠.既然你有心放棄,相信也不會愛護牠

[ 本帖最後由 Corgi 於 2010-9-10 03:02 PM 編輯 ]

原帖由 lotenten 於 2010-9-10 02:25 PM 發表
你假到爆...一時又話唔捨得...依家又話返人轉頭...你同你家人一樣...無愛心...唔識尊重生命...你既兔兔搵到新主人係一件好事...佢唔使再住響你呢個咁無愛心咁無人性既屋企到！！！

說話唔可以咁講,屋企人既威力其實好大
屋企有bb唔係唔可以養,只係佢屋企人覺得有左就唔養得,仲要敏感對bb唔好
學樓主講一句,照顧bb真係好多時間好多心機
你估佢想因為個bb無左隻兔兔咩?我相信佢都唔想既..
如果能夠解決到亦唔會行到去要搵人領養兔兔呢一步..
個個都唔諗下樓主感受就話佢唔要隻兔話佢無盡力..
俾我我都火啦~點都好..
希望樓主盡快搵到有心人..:054:

如果你真係唔想要佢,要留,亦都留唔住,但係,
我以前試過同樣情況想將隻狗狗送比人,當送比人那一刻,
隻狗狗回頭望我,狗狗的傷心絕望,使我即刻大喊出來,
我即刻求那人比返我,是我對唔住狗狗在先,後來養到狗狗離開世上為止...
同樣地,就算我有嚴重鼻敏感,我也日日抱兔兔入懷,
我對兔兔說過,只要有我一天,也會有兔兔的一天.
所以請你真的不要後悔自己的每個決定,
因為你可以有很多的一切,但牠的世界只有你...

算了吧
既然樓主已決定..

能幫手的兔友就幫手吧!~
希望兔兔能找到一個更好的家庭

你同佢friend底黎架？
你計下條數啦...
跟本佢屋企人大肚同佢帶兔兔返屋企時間係差唔多...
如果明知會有咁既一日...
又何必當初呢？
根本就係藉口...如果自己協調到既...就唔使唔要佢！

希望兔兔可以搵到一個比您更愛佢既人,,

其實兔兔e家搵到人養未??

[ 本帖最後由 儀YY~~ 於 2010-9-12 08:58 PM 編輯 ]

原帖由 lotenten 於 2010-9-12 02:42 AM 發表
你同佢friend底黎架？
你計下條數啦...
跟本佢屋企人大肚同佢帶兔兔返屋企時間係差唔多...
如果明知會有咁既一日...
又何必當初呢？
根本就係藉口...如果自己協調到既...就唔使唔要佢！

我唔係覺得樓主咁做係岩..但亦都覺得佢唔錯哂~
可以講過係佢屋企人錯姐,加上d媽咪一生個bb出黎就覺得bb係大哂架喇:043:
我又覺得佢媽咪咁諗好正常..係人都會擔心自己仔女,仲要係岩岩出世既bb~
我覺得樓主已經盡左力,如果唔係唔會去到呢個地步
既然佢盡左力都改變唔到事實,呢個可能係唯一既解決方法~
如果呢件事係發生係你身上,你話就話可以盡力去保護兔兔..
但有時自己既立場同屋企人立場唔同,始終係屋企黎講都仲係個細路,都會俾群眾壓力推倒;
如果到時候係你媽咪有左bb而要你放棄兔仔,我絕對相信你都寧願上黎搵人領養..
咁樣做都好過樓主拎去兔協呀..起碼證明佢都唔係個無良心既人~佢都係錫兔兔
而我只係覺得無必要咁激動去話樓主先出聲姐~
何必搵交黎嗌呢..大家相處融洽d咪幾好:014:
我同佢唔係fd底我亦都係岩岩開始玩呢個論壇
我要講既野係咁多:054:

[ 本帖最後由 crazywing_xdd 於 2010-9-14 02:10 AM 編輯 ]

原帖由 crazywing_xdd 於 2010-9-14 01:58 AM 發表

咁就係協調唔到先唔要佢~
我唔係覺得樓主咁做係岩..但亦都覺得佢唔錯得哂喎
可以講過係佢屋企人錯姐,加上d媽咪一生個bb出黎就覺得bb係大哂架喇:043:
我又覺得佢媽咪咁諗好正常..係人都會擔心自己仔女,仲要係岩 ...

補多句~我覺得你真係太激動喇~
就連我企係樓主立場幫佢講少少野你都話我同佢係fd底;
其實憑呢少少野就可以判斷到你既激動程度喇
咁樣講野只會令人討厭,提你一句姐,你可聽可不聽:048:

如果可以的話咪搵個同屋企好近既地方搬出去住low
反正屋企有個BB一定又要用好多地方
咁就唔洗咁煩喇

其實如果講到話bb真係敏感,咁就無法,
始終兔毛係避無可避,
敏感又真係可大可小...

唯一怪就係...點解當初屋企人甚至係樓主自己,
知道有人大肚既時候(or打算大肚)都仲帶隻兔兔返屋企,
而且又無同屋企人商量好...
(從你話家人不時話要扔隻兔出街...就知道你屋企人根本唔接受隻兔)
我地養兔,係要令兔兔成為屋企既一份子..希望全家都接受,
咁樣兔兔先會得到幸福快樂,
但係樓主當初帶兔返屋企既時候..根本無好好打算and考慮清楚,
令兔兔依家要遭受被遺棄....

其實如果樓主真係唔捨得隻兔兔,
最好係問返身邊既朋友可唔可以接收,
知識可以教,物資你都可以資助,起碼你仲可以去探隻兔兔