同BB去完身體檢查啦><

呵呵 今日3點3下午茶時間去左9龍動物醫院做身體檢查∼
不過話說很驚魂，

首先就係天氣太熱，ｄ冰樽得兩個（以為萬事搞掂，點知原來都係唔夠），因為正午時分出門口，太陽特別猛，所以家中ＢＢ到差唔多到達醫院的時候攤左係到，
個鼻抽得勁快；嚇得我一落車就撲左去間醫院到，希望佢涼下冷氣。

之後一入到去，好涼爽＝３＝，坐係到兩個字；ＢＢ就攤係到即刻變得勁有精神；之前訓左係個冰樽上面，一到體溫正常番就係咁想搞走個冰樽，覺得佢阻路。

對面的貓貓主人看著我的ＢＢ不停抓－　－在對我微笑（慚愧）。

之後入到去做身體檢查；ＤＲ．ＭＡ同佢檢查哂全身各下，包括耳仔頭眼膚仲有屁屁；話佢所有都好健康，佢話肚子裡的便便多到數都數唔哂；而且個大腸小腸活動都好好。

佢仲話佢好勁丫，個胃比一般既侏儒兔兔還要大；用到８０％，話佢消化力好強。

不過開心了不久，當檢查佢Ｄ毛時，就發現了一個問題。

ＢＢ的身上居然有”失”（咳嗯，由於字不懂打先打同音字，希望大家看得懂啦）。

就是那些像是胡椒粉一樣大小，放大４萬倍就會嚇壞人一雙眼睛的那種；之後佢就抽左小小毛，放在落顯微鏡俾我地睇．．．．一望，即刻彈走．．真係好嘔心－　－那些物體，８隻腳的。

不過醫生話唔緊要，話呢Ｄ正常，十隻係呢種天氣有五隻都有；通常係係之前果間寵物店到惹番黎既。

跟住佢就開左藥俾我，三枝裝，一個月同佢滴一次；滴足三個月。

．．好在過黎做下身體檢查，如果唔係點發現到有隻咁樣衰既野係我ｂｂ既身上:034:

醫生同護士態度都好好，護士姊姊更笑容滿臉的－３－好愛笑，覺得佢地服務態度真係正。

ｐｓ：身體檢查外仲順便檢查埋之前絕育後既傷口；因為ｂｂ係女仔黎，傷口大ｄ，所　　　以一定要檢查:033:；醫生話傷口恢原得不錯，毛都生番ｌｕ（嘿嘿）。
　
　　　另外醫生仲幫我剪埋指甲，不用另收費真好＝３＝。


只係連埋藥費．．．．

都洗左我４百幾蚊:008: 好貴啊啊啊－－

算啦＠＠誰叫我錫兔兔ｘｄ

[ 本帖最後由 小穎 於 2011-4-24 06:27 PM 編輯 ]

果個護士系米長頭髮的?
佢笑得好親切的

我昨日先睇左八百幾.尼緊仲要去
養左幾個月淨睇e生都二千幾...
負資產了:068:

[ 本帖最後由 ccychoy 於 2011-4-24 06:26 PM 編輯 ]

我養了才年半已經用了五千多，
真的要負資產了:029: 。

話說今日，我坐係到等既時候，聽到靜妍媽打過黎，哈哈；一聽到個護士說：啊，靜妍；未絕育。

就即刻彈左起身∼:073:

個護士係長頭髮的，但是好似綁了起來，穿著粉紅色的衣服（粉紅色再深一點的那種紅色）。

我覺得佢笑得好真誠，而且講野好有禮貌同溫柔，由未睇到睇果時都笑咪咪的，服務態度真的不錯＞＜。

嘩,剪埋指甲咁好既!!!
肚肚多屎,可能入左袋唔敢屙XD

我養桃波2個,半年已經用左8千啦
而家total 7隻,真係錢都唔敢亂洗
希望佢地健健康康
買多D靚草,點都好過要睇醫生 哈哈

另外,revolution係咪每次滴一滴架咋?
我買左一pack諗住可以預防生蝨
但係姑娘講完唔記得左點用,依稀記得係1滴每個月1次
所以都唔敢用住-.-

[ 本帖最後由 berki 於 2011-4-24 06:40 PM 編輯 ]

原帖由 小穎 於 2011-4-24 06:30 PM 發表
我養了才年半已經用了五千多，
真的要負資產了:029: 。

話說今日，我坐係到等既時候，聽到靜妍媽打過黎，哈哈；一聽到個護士說：啊，靜妍；未絕育。

就即刻彈左起身∼:073:

個護士係長頭髮的，但是好似綁 ...

就系果個護士.我被佢迷倒了:067:

我養了5個幾月用左近萬...(我想知點解我會變到甘多出尼)

原帖由 ccychoy 於 2011-4-24 06:39 PM 發表

就系果個護士.我被佢迷倒了:067:

我養了5個幾月用左近萬...(我想知點解我會變到甘多出尼)

你個B藥煲黎@@
成日都要睇醫生既><
你要健健康康唔好要媽媽擔心啦!

原帖由 berki 於 2011-4-24 06:41 PM 發表


你個B藥煲黎@@
成日都要睇醫生既><
你要健健康康唔好要媽媽擔心啦!

唉~佢愛上食藥...
次次喂佢好似搶甘
喂藥一分鐘ko了

係:040: 我主動提出，問洗唔洗另收錢；佢話唔洗，
話睇下佢乖唔乖俾佢地剪啦，如果乖乖被剪的話就幫佢剪埋＞＜
醫生護士們都超好的＞＜而且對我的兔兔好溫柔喔，特別是那個護士。

佢係俾左三枝我，一個月既同一日（即係例如今日２４號我用左枝，到下個月既２４號要再用多枝）；佢唔係一滴滴的，佢俾我的是一開就滴哂係佢個頭後兩吋既背隻肉到，我見佢一黎就落哂全部上去。

佢話基本上用左三個月應該會杜絕，但如果想預防既話可以再買藥，再每個月咁樣滴。

哇－ｏ－已經用左萬幾蚊，
要好好保養身子了＞＜

呵呵，我都被那個護士迷倒了；不捨得離開ｘｄ
ＢＢ唔知點解見到佢勁乖，俾佢哄幾句就乖乖不動。

原帖由 小穎 於 2011-4-24 06:46 PM 發表
係:040: 我主動提出，問洗唔洗另收錢；佢話唔洗，
話睇下佢乖唔乖俾佢地剪啦，如果乖乖被剪的話就幫佢剪埋＞＜
醫生護士們都超好的＞＜而且對我的兔兔好溫柔喔，特別是那個護士。

佢係俾左三枝我，一個月既同一 ...

你甘夠膽..
Dr.ma用顯微鏡睇下系咩菌
我都5感問洗唔洗另收錢:065:

原帖由 小穎 於 2011-4-24 06:48 PM 發表
哇－ｏ－已經用左萬幾蚊，
要好好保養身子了＞＜

呵呵，我都被那個護士迷倒了；不捨得離開ｘｄ
ＢＢ唔知點解見到佢勁乖，俾佢哄幾句就乖乖不動。

我果隻仲四圍走...
果個護士都話佢百厭

呵呵　為了兔兔以及自己荷包的利益，
丟盡臉子都不要緊了。

話說之後我同佢講話可唔可以趁而家幫我雪雪冰樽，跟住佢仲送埋冰樽俾我。
之後我話，可唔可以俾兩個我？

．．．．

跟住佢地就俾左兩個我（＝ｖ＝）；之後我隻ｂｂ入左袋係到柯尿，佢仲俾埋尿片我（望天）。

服務態度太好了，我明明什麼都沒說啊－－（明明就說了很多）。

佢起初都係好乖，係到最後熟左環境就想走；
之後個護士摸摸佢佢再度乖乖地企左係到＝３＝。

原帖由 小穎 於 2011-4-24 06:53 PM 發表
佢起初都係好乖，係到最後熟左環境就想走；
之後個護士摸摸佢佢再度乖乖地企左係到＝３＝。

我果隻太激動了= ="

嘿嘿　佢見到護士小姐想跟住佢走佬＞＜