應該收幾多 急

大家覺得如果
你幫一個唔識既人養住一隻兔兔一年
要自己去買草
你覺得要收佢幾多
因為個個人話二百一個月   冇比訂金    我驚佢到時會走人:046:

二百蚊, 你每個月賺得佢幾多??
假如兔兔突然間病左, 佢冇俾訂金, 你要用自己錢帶佢睇醫生? 佢之後俾返你?
假如兔兔不幸過左生, 咁又點處理? 你要唔要負責?
冇俾訂金, 可以俾一個月錢你, 之後一直放你度, 無打算拎返走, 變左你養都唔定。

出去打份兼職賺得仲多, 時薪 $28, 唔駛煩~無手尾~

叫佢比幾千蚊按金, 用離做兔兔突發有咩事要睇醫生既錢
但真係要睇醫生既話只係暫時用按金比住先
你要比單佢同佢CLAIM返
唔係下次要再睇醫生可能就唔夠按金用
到接兔兔走果時就全數比返佢

另外再每月收返佢草錢
有帶佢出去剪甲剪毛既話再加錢

呢D基本既錢, 佢係主人唔可以唔比

糧草錢有限, 幫一個唔識既人養住一隻兔兔,
幾耐時間都好, 唔係要收佢幾多按金問題,
係預埋佢會失蹤(棄兔), 你仲要養一年咁長,
按金幾多睇你接受程度, 愛心無價

$200 一個月 :046:
我連草連墊材個衰囡起碼一個月用我$600~$800

點解個主人你要幫佢養一年?
仲要搵個唔識既人養??

其實你接收得你預左佢唔會拎番隻兔
冇話幾多錢先夠....

咁又真係唔係按唔按金既問題既
同埋點解要人養一年真係好難理解
不過如果係幫人既話
就要相信佢一年後會接返兔兔
但呢段期間既洗費要佢負責返姐
唔信既話就唔好幫, 話哂係唔熟既人
就係咁簡單

不過話說早幾個月前上兔協, 見到有兩個師奶, 其中一個問放隻兔响度一年要幾錢, 兔協有個姐姐話$1000/1個月, 1年就$12000, 個師奶嚇到即刻問如果棄養要咩手續 :050:

長時間寄養,可以係棄養既其中一種手段:050:

樓主，小心俾有心人利用你既愛心哦~

我個人覺得佢搵你笨，既然佢話會俾錢即係佢自己都認為樓主唔係義務幫佢啦，但係佢竟然想就咁俾2百蚊草錢就算，去兔協OR寵物店問下都知寄養唔平架喎...:057:

仲有其他兔友講既醫療費，有咩事邊個負責等等，同佢暫養一年當中涉及太多野啦~ 唔事先講清楚，會好多問題跟尾...TOUCH WOOD隻兔萬一有咩事，到時佢賴你就麻煩啦...

最主要係樓主你根本唔識個個人...真係信得過嗎? 初頭可能都會俾錢既，之後玩失蹤都唔係冇可能架BOR...

再諗深一層，如果個個人真係愛佢隻兔，又點會捨得俾唔識既人照顧一年咁耐喎~
好大可能係想唔要隻兔仔啦...

樓主，如果你真係接收佢隻兔，真係要有準備佢唔會接返走...

唉我就係咁比屋企人話
我唔知點解開唔到口同佢講收番幾多

如果你唔識佢點解佢又會搵到你幫佢暫養既= =..
不過我又覺得..俾得你養咁耐應該都唔會想拎番..
如果真係鍾意兔兔.唔見一個禮拜都想死啦.仲要一年?
樓主真係諗清楚屋企應唔應付到多一隻兔兔喇..

我feel佢系想棄養
掉低200就5洗負責

同佢講照外面既價錢計，而且要俾半年按金先，因為要保障大家嘛，條款都同佢講清楚，睇下佢有咩反應講D咩都好丫，咁就知佢有冇誠意係咪真係有心搵暫養啦~

樓主唔好怕唔好意思呢，宜家太多不負責任既主人..始終唔識佢，佢有可能就係利用樓主唔知點開口尼點哦...
如果對方係明白事理又負責任既主人，你同佢開門見山咁講暫養時既好多細節要注意，佢應該仲開心啦，代表佢真係搵到個好既暫養BOR，所以佢唔應該有負面反應...
點都好，要保障自己哦~

[ 本帖最後由 ernie168 於 2011-5-20 05:54 PM 編輯 ]

而家同左佢講啦
屋企人都接受到
收佢訂金加400蚊既
總算解決左  真係唔該曬