事源係....
28/6/11: 我打去荃灣話要4袋momi草, 想即晚送貨, 佢話唔得閒 (平時即晚都得既), 咁改左29/6送啦.
29/6/11: 佢地打俾我話司機唔舒服, 要30/6先送, 我話唔得閒, 問佢1/7/11晚上8點送得唔得, 佢就話要問下, 遲d覆我. (之後一直冇打過電話俾我)
1/7/11: 由於佢地一直冇人覆我, 我以為佢地唔送, 咁我就照出街, 點知佢地無啦啦送黎, 我冇人係屋企收, 結果又要改 , 想改2/7佢又話唔得閒, 咁就佢 3/7/11, 又話下午3點前唔知得唔得, 再覆我....
3/7/11: 結果到3點都冇人覆我, 我打去啦.....又同我話唔得閒 (但係一直都冇打俾我囉), 問佢做咩唔覆我, 又話老闆唔覆佢冇辦法.......算啦, 再就佢地.....改4/7/11!!!
4/7/11: 下午打俾我....今次話壞車!!!! 佢地個舖頭去我屋企搭的士都唔駛廿蚊, 太過份喇!! 仲要我改 5/7/11!!!
本來我就算啦, 照5/7啦, 但收左線愈諗愈唔對路囉, 一陣又飛機我就真係企左係道, d草所餘無幾, 結果我就打番俾佢地話唔要喇, 我自己去第2道買....
聽個電話果個男人仲要好理直氣壯同我講話唔係佢地唔送wor (之前聽一直都係女仔黎既), 仲話隨便我要唔要啦咁!!
我真係以後都唔想再同佢地買野囉, 離晒譜!!! |
|