粒粒絕育失敗記 已更新

先放資料


粒粒 女  2歲半 BUNNY混貓貓

一個月之前已經打左去dr.ma到book琴日姐係7月14日絕育琴日6點鐘已經起身 幫佢執草執糧 8點鐘帶左佢落街.同兔爸一齊由屯門碼頭去九院




一路佢比兔爸拎住唔敢郁(因為佢見得兔爸幾次)
約十點半去到九院 就登記等dr.ma睇...
我抱左佢出黎攬住佢 佢痴到我實一實 兔爸餵佢乾蘋果佢唔要 係要我餵
等左一陣姑娘叫見DR.MA...直接抱佢入去
入到去DR.MA問我知唔知今日要做咩 之後都講左一次
幫佢做簡單CHECKING 所有野正常
跟住問左我一問 改佢做LOPLOP係唔係因為佢隻耳仔
我答係...再問佢有冇混巨兔同佢算唔算肥
原來佢得1.97LB.MA話佢混左貓貓但正係要左佢D毛 所以睇落勁大隻
佢頭頂都有長毛...
DR.MA都比我睇左佢D牙 好白好健康

之後就比我簽生死狀 叫我電話一定要長開 手術12點左右開始 到4~5點可以接佢
12點左右收到姑娘電話
話佢係手術期間因為麻醉藥令到心跳減慢及呼吸減慢 終止手術
打左幾支急救起伏針
問我抽唔抽血睇咩事
而家佢已經慢慢醒緊
叫我2點半黎睇佢

2點半番到黎...DR.MA叫我入手術室睇佢
仲話佢手術個陣個肚紫色 開左個寵比我睇佢話佢食左藥仲有幾支草粉
佢右耳包住左吊緊盬水 我摸摸佢 MA叫我過去睇報告
粒粒知我要走立即想起身追我 但冇力趺番係到
個刻好心痛

佢同我講左粒粒佢有貧血既問題 仲有肝有少少受損
可能因為佢太瘦
我個陣嚇左一嚇...佢咁大隻都叫做瘦...個刻更心痛 我好少比糧佢食 佢正係食草多(ORCHARD GRASS)
已經想轉番TIMOTHY
話佢而家咁既情況唔適合出院 短期內都唔會做到手術
如果夾硬做發生咩危險 我唔開心 粒粒唔開心 DR.MA自己都唔開心
聽到呢到已經好想喊
佢靜左比我控制自己情緒
叫我5點左右黎接佢

大約6點黎到(因為兔媽係旺角行番去...行到太攰遲左)
一拎到佢打開個盒 粒粒跳出黎攬實我 我唔識反應 知佢真係好驚
姑娘叫我入去救我餵佢草粉

佢食唔食野都要餵...
教我個陣粒粒含住唔咬
姑娘話佢又蝦媽咪 唔望住佢又食
手術失敗 一星期後番去睇傷口 其實唔洗BOOK?
後補回家小記

祝早日康復

其實我唔係鐘意兔細隻既
養到粒粒出黎我好開心
平時比糧佢都會比多少少佢
但唔知點解佢都係食極唔肥...
可能真係要長食orchard grass同草粉
比T草佢佢唔食好心痛

Hazel)) 發表於 2012-7-16 10:42 AM
其實我唔係鐘意兔細隻既
養到粒粒出黎我好開心
平時比糧佢都會比多少少佢

你有無試過溝草俾佢食
之前我隻女絕完育成個月唔食草,
我就買幾隻牌子的t草,再溝有機草果樹草咁俾佢食
佢食多好多架, 一係你試下啦,
無理由佢唔食你就由得佢架嘛~

可能聽日去買包momi既sec cut比佢試試先
我比親佢既都係FIRST...佢唔食

Hazel)) 發表於 2012-7-15 10:03 PM
醫生唔一定完全岩哂(呢句你可以唔認同)
我個人認為 兔兔有唔食得既野 而唔係兔兔食得既野
即係話食物入面有 ...

至於所講兔兔始終係動物, 養佢高5高級既說法, 依樣野好睇每個人既價值觀同角度問題, 我認識既人都有講係我到做兔好過做人, 話兔兔始終係動物, 無可否認, 兔兔的確係動物, 但5好忘記"人"都只不過係動物, 或許有大多數既人認為兔兔只係寵物, 但對我黎講, 佢係我既仔女, 我對佢好係理所當然, 我寧願自己食少d, 都要比佢地過好d, 至於高級與否, 要視乎高級既定議係咩

至於養佢高級會5會扭曲左佢生活本能, 要好睇本身兔兔既情況同需要, 有某部份兔兔因為各種因素, 係需要特別既照顧同補給, 5等於因為敢樣就會會扭曲左佢生活本能, 我本身領養同執佢返屋企既兔兔, 佢地本身已經係長期病患, 接收佢地既時候, 情況都好5好, 醫生亦有講無咩可以做到, 好大機會惡化, 好難會好轉同康復

我自己就係不斷搵資料, 一直係佢地既飲食, 照顧方面多做功夫, 亦比左合適佢地既補給品, 藥草同食療之類, 經過一直既努力, 佢地無論係精神, 病情都明顯好左好多, 返去醫生到覆診, 醫生都表示佢地既情況好左好多, 亦好穩定, 未有惡化既跡像, 佢亦覺得有驚喜, 而兔兔亦無因為大少般既照顧而扭曲左佢生活本能, 我個人既親身經歷, 已經可以說明依一點

點都係動物 而且係寵物,因為子女要面對社會 而寵物係唔需要 所以希望分清楚呢一點
如果我真係有錢既 我會重於佢生活習慣改善唔係飲食模式同埋個籠
要比好野佢 好易 養佢好都好易
但當見到外國既兔係山頭玩得好開心玩到成身泥 我呢個做主人既完全覺得"優質生活"唔等同比好野佢食同住

所以我非常反感去比冬虫草佢食
我自己都係長期病患,我都冇特別食咩補品,又唔見我惡化左?
只係個人生活模式轉左壓力少左
反而食草藥個陣身體仲差左幾陪,因為覺得自己有病
反而而家冇食藥 所有同事都唔覺得我係長期病患

肝緊貧呢個病有部分原因都係因為壓力過大 我屋企長期有問題 粒粒訓教都成日比佢地嚇醒
就算係兔協既兔 都一樣可以因壓力得病

岩岩上網搵埋資料 小麥草有豐富B12 對肝腎貧既兔有幫助
搵緊小麥草點解唔適合比兔食

至於要自己食少D都要寵物食好D 未兔太唔合理了
你都識講寵物係子女.我自己覺得寵物係識主人情緒
你食得差.情緒自然冇咁好.你會覺得佢食得好你會開心?寵物都一樣會
無論點寵物同主人都應係平頭 唔應該係寵物大過主人

Hazel)) 發表於 2012-7-17 09:49 AM
點都係動物 而且係寵物,因為子女要面對社會 而寵物係唔需要 所以希望分清楚呢一點
如果我真係有錢既 我會重 ...

始終都係一句, 觀點, 角度, 價值觀既問題

有d人情願5食飯, 都要將$留返買個名牌袋, 對佢黎講, 捱餓而去買個名牌袋, 有個名牌就咩都值, 但對另一d人, 就會覺得5值得為左名牌連飯都5食, 更有部份人認為依種追求名牌既人傻傻地

同一件事, 5同人亦會有5同既諗法, 無話邊樣係一定先至岩, 因為好多野只係在於個人價值觀而已

你可以將兔兔認為係寵物, 同樣, 我亦可以將兔兔視為我既仔女, 你認為5可以將兔兔當為仔女, 敢你咪5好當囉, 我只係對佢地既愛如父母對仔女一樣, 5表示因為禁我就有問題

你5認同既野, 5係等於一定有問題

至於我用咩方法應該有我自由, 你認為寵物5應該大過主人, 係你個人觀點同睇法, 但對我黎講, 兔兔并5只係寵物禁簡單

我既兔兔開5開心我絕對比你清楚, 而且我食差d, 5代表情緒會差d, 可能你食差d, 會情緒差d, 但5表示所有人都一樣, 既然我願意食差d, 我就好樂意, 何來會情緒5好, 真奇怪

你贊成比咩兔兔食都好, 5贊成亦罷, 每個人都有自己養兔兔既一套方法, 簡單黎講, 你會同兔兔係天冷既時候浸暖水, 佢一樣接受到, 完全無問題, 但依個方法并5表示可以用係所有兔兔身上, 有某d兔兔, 一見到要濕水就已經好驚, 部份浸完水會5舒服

我只係因為見到你話兔兔有肝貧血問題, 所以, 我先會同你講有咩對佢有幫助, 因為我本身都有2只肝腎貧血既兔兔, 佢地的確已經好左好多, 所以我多口同你講, 我只係出於好意, 既然你認為5應該比兔兔食咪5好比

all_loving_it 發表於 2012-7-17 10:34 AM
始終都係一句, 觀點, 角度, 價值觀既問題

有d人情願5食飯, 都要將$留返買個名牌袋, 對佢黎講, 捱餓而去 ...

根本就係一句
做寵物好過做人/做寵物等同終身監禁
我真係搵唔到有咩文獻話兔唔食得小麥草 中港台都搵哂 下星期問下DR.MA先.

Hazel)) 發表於 2012-7-17 10:52 AM
根本就係一句
做寵物好過做人/做寵物等同終身監禁
我真係搵唔到有咩文獻話兔唔食得小麥草 中港台都搵哂  ...

你可以查下小麥草佢本身既營養成份含量就會明白