粒粒絕育失敗記 已更新

先放資料


粒粒 女  2歲半 BUNNY混貓貓

一個月之前已經打左去dr.ma到book琴日姐係7月14日絕育琴日6點鐘已經起身 幫佢執草執糧 8點鐘帶左佢落街.同兔爸一齊由屯門碼頭去九院




一路佢比兔爸拎住唔敢郁(因為佢見得兔爸幾次)
約十點半去到九院 就登記等dr.ma睇...
我抱左佢出黎攬住佢 佢痴到我實一實 兔爸餵佢乾蘋果佢唔要 係要我餵
等左一陣姑娘叫見DR.MA...直接抱佢入去
入到去DR.MA問我知唔知今日要做咩 之後都講左一次
幫佢做簡單CHECKING 所有野正常
跟住問左我一問 改佢做LOPLOP係唔係因為佢隻耳仔
我答係...再問佢有冇混巨兔同佢算唔算肥
原來佢得1.97LB.MA話佢混左貓貓但正係要左佢D毛 所以睇落勁大隻
佢頭頂都有長毛...
DR.MA都比我睇左佢D牙 好白好健康

之後就比我簽生死狀 叫我電話一定要長開 手術12點左右開始 到4~5點可以接佢
12點左右收到姑娘電話
話佢係手術期間因為麻醉藥令到心跳減慢及呼吸減慢 終止手術
打左幾支急救起伏針
問我抽唔抽血睇咩事
而家佢已經慢慢醒緊
叫我2點半黎睇佢

2點半番到黎...DR.MA叫我入手術室睇佢
仲話佢手術個陣個肚紫色 開左個寵比我睇佢話佢食左藥仲有幾支草粉
佢右耳包住左吊緊盬水 我摸摸佢 MA叫我過去睇報告
粒粒知我要走立即想起身追我 但冇力趺番係到
個刻好心痛

佢同我講左粒粒佢有貧血既問題 仲有肝有少少受損
可能因為佢太瘦
我個陣嚇左一嚇...佢咁大隻都叫做瘦...個刻更心痛 我好少比糧佢食 佢正係食草多(ORCHARD GRASS)
已經想轉番TIMOTHY
話佢而家咁既情況唔適合出院 短期內都唔會做到手術
如果夾硬做發生咩危險 我唔開心 粒粒唔開心 DR.MA自己都唔開心
聽到呢到已經好想喊
佢靜左比我控制自己情緒
叫我5點左右黎接佢

大約6點黎到(因為兔媽係旺角行番去...行到太攰遲左)
一拎到佢打開個盒 粒粒跳出黎攬實我 我唔識反應 知佢真係好驚
姑娘叫我入去救我餵佢草粉

佢食唔食野都要餵...
教我個陣粒粒含住唔咬
姑娘話佢又蝦媽咪 唔望住佢又食
手術失敗 一星期後番去睇傷口 其實唔洗BOOK?
後補回家小記

番到屋企已經7點幾.因為同兔爸去買新鮮菜同佢餵第一次藥同草粉
藥都冇咩問題佢食 草粉就唔知佢有冇吞...都搞左好耐
最後比左幾支就放佢入籠觀察
佢食幾下菜就趴係到訓...有幾次仲咬住條菜訓左...
心up得好緊要 如果我一早搵到part-time幫你抽到血知道你有貧血同塞肥你 就唔會有今次件事發生

Day-2
琴晚太攰好早就訓左
一起身媽同我講...佢d菜都係朝早先食
想即塞佢食草粉但兔媽可能琴日太操勞(粒粒既病同兔媽一樣...)...未食早餐就捉佢覺好暈...11點搞掂自己先搞佢
第一次用針筒佢都係唔食 今次仲想走
最後餵完其他唔洗飽肚食既藥後洗新菜比佢食左先
1點鐘:試用匙餵 成功!

晚上餵藥 方便左好多 佢都唔洗成口濕哂怕發炎
已經識問我拎野食
聽日要番工...聽日先開始驚

Day-3

今日都係用匙餵佢草粉 但永遠佢都係最後一淡唔食
今日肉緊左...用手捉住佢塞佢食
結果搞到佢發哂脾氣
用開草粉個碗沖水比佢飲...佢一見到就一腳踢反左佢....
仲有少少時間番工 落街買麥米種比佢食
http://mao4.com/?p=776
後補單同報告
唔太識睇


單....呢到係我打工十日既錢黎...女你生性啦...廿號之後唔知有冇錢養你喇

希望粒粒快D好返啦    粒粒真係好癡你呢,..  唔似得我2個女咁曳囧

其實如果兔仔唔食糧   你要每日都比3種唔同既菜菜佢食..  先有返糧既營養
就好似大個D既BB仔唔靜係要食奶粉  要食其他營養品

粒粒幾多歲?_?      

希望粒粒快D好返

我初初見到你個title寫住絕育失敗
個心即刻沉左沉
好彩俾我見到粒粒仲係到
希望粒粒快d好返
食到好似我mo仔咁肥肥白白
唔好令你媽咪擔心

兔兔如果5食糧, 每日一定要比3種5同既蔬菜, 仲要5可以日日相同, 否則好易引起營養失衡同欠缺維生素, 兔兔身體欠缺維生素同營養會有問題, 例如 :

欠缺維生素A, C, E好易有白內障同眼科問題

欠缺維生素B容易有肝腎問題

仲有好多好多..............

單純食草, 未能提供比兔兔身體所需, 會有營養不良問題, 亦會有貧血出現

兔兔係咪肥瘦同佢體型大細無關, 係受佢本身既骨架影響

好好照顧粒粒

好彩粒粒無事咋，嚇死啦
2.5 yrs old貓貓混賓尼，兩磅都唔夠？！定係2kg ar？
咁輕醫生都俾佢做手術？
你要快啲俾返timothy佢食呀，如果唔俾糧就要俾菜
佢肝有事咁有無話要食返d咩架？
希望粒粒快d康復，肥肥白白健健康康

我正係睇到1.97...應該係kg
因為由細到大佢都係摩打口...比乜佢都食哂先算 怕佢食滯所以唔太成日比糧佢 菜就有
仲有周圍個個話佢大...連petzxx都因為佢太大隻剪毛要加錢
平時我比好多菜佢..
最後竟然衰係佢重量個到...

而家餵佢草粉 唔知佢係含住定食左...

比較想知既係 如果佢真係天生貧血 長比orchard grass有冇問題?

Hazel)) 發表於 2012-7-15 07:12 PM
比較想知既係 如果佢真係天生貧血 長比orchard grass有冇問題?

醫生話佢天生貧血?

同埋你點解5比T草?

可能天生 都可能因為肝令到貧血 肝有事可能因為食左有問題既菜或者其他原因(我餵既有洗乾淨.如果係一定要有機先冇害既我無話可說)
呢樣佢check唔到 佢話唔關我唔餵糧事

唔比T草係因為佢完全唔肯食莖...比一架佢佢食3份一都冇...絕食一日都唔食
而且出事前醫生話OHCHARD GRASS係因為糖份高 所以叫我盡量轉番
但粒粒而家係貧血...

Hazel)) 發表於 2012-7-15 07:08 PM
我正係睇到1.97...應該係kg
因為由細到大佢都係摩打口...比乜佢都食哂先算 怕佢食滯所以唔太成日比糧佢 菜 ...

Dr ma度個磅係kg ga
糧你可以俾某個份量佢食架嘛~ 唔使無限量架
你餵草粉時佢有無吞？無理由會含住架？

姑娘救個陣佢含住唔吞
我睇唔到佢有冇吞左同埋之前睇到話有新鮮菜就介糧冇問題...

Hazel)) 發表於 2012-7-15 07:25 PM
可能天生 都可能因為肝令到貧血 肝有事可能因為食左有問題既菜或者其他原因(我餵既有洗乾淨.如果係一定要有 ...

兔兔如果有肝腎問題好多時都會有貧血, 無話一定要比有機

兔兔有你何病都係由好多方面做成, 絕對5會因為某一方面而引致

干糧你可以比一個規定既份量, 簡單黎講, 你可以每日比一至兩湯匙

如按你所說, 佢禁大只 1.97公斤, 都真係5算重

T草佢5食枝莖, 你嘗試過幾多只牌子?  全部牌子都5食?

因為每種菜昨當中既維生素係比較單一, 所以要比5同類別既菜先可以維持兔兔身體所需, 簡單黎講,

今日比菜心, 油麥菜, 生菜
聽日就比另外3種

種類以多變化為好

Hazel)) 發表於 2012-7-15 07:30 PM
姑娘救個陣佢含住唔吞
我睇唔到佢有冇吞左同埋之前睇到話有新鮮菜就介糧冇問題...
...

有肝病既兔兔你可以比蕃茄佢食, 但一定要買整個蕃茄熟透紅色, 帶青既蕃茄同頂部綠色蒂部份都5好比兔兔食, 因為含毒性兔兔5食得

你可以一星期比2-3次, 每次份量將半個左右

有貧血既兔兔你可以比燈籠椒 (甜椒)佢食, 對貧血有療效,
一星期可以比2次, 每次大約1/2個左右

間中可以比2CM長度既芹菜, 有補血作用

另蟲草, 五色靈芝, 雲芝對有肝病既兔兔好好, 可以每日比1/2粒膠囊份量佢地食