兔bb問題 (已出世第10日)

8月24日凌晨,家中母兔生咗6隻兔BB。
25日早上發現母兔唔肯餵奶 同照顧兔BB。
即日改用代奶餵養兔BB,但未能成功。
緊急關頭決定抱住母兔,比兔BB瞓喺母兔身上食奶。
每日朝早9~12點餵一次,下午5~6點或到凌晨3~5餵一次,
可能會問點解會係咁既時間,因為本身自己工作問題, 我夜晚工作時間係19:00~第二日朝早08:00
佢地既出世,已經令到我每日休息時間大概係得返2~4個鐘。

另外上網所搵到既資料,兔媽平時要做既我宜家一手包辦咗,包括比兔bb噴尿。

第5日

第8日

今日已經係9月2日,剛剛好10日,6隻兔BB依然健在。
4隻明顯出左好多毛~ 1隻可能比較上少毛~ 1隻比較廋。
但奇怪既係,6隻都未開眼...? 我開始有D擔心, 因為我上網搵過好多好多文獻, 都係話兔BB會係6~10日開眼。

6隻之中,有1隻我比較擔心(下圖), 因為真係好廋, 行動上都比其他5隻較差~ 但食,瞓,ALL,都係正常
請問有經驗既朋友,我有乜野可以幫到佢地? 我想每一隻都健健康康。


其餘5隻~
(同比較廋既果隻毛色近似)


(哩兩隻似兔爸爸 ^_^)


(哩兩隻似兔媽媽^_^)




另外想喺度先聲明立場...哩個並唔係領養post , 都唔係賣兔post。

兔bb既野我都5識a

唯一做到就係祝福6位兔b都身體健康

E度好多勁人，一定比到意見你
特別係果位all_loving_it，佢無所不知^_^ 不過佢而家應該好忙，你等等啦

差d唔記得，祝六隻兔b都身體健康，快高長大，聽教聽話

我人手餵既10只bb未夠10只已經開左眼

你而家6只兔bb有幾重?   系咩兔?

兔媽媽你點同佢補充營養?  兔媽媽係咪有足夠奶水?  你有無確保兔bb每日都有食夠奶?

兔媽媽生完要照顧bb, 你有得訓2-4個鐘已經好幸福

可以就敢將兔bb訓係母兔身上食奶己經謝天謝地

我其中有4只兔bb人手照顧連奶都吾肯食, 我係用棉簽繼少繼少將代乳濕落佢咀仔, 慢慢等佢流入個口等佢食, 所以你話你係咪已經好幸福

你只兔兔係點懷孕?

all_loving_it 發表於 2012-9-2 03:15 PM
我人手餵既10只bb未夠10只已經開左眼

你而家6只兔bb有幾重?   系咩兔?

最廋果隻得23g~
其餘果5隻平衡28~35左右
公兔係獅子兔 ,母兔係侏儒+獅子。
宜家比緊苜宿草,兔食既麥片,新鮮菜母兔食多~
奶水還可以,因為每次餵都係等bb食到唔食,瞓係母兔隔離或者兔bb食完自己行開為止。
而且食之前個肚同食飽左好大分別啦~
2~4個鐘可以話好幸福,自己知自己事啦~haha , 工種問題~真係好攰下~
宜家多數都係比母兔平時瞓喺度等佢定左再放bb埋去食奶。因為之前抱住母兔比兔bb瞓上去食,
兔bb食奶果d比較手舞足蹈,搞到母兔心口有少少甩皮。
我買左代奶,佢地6隻都唔食。我都試過用你既方法餵代奶,但係佢地唔食。
同時我知道餵代奶風險好大,所以我寧願要既母兔餵佢地。就算佢唔願意,我宜家都哄到佢肯為止先餵。
點懷孕...?話說我不嬲都分開籠養, 我都係見母兔反應有問題開始我先知佢有咗,
問開先知原來我媽子放過隻公兔同母兔出黎一齊玩 . . .咁就中左招了...

同埋我公兔宜家先一歲零2個月
隻母兔宜家先8個月
第一次就生6隻...
我真係好擔心特別廋果隻兔bb= ="

mankaz 發表於 2012-9-2 04:01 PM
最廋果隻得23g~
其餘果5隻平衡28~35左右
公兔係獅子兔 ,母兔係侏儒+獅子。

吾好比麥片兔兔食, 對佢地腸胃好吾好, 因為麥片含有大量蛋白質, 碳水合化物, 而碳水化合物經過腸胃消化過程會轉化為糖份

要補充營養可以比幼兔糧, A草, 大量牧草, 新鮮蔬菜, 亦可以比覆盆子, 益母草調補身體

2至4個鐘係好幸福, 亦可以就敢將BB放上兔媽媽餵係好好架, 我既兔BB係無辦法可以敢做, 因為媽媽係極力反抗, 而且會一腳推走BB, 反正你未必會明白實際個情況, 用棉簽餵當然係難餵啦, 吾系一餵就食, 一只我係用一個鐘先餵完1只

另外, 兔BB一日未開眼同可以自己食野既時候, 你吾可以就敢直接用手抱起佢地, 你要先帶手套然後再去摸兔媽媽先可以接觸BB, 你敢樣去抱BB, 因為有你既氣味, 媽媽係抗拒, 吾好彩仲會咬死BB

雖然我唔係好識...
但祝福你6隻兔寶寶都健康成長~~平平安安

要健健康康快高長大啊

今日第17日了~
6隻都已經開眼~6隻都大得好快~
不過今朝見到有一隻...唔知點解個頭側埋左一邊~行路跑步都企唔穩~
唔知係咪因為佢地瞓教壓住佢太耐所以搞到咁樣......
因為尋晚睇過佢地隻隻都係冇問題~
宜家隔離觀察中~

BB們快高長大a

我朋友都生左4隻兔b..今日第6日

mankaz 發表於 2012-9-9 11:05 AM
今日第17日了~
6隻都已經開眼~6隻都大得好快~
不過今朝見到有一隻...唔知點解個頭側埋左一邊~行路 ...

可能係側頭症，我朋友有隻兔bb都係咁，希望你快啲帶佢睇dr.,另外記得同兔媽保身呀!^^

祝你6隻兔寶寶都健健康康成長

貓仔兔 發表於 2012-9-9 03:13 PM
可能係側頭症，我朋友有隻兔bb都係咁，希望你快啲帶佢睇dr.,另外記得同兔媽保身呀!^^ ...

有得醫嗎？？？