我隻兔仔死左.呢間野延誤我時間,請大家為我地講句公道說話

我隻兔仔死左.就係呢間野延誤我時間,請大家為我地講句公道說話
我都知件事比較長,請求大家耐心睇完><

兔仔名叫"肥仔",今年6歲,係一隻獅子兔,性格非常乖巧,肯比人抱!
佢既生活習慣比其他兔仔特別,由於佢好細個既時候,跌親撞倒兩隻門牙,所以之後生番出黎都食唔倒草,
只食oxbow兔糧及油麥菜,同埋佢每日會飲600ml水或以上!

25/08/13(星期日) 下午4:10左右,我突然發現肥仔身體發軟,不能自行站穩,我抱佢出籠外,佢既表情非常難受,
我當時覺得佢情況好不妙,好似就黎死咁,為左爭取時間,所以我無得選擇一直睇開既dr ma...因為dr ma果度太遠,我驚趕唔切...
所以我即刻上網搵,然後打電話去附近離我身處距離450米左右既"新蒲崗動物醫院", 對話如下:

我第一句問: 你地識唔識醫兔仔?
醫院: 識呀,你隻兔仔做咩事?
我: 佢...唔知做咩..好似就黎死咁,企唔倒..我都唔知做咩..
醫院: 咁你依家帶佢過黎!

我一落樓,即刻跑,一秒都唔敢停...
一去到醫院,原來佢地今日岩岩開張,每個人都好開心,開緊大食會....
我即刻將寵物袋遞比佢地,佢地拎左肥仔入醫生房,之後叫我填左資料先,
填完之後,叫埋我入醫生房,入面有兩位獸醫,一位護士!

獸醫第一句就話佢脫水,就唔知幫佢打咩針,然後護士幫佢磅重,探熱,話佢體溫過低,就搵風筒吹佢,
之後問我基本資料..
獸醫: [佢係幾時開始有呢個情況?]
我: [係今日先開始,尋日都無事嫁]

我跟住就話比佢地知肥仔睇開dr ma,同佢地講可以打去問病歷,
佢地即時反應: [邊個係dr ma 呀?]
我: [下,dr ma wor...]
3人你眼望我眼: [唔知wor]
我: [咪就係醫兔仔最出名果個醫生]
可能我就係最尾果句得罪左佢...之後佢處處質疑我...

獸醫: [佢有食野?]
我: [有呀,佢尋晚都好正常,跳黎跳去,食左好多野]
獸醫(摸肥仔個肚同附近): [我都摸唔倒佢個肚有野,咩都無嫁渦]
我: [無理由格,我尋晚先比左好大兜野佢食]
獸醫: [你見住佢食牙?]  我話係~
獸醫: [佢咁瘦,係營養不良渦]
我: [下,無理由嫁,因為佢食唔倒草,所以佢d糧係無限量加嫁,一無就加嫁喇..]
獸醫: [總之我依家摸就係咩都無]

跟住佢地問我咁打唔打算去dr ma.度睇,(我見佢地咩都做唔倒,又不斷質疑我,我就話會一陣去),
咁佢地就叫我打電話,話唔係即時有得比我睇,要book(由此可見,證明佢地根本判斷唔倒原來肥仔已經好嚴重)
跟住我即刻打去dr ma度,講左基本情況,但因為要問九龍動物醫院攞病歷,所以等護士覆電話!!

之後我都係覺得無理由所以就問另外一個態度比較好既獸醫
我: [點解佢會營養不良嫁,真係唔會嫁渦,佢平時食好多野嫁,點解會咁?]
獸醫b: [可能係佢d牙唔好,無咬碎d糧就成粒吞,所以吸收唔倒入面既營養]
獸醫(摸肥仔隻腳): [佢d肌肉都菨縮哂,佢係今日先係咁?有無跌過呀?]
我話: [係今日先係咁,佢尋晚都無事,跳黎跳去嫁,從來無跌過]
獸醫: [同埋佢依家都脫哂水]
我: [其實真係無理由,因為佢每日都起碼飲600ml水]
獸醫: [下,600ml?咁我唔知啦,你自己睇]

當時個獸醫就不斷圍繞呢d好質疑我既問題..但當時我咩都無得揀,只可以選擇等待....
途中,獸醫話佢個肚咩都無,d腸唔可以停,就係咁塞草粉比肥仔食...
又等待...
跟住佢地再幫肥仔探多次熱之後就話我可以番去,咁我就問,
我: [咁肥仔依家情況係點?]
獸醫: [依家就可以帶佢番屋企,維持佢既體溫,餵藥佢食] (佢地咁樣講,完全令我覺得肥仔係唔會死...)

跟住呢個時候dr ma護士打番比我,護士已經話可以即刻過去...咁我就覆話我系呢間醫院走就可以即刻過去!!
收線後,
獸醫: [有無位比你睇?]
我: [有呀,我依家即刻過去]
獸醫: [好,咁你去dr ma度我就唔洗開咁多藥比你,開草粉呀益生菌比你啦]
我: [好,唔該哂]
*** 獸醫: [咁就好啦,反正呢個唔係我既專業,你去搵番dr ma(意思是,醫治兔仔並唔係我的專業)]
*** 獸醫: [同埋其實我地呢度無咩設備醫兔仔] (我當時聽倒呢句果陣,我成個心情真係崩潰,但我都無出聲,淨係想快d走,去dr ma度)

跟住我就好無奈咁出去等攞藥...係咁等,係咁等,等左成15分鐘,
到我問: [究竟我仲要等咩?]
之後就有護士攞左包草粉,一枝益生菌同針筒比我,同我講針筒幫我磨過...
(再第二次證明佢地根本唔識醫兔仔,如果佢地係知道肥仔咁嚴重就唔會要我等成15min,完全浪費哂肥仔既黃金時間)

攞完藥比完錢,我即刻衝出門口搭的士,系途中,我一直摸住肥仔叫佢加油...
差唔多落車,佢撐左幾腳....抖左幾啖氣就無左氣息......我D眼淚已經忍唔住....但我係咁按佢同佢講野,
一落車我即刻衝入診所,同護士講我頭先已經打過黎,但肥仔唔知係咪死左.....
護士睇一睇,即刻大叫dr ma,然後衝左入手術室,
一路做一路同我講,吊鹽水....打強心針.....心肺復甦......
5分鐘左右,dr ma同我講肥仔已經離開左我地...我當時係咁喊係咁喊,但都不忘點解肥仔搞成咁,
冷靜左,我即刻同dr ma講頭先系果間醫院發生既事,以下重點寫出dr ma既診斷:
1)佢既身型係屬於正常,並唔係過瘦
2)佢個肚同附近位置有野食,有糞便,並唔係咩都無

咁跟住我問dr ma如果係佢遇到咁既情況佢仲會點做?
佢話首先會吊鹽水,呢個係一個好好既方法...

我就知道之前果個獸醫根本係唔識醫兔仔,連吊鹽水咁基本既方法佢都唔識做....
我十分懷疑呢個醫生根本對醫治兔仔係零經驗!!!!

同dr ma傾左10分鐘左右,我愈唸愈嬲,即刻出門口打番去新蒲崗動物醫院,
我同佢講我搭的士方途中肥仔已經死左,就係因為佢地根本無經驗醫兔仔,但為左賺錢又要同我講識醫,
我要佢地比一個合理交代我,同埋我話七百幾蚊張單我唔會比,又唔識醫,拖延肥仔既時間,搞到佢最後死左,收錢係完全唔合理!!
我同佢地通話左45分鐘,其間總共有4個人不停辯駁,最後姓何既男負責人完全唔係一個對待客人既態度,不停話[呀小姐,xxx,呀小姐牙,xxx]
最後佢話26/8星期一醫院休息,咁我比左兩日時間佢,27/8星期二要覆我合理解釋同張單既情況,佢都承諾左!!

26/8星期一下午,無啦啦有個護士打比我話覆番我,話佢地已經開完會商討左,醫肥仔既過程會寫番張野寄比我,而肥仔唔係系醫院入面死,所以張單唔會退...
咁我就話草粉益生菌果d我全部無用無開,同埋就算係,你唔識醫又同我講識,最後就係因為你地拖我時間,搞到肥仔最後死左,仲有你地居然臨收錢先同我講
1)  呢個唔係我既專業 2)  其實我地呢度無咩設備醫兔仔     
講呢兩點就已經非常過份,任何主人都唔會接受,佢就同我講左一句"唔好意思"(亦已經証明連護士都覺得咁做係唔岩)
我話咁你收我錢點會合理??正常人都唔會接受!!!!
我依家就係等緊你地合理答覆同埋承認處理手法唔恰當,我同佢地講我已經寫緊信,如果再唔比一個合理解釋,我就會去獸醫管理局投訴!!!
跟住佢話會即日26/8覆番我電話,但直至依家我都未收倒任何電話....


直至現在,呢間醫院仲唔肯承應自己既過失,只有個護士為曾做過既事同說話講左句"唔好意思"....
到現時我睇番佢地既網頁,基本上無一個資訊係同兔仔有關.....

我已經一早打去問,已經話肥仔就黎死,最後就黎收錢先同我講無咩設備...................
我好後悔,好自責,點解我當時唔即刻搭的士去dr ma度....
我直至依家呢一刻都未接受倒肥仔已經離開左我,我d眼淚仍然不停流,不停流...
我系呢度請求大家用半分鐘時間share呢件事比你既朋友,等所有人都知呢間係一間極不負責任既醫院,還肥仔一個公道!!!

另徵意見,
1) 我應唔應該寫信去獸醫管理局投訴?勝算如何?
2) 我好唔好要佢地退張單?會唔會影響獸醫管理局既裁決?
定係裁決之後先要佢地退錢?獸醫管理局既律師會唔會幫我一把?
3) 我依家仲可以做d咩?

我只係一個普通既市民,一個小小既寵物主人,我一唸起肥仔,我d眼淚就不停滴落黎,我好辛苦......
我唔知可以點做,我懇求大家比意見幫下我,十分感激您地!!!

另外如果有人有經驗真係可以幫倒我又或者有義工可以陪倒我,麻煩你地打比我(再pm電話),我真係遲早抑鬱...我依家真係好需要有人幫我一把...求求您地幫下我,先感激大家既幫忙!!!!

我知呢度已經有好多兔爸兔媽睇左,有無人明白我依家既感受......?
有無人可以幫下我

唔好屈服.支持到底
投訴就一定.
當佢地所謂既獸醫比發現對醫治兔仔既認識係如此低既時候
再發現佢地走去診治兔仔
一定係醫療失當喇掛!!!
開左單已經證明左佢去醫兔仔啦 !
支持你呀!

我覺得做主人要諗定兔兔求生路線,香港真係唔太多人識醫兔兔,所以要平時好諗定,例如上兔協個網頁,佢地有晒識醫兔兔獸醫名、電話同地址

講番正題先,追討就要試下,可以打去獸醫管理局問下,希望佢地同你求個公道

肥仔RIP

我覺得你可以寫信去講你呢個情況  呢間咁既獸E簡直冇良啦  唔識又扮識  做得獸醫就要有醫德好明顯佢咩都冇  起碼要佢地俾個交代  唔係一聲兔仔唔係我地診所過生就算

回樓上,我身邊有朋友帶佢自已寵物去睇獸醫,但俾人拖証,所以真係唔好唔出聲

我睇到你同兔兔既遭遇，覺得好難過...希望你可以盡快平復心情...

若我是你我會盡快向獸醫管理局投訴肇事的獸醫，先不管結果如何，作為兔兔的主人我會盡量做我所能做的事，為狂死的兔兔作出申訴。結果若能令該獸醫或獸醫院受到處份當然好，若未能我也對得住在天之靈的兔兔。

另外，我建議你不妨嘗試訴之傳媒如：蘋果日報、壹週刊、東週刊等。若傳媒受理的話，它們會幫你向有關當局或專家查詢，而且通常在媒體壓力下，該獸醫院亦會作出較令人滿意的答覆。最重要的是，此舉能讓更多人知道該獸醫院的惡行。

投訴之路或許會很漫長，但為了你心愛的兔兔，千萬不要放棄，支持你！^^

這裡有獸醫管理局投訴的程序及表格下載：http://www.vsbhk.org.hk/chi/complaint.htm
加油！！

真的令人痛心，但你要堅強呀！
我地會支持你的！

剛找到幾份傳媒的投訴途徑，希望幫到你^^

蘋果日報：
Tel: 2929 0000
(另外亦可下載蘋果日報的app，裡面有"報料"的頁面，可留你的投訴事項、聯絡電話和email及上載有關照片，之後會有職員回覆你)

壹週刊：
Tel： 2990 8999
傳真： 2623 9547
電郵： [email protected]
WhatsApp： 6829 6543

我在網上找不到東週的電話，你可以買一本東週(或者去7-11揭一揭)，裡面有個投訴專欄，有投訴熱線和email的。^^

我仲以為無咩人會覆我,我好多謝好多謝你地
間無良醫院今日下午打左比我,  *佢地堅決唔道歉,唔退錢

其實我都無叫佢地賠償已經偷笑,既然佢地咁不負責任咁無良,我誓要告到底!!!!!
雖然我唔知途中既時間會有幾漫長,但為左我寶貝,我一定唔會放棄!!!!

另外想問一下大家,我本來都已經唸住向獸醫管理局投訴,
但如果我直接copy上面段野比佢地會唔會唔係咁好?定係要轉番做書面語?
麻煩哂大家

還肥仔一個公道 發表於 2013-8-29 12:59 AM
我仲以為無咩人會覆我,我好多謝好多謝你地
間無良醫院今日下午打左比我,  *佢地堅決唔道歉,唔退錢

唔可以私了
一定要公開
私底下解決只會令將來更多動物受害

還肥仔一個公道 發表於 2013-8-29 12:59 AM
我仲以為無咩人會覆我,我好多謝好多謝你地
間無良醫院今日下午打左比我,  *佢地堅決唔道歉,唔退錢

因為始終是正式的投訴，所以用書面語會較好。
另外若有任何有關的資料如：該診所發出的單據、藥物相片，dr. Ma發出的單據、兔兔死因資料(如有)，兔兔的死亡相片(如有)，兔兔死亡後你與該診所交涉之紀錄等等，最好也一併將<副本>(正本須你親身保存好)交予獸醫管理局，好讓當局能迅速了解事件。

各位兔友都會支持你的，加油啊！^^

支持樓主! 動物都值得尊重的, 唔識醫就一句叫樓主去搵其他獸醫醫算啦, 又拖又剩, 而家係害左條生命

令我諗返起阿仔俾維多利dr. gerry拖証, 唔知咩黎又話要問美國又剩, 錢又俾左, 但醫又醫唔好, 仲搞到眼仔淚管塞埋一世跟住佢, 諗起都心痛.....

樓主支持你告發佢地,好講真唔唔識醫兔仔就要講明,友睇開的獸醫,朋友話好好,所以叫朋友問問個獸醫睇唔睇兔兔,獸醫話唔識睇兔兔,人地獸醫都有講明啦,新蒲崗動物醫院真係好過份囉,明白樓主你唔係為要佢地賠錢,只係為公道,一於投訴佢地,亦支持你打去蘋果度,等唔好再有受害者受害.
太過傷心真係會有抑鬱,將你嘅傷痛轉為力量,去兔協做下義工,兔兔會幫你治療,我都係輕微有抑鬱症,你需要搵人傾可以搵我.

樓主唔好太傷心, 肥仔死了我好明白你既心情, 亦替你難過...
不過, 睇完你篇野, 我以局外人的身分來分析既話... 其實第一個獸醫一早已同你講肥仔缺水情況好嚴重... 而缺水情況嚴重的兔兔當然如 Dr. Ma 所講一定要即刻替牠吊鹽水... 所以, 會唔會係你堅持同他們講兔兔每日有飲 600 ml 水的原箇而導致咁?上文你話同個獸醫講你覺得肥仔冇理由缺水, 然後佢話:"咁我唔知嘞, 你自己睇!"... 之後你又如何回覆佢既然問題呢?當中是否仲發生左其他事而令佢地最後叫你去第二道睇? (題外話, 你有冇懷疑過會係屋企水樽留水? 因為如果肥仔是一般的獅子兔體型, 一天 600 ml 水似乎有點兒跨張! 特別是依你所講牠每日仲會食大量菜添... 當然, 都不能排除個別兔兔飲水特別多...)
第二, Dr. Ma 說肥仔肚有野食, 其實亦有可能完全是因為第一個獸醫他們不停餵草粉既原筒, 所以亦不能排除肥仔死因是腸停導致嚴重缺水...
我會建議你最好搵 Dr. Ma 做一做解剖, 查明肥仔真正的死因...
如果正如第一個獸醫說係因為缺水而死既, 你最多只能說他們冇替肥仔吊鹽水, 但不能說他們斷錯症, 咁告得入既機會會大大減低

最後，我想講既係，其實主人的一個決定有時候影響可以好深遠...
如果當初你真係認為情況咁嚴重的話，應直接搭的士去 Dr. Ma 那邊，而非去搵一間完全冇去過既醫院
身為兔兔既主人應該知道唔係每一間醫院都有醫生識睇兔兔
兔兔本身冇什麼特別事，去搵個唔熟悉既醫生做下普通 body check 冇所謂
但有咩特發事件絕對冇理由搵個完全冇去過既地方黎 take risk
即使佢地話識，你冇真正試過，亦冇朋友試過，喺緊急關頭都絕對不應該去試
其實你四點發現，到你最後去到 Dr. Ma 度，應該最少都一個多鐘啦
所以你話第一間醫院擔誤你最後十五分鐘比錢時間，其實遠比你自己擔誤的一個幾鐘少！
簡單啲講，情況就等於你送左一個撞左車，嚴重骨折，流血不止兼呼吸有困難既傷者去街邊診所，因為間診所就喺撞車對面馬路而且佢地同你講佢地識醫人類... 最後搞完一輪仲要等排隊比錢先 call 救護車去醫院一樣!