因為個位好出名的專欄醫生誤診!!我既兔兔離開左我

我既兔兔3歳幾就黎4歳，佢身體一直好健康除左2個月前發現佢生牙瘡但已經係
個個好出名既M醫生到做左手術!剝左佢4隻牙仔!

一直都相安無事，直到3星期前又發現佢牙瘡返發就即刻帶兔兔睇M醫生
未見M醫生前我一路好驚，驚佢又有好大機會要開刀做手術...
到睇完M醫生後，Dr話唔需要立刻做手術，開左一星期藥俾兔兔叫我觀察佢一個禮拜
咁我好開心啦因為放下心頭大石，希望佢唔駛開刀少D痛苦同suffer

好啦到左覆診個日即係10月20號
都未出發就已經發現兔兔隻右眼有膿，好可憐
咁即刻去M醫生到（我以為M醫生會安排即日同佢做手術因為我覺得佢好嚴重!!)
點知阿M醫生同兔兔打左5支針咩抗生素個D，同我講手術風險好高下好大機會會救唔到隻眼，就叫我帶兔兔先返屋企第2日返黎做手術!
咁我信佢啦好無奈咁帶兔兔返屋企
點知過左幾個中,兔兔隻眼就惡化，多左膿行路唔穩...
我好驚又好擔心,即刻打去M醫生診所問佢攞急症referral 啦
個姑娘竟然好冇禮貌咁同我如果我搵急症就一定要cancel我聽日手術既期!!
好無奈真係好無奈!!
最後我帶兔兔去左pets central睇
個獸醫第一時間同我講佢好嚴重點解咁遲先帶佢黎!
我O晒咀！跟著獸醫同我講依家唯一可以做就係幫佢抽左眼裏面D膿先因為可以做手術既醫生已經收晒工...最快要第二日
係冇得選擇既情況之下我唯有接受佢既建議
之後等左個幾中,可以去睇兔兔啦
但當我一見到佢時我當堂嚇到喊左出黎
佢有半隻眼足足半隻眼凸左出黎好紅好恐怖
獸醫手術做到一半要被迫中止，因為眼球後面有野迫緊隻眼出黎
又同我解釋張X光片,其實兔兔唔單止下面D牙發炎連上面D牙都發炎,亦因為咁先會令到D膿去隻佢隻眼到...

最後佢要留院觀察我亦係凌晨4點收到佢過身既消息...

其實我一開始就認為牙瘡返發點解唔盡快做手術！
要兔兔返屋企觀察一星期已經令到佢病情嚴重惡化！！
根本M醫生D手術期就full到爆點解佢從來唔refer我兔兔去其他診所！！！
由第一次覆診就冇同佢做詳細檢查，個時好可能上面D牙已經感染同發炎！
兔兔仲係好年輕佢病到咁都仲肯食野同飲水，佢好想可以活下去！

但願兔兔可以係彩虹橋開開心心咁生活！
忠告同建議各兔兔主人如果兔兔有病最好睇多個醫生！
出名既唔一定好！！！

Dallask 發表於 2013-11-1 01:08 PM
RIP
唔係想講風涼話，但其實兔兔經過2位醫生手，又喺pet central度做咗閉門手術，究竟死因係咩、當中有否涉 ...

我認同呢位兔友講既野

樓主會唔會兩邊獸醫都了解清楚晒先會好d? 一邊話唔需要做手術住, 但另一邊又話要做手術, 各有各原因, 同埋樓主知唔知做手術會唔會有d咩風險呢? 有冇事前了解清楚先做決定?

我都好希望樓主去了解清楚後, 會俾我地一個交代, 夠竟成件事係點, 結果又會係點

我目前只會體量兔主心情，故要將所有事情發生到現在，向"香港獸醫管理局:http://www.vsbhk.org.hk/chi/complaint.htm"作出投訴，所有有關的診所不單只是醫生並包括有關工作人員，都要接受調查。

我好了解兔主當時的心急情况，自已心愛的兔兔出事而且不是甩毛，吃少了草之類小問題，用時間去慢慢做所謂事前了解，邊個唔知做手術有風險，而我們從那了解清楚真實情况，當然唯一就是医生。我地唯一要信亦係医生，只要兔兔有事，就是第一時間跑去見医生，而醫生的advice亦等於你的decide.咁你會唔會為了所謂要 "事前了解清楚先做決定"而跑回家上網爬文? 要一個鐘? 半日? 甚至乎一個星期之後才有決定。你更無須向這裏任何人作交代，只要將結果公佈，然後還誰一個公道。。

billlo88 發表於 2013-11-1 03:36 PM
我好了解兔主當時的心急情况，自已心愛的兔兔出事而且不是甩毛，吃少了草之類小問題，用時間去慢慢做所謂事 ...

I don't have to report the result to anyone here. I'll do what I think its right, the Vet Board will investigate, check, discuss, analyse the whole case. Then they will come out with a professional judgment and decision regarding to this complaint.

Billo88: thank you so much for your understanding. You've said what I want to say!

Tulip 發表於 2013-11-1 03:47 PM
I don't have to report the result to anyone here. I'll do what I think its right, the Vet Board wi ...

你要安心和堅強面對往後一切啊。

billlo88 發表於 2013-11-1 03:36 PM
我好了解兔主當時的心急情况，自已心愛的兔兔出事而且不是甩毛，吃少了草之類小問題，用時間去慢慢做所謂事 ...

你好, 我講既野, 唔係想引起argue

我只係認同另一位兔友講既野
轉左醫生, 而手術當中既過程會唔會引致咩變化你又唔知
留院觀察既過程又會唔會因為手術唔成功而出現拼發症呢?

事前了解清楚, 當然係指手術呢樣野啦
跟據樓主講話m醫生講過風險好大, 會無左隻眼呢樣野, 已經有提出左俾樓主知個情況, 我唔知pxt central醫生有冇同樓主講個風險大唔大, 如果醫生同我講, 兔兔手術過程中有機會因為麻醉藥, 或有細菌感染,或拼發症會出現危險引致身亡,咁你會唔會俾兔兔去做?

另外, pxt central既醫生係咪識醫兔兔呢?有冇兔友知道?

所講既交代, 係指樓主投訴完, 希望會公開個結果, 都係俾大家之後睇到去思考同參考返個case.

你先問自己，你會唔會俾？兔仔有一線希望救活而你因為以上風險因素而放棄嗎？医生應該俾佢己經是佢最好訣定，我可以做只有相信。

billlo88 發表於 2013-11-1 06:07 PM
你先問自己，你會唔會俾？兔仔有一線希望救活而你因為以上風險因素而放棄嗎？医生應該俾佢己經是佢最好訣定 ...

其實單信任何一方嘅說法都唔公平，最公正嘅係交比有關當局，用佢哋嘅專業知識嚟定論，你喺度激動、同兔友爭論係無意義嘅。樓主嘅標題係某醫生誤診，誤診對醫生嚟講係好嚴重嘅指控，唔能夠單憑對樓主嘅sympathy就作出定論，兔友希望客觀看事亦好合理，你無需一一反駁，總之一切有待有關當局裁決

我之前已表達過 "我目前只會體量兔主心情，故要將所有事情發生到現在，向"香港獸醫管理局:http://www.vsbhk.org.hk/chi/complaint.htm"作出投訴，所有有關的診所不單只是醫生並包括有關工作人員，都要接受調查。"
但對於"事前了解清楚先做決定"之類風涼話(佢話唔係),但對我而言極之反感.

首先要講句RIP先，希望小兔兔係彩會快樂！
不過我都想講句，pxt central係唔識醫兔架！大家嘅兔兔如果有咩事都唔好去囉！十隻有九隻都係入面長眠

兔兔RIP>.<希望樓主都能早日平伏心情@@

我覺得交由獸醫公會調查亦未嘗不可，因為我地始終無醫兔既專業知識，好難判斷究竟有關獸醫做得o岩唔o岩。由公會既專業人員調查就最公正。

我隻兔兔都幫襯過M醫生幾次，就算閒日都好多客，多數都係帶貓貓同兔兔去睇病。醫生真係case接case無停過。可能多客既關係，醫生講完兔兔既問題同治理方法就擰轉面入資料落電腦...搞到我仲有d兔兔既問題(平時護養果d)都唔好意思問...但我見過唔少blog友抱住兔兔同M醫生影相post上網，可能佢地去果時醫生無咁忙吧.....

其實香港識醫兔兔既獸醫唔多，而識講廣東話既更少....所以都無乜選擇=.="

billlo88 發表於 2013-11-1 10:20 PM
我之前已表達過 "我目前只會體量兔主心情，故要將所有事情發生到現在，向"香港獸醫管理局:http://www.vsbhk ...

你當然可以感情用事，"只"體會兔主心情，但你唔能夠反過來話人哋客觀理性分析唔啱，如果唔同兔主企埋同一陣線大罵獸醫就係"講風涼話"。係咁的話香港唔洗有法庭啦，未審先判，一定係受害人啱晒

Dallask 發表於 2013-11-2 01:10 AM
你當然可以感情用事，"只"體會兔主心情，但你唔能夠反過來話人哋客觀理性分析唔啱，如果唔同兔主企埋同一 ...

你有冇攪錯,由頭到我無講過獸医講風涼話,而家係你屈我,你快啲由頭到尾再小心看一次,你跟本更失去理智去評撃我.你呢種先叫做理性呀,我真係大開眼界.

Dallask 發表於 2013-11-2 01:10 AM
你當然可以感情用事，"只"體會兔主心情，但你唔能夠反過來話人哋客觀理性分析唔啱，如果唔同兔主企埋同一 ...

由頭到尾我同樓主無大罵獸医講風涼話,你而家同含血噴人有乜分別,你腦海內已自建構你個人圖像,將我們填入你想像畫面內.

Dallask 發表於 2013-11-2 01:10 AM
你當然可以感情用事，"只"體會兔主心情，但你唔能夠反過來話人哋客觀理性分析唔啱，如果唔同兔主企埋同一 ...

由這一刻開始,你呢種人唔值得我再作回應,你可以繼續對我作任何評撃,但唔可以屈樓主.