因為個位好出名的專欄醫生誤診!!我既兔兔離開左我

我既兔兔3歳幾就黎4歳，佢身體一直好健康除左2個月前發現佢生牙瘡但已經係
個個好出名既M醫生到做左手術!剝左佢4隻牙仔!

一直都相安無事，直到3星期前又發現佢牙瘡返發就即刻帶兔兔睇M醫生
未見M醫生前我一路好驚，驚佢又有好大機會要開刀做手術...
到睇完M醫生後，Dr話唔需要立刻做手術，開左一星期藥俾兔兔叫我觀察佢一個禮拜
咁我好開心啦因為放下心頭大石，希望佢唔駛開刀少D痛苦同suffer

好啦到左覆診個日即係10月20號
都未出發就已經發現兔兔隻右眼有膿，好可憐
咁即刻去M醫生到（我以為M醫生會安排即日同佢做手術因為我覺得佢好嚴重!!)
點知阿M醫生同兔兔打左5支針咩抗生素個D，同我講手術風險好高下好大機會會救唔到隻眼，就叫我帶兔兔先返屋企第2日返黎做手術!
咁我信佢啦好無奈咁帶兔兔返屋企
點知過左幾個中,兔兔隻眼就惡化，多左膿行路唔穩...
我好驚又好擔心,即刻打去M醫生診所問佢攞急症referral 啦
個姑娘竟然好冇禮貌咁同我如果我搵急症就一定要cancel我聽日手術既期!!
好無奈真係好無奈!!
最後我帶兔兔去左pets central睇
個獸醫第一時間同我講佢好嚴重點解咁遲先帶佢黎!
我O晒咀！跟著獸醫同我講依家唯一可以做就係幫佢抽左眼裏面D膿先因為可以做手術既醫生已經收晒工...最快要第二日
係冇得選擇既情況之下我唯有接受佢既建議
之後等左個幾中,可以去睇兔兔啦
但當我一見到佢時我當堂嚇到喊左出黎
佢有半隻眼足足半隻眼凸左出黎好紅好恐怖
獸醫手術做到一半要被迫中止，因為眼球後面有野迫緊隻眼出黎
又同我解釋張X光片,其實兔兔唔單止下面D牙發炎連上面D牙都發炎,亦因為咁先會令到D膿去隻佢隻眼到...

最後佢要留院觀察我亦係凌晨4點收到佢過身既消息...

其實我一開始就認為牙瘡返發點解唔盡快做手術！
要兔兔返屋企觀察一星期已經令到佢病情嚴重惡化！！
根本M醫生D手術期就full到爆點解佢從來唔refer我兔兔去其他診所！！！
由第一次覆診就冇同佢做詳細檢查，個時好可能上面D牙已經感染同發炎！
兔兔仲係好年輕佢病到咁都仲肯食野同飲水，佢好想可以活下去！

但願兔兔可以係彩虹橋開開心心咁生活！
忠告同建議各兔兔主人如果兔兔有病最好睇多個醫生！
出名既唔一定好！！！

Hello,各位兔友，通常一見到這些問題，當然兔兔不在，都很傷心，而所見到醫療的問題也十分常見亦會搞得很不快！我想說的是每位獸醫也有一套冶療方法，他們亦有高手低手，除了兔兔能否醫冶外，醫生與兔父母之間的信任很重要，醫生所講的任何判症，大家都唔會識，識就唔駛睇醫生，而信任唔係一朝一夕，靠平時小病時，甚至bodycheck時去溝通，係，呢個醫生出名，但令兔父母唔舒服，即得不到信任，佢無論做什麽都會懷疑，如果一位你信任的醫生最後都係救唔返兔兔，因為你信任佢，你會心服囗服，而就算投訴，真的會有結果嗎？佢地不凊楚兔兔病況，當時情況，會中肯嗎？對我來說，投訴只是給發洩。在此與其他兔友共勉，我覺得兔兔病，大多數都是人為照顧疏忽，包括我自己，因為手術後，疏忽了天氣温度，兔兔手術後體質較弱而患了好難斷尾的上呼吸道感染。還有醫生是人，不是神。

我之前的兔子都是下巴生瘡，找了個出名的西人H醫生，我還接受醫生的建議用最好的藥，順便給兔子body check,他說牠好健康食了葯便好，食了葯瘡是收細了，但不久牠更突然走埋!
所以到現在我都不知道是什麼問題！