因為個位好出名的專欄醫生誤診!!我既兔兔離開左我

我既兔兔3歳幾就黎4歳，佢身體一直好健康除左2個月前發現佢生牙瘡但已經係
個個好出名既M醫生到做左手術!剝左佢4隻牙仔!

一直都相安無事，直到3星期前又發現佢牙瘡返發就即刻帶兔兔睇M醫生
未見M醫生前我一路好驚，驚佢又有好大機會要開刀做手術...
到睇完M醫生後，Dr話唔需要立刻做手術，開左一星期藥俾兔兔叫我觀察佢一個禮拜
咁我好開心啦因為放下心頭大石，希望佢唔駛開刀少D痛苦同suffer

好啦到左覆診個日即係10月20號
都未出發就已經發現兔兔隻右眼有膿，好可憐
咁即刻去M醫生到（我以為M醫生會安排即日同佢做手術因為我覺得佢好嚴重!!)
點知阿M醫生同兔兔打左5支針咩抗生素個D，同我講手術風險好高下好大機會會救唔到隻眼，就叫我帶兔兔先返屋企第2日返黎做手術!
咁我信佢啦好無奈咁帶兔兔返屋企
點知過左幾個中,兔兔隻眼就惡化，多左膿行路唔穩...
我好驚又好擔心,即刻打去M醫生診所問佢攞急症referral 啦
個姑娘竟然好冇禮貌咁同我如果我搵急症就一定要cancel我聽日手術既期!!
好無奈真係好無奈!!
最後我帶兔兔去左pets central睇
個獸醫第一時間同我講佢好嚴重點解咁遲先帶佢黎!
我O晒咀！跟著獸醫同我講依家唯一可以做就係幫佢抽左眼裏面D膿先因為可以做手術既醫生已經收晒工...最快要第二日
係冇得選擇既情況之下我唯有接受佢既建議
之後等左個幾中,可以去睇兔兔啦
但當我一見到佢時我當堂嚇到喊左出黎
佢有半隻眼足足半隻眼凸左出黎好紅好恐怖
獸醫手術做到一半要被迫中止，因為眼球後面有野迫緊隻眼出黎
又同我解釋張X光片,其實兔兔唔單止下面D牙發炎連上面D牙都發炎,亦因為咁先會令到D膿去隻佢隻眼到...

最後佢要留院觀察我亦係凌晨4點收到佢過身既消息...

其實我一開始就認為牙瘡返發點解唔盡快做手術！
要兔兔返屋企觀察一星期已經令到佢病情嚴重惡化！！
根本M醫生D手術期就full到爆點解佢從來唔refer我兔兔去其他診所！！！
由第一次覆診就冇同佢做詳細檢查，個時好可能上面D牙已經感染同發炎！
兔兔仲係好年輕佢病到咁都仲肯食野同飲水，佢好想可以活下去！

但願兔兔可以係彩虹橋開開心心咁生活！
忠告同建議各兔兔主人如果兔兔有病最好睇多個醫生！
出名既唔一定好！！！

billlo88 發表於 2013-11-2 03:23 AM
你有冇攪錯,由頭到我無講過獸医講風涼話,而家係你屈我,你快啲由頭到尾再小心看一次,你跟本更失去理智去評 ...

呃，麻煩你睇多次你24樓個留言好嗎？係你先指兔友講風涼話嘅。而且由始至終大家都係理性討論，邊有針對你個人或樓主？請唔好resort to人身攻擊，亦請保持冷靜，謝謝

真係頂你唔順,之前明明話我和樓主罵獸医,現在就話我罵兔友,你講過乜野你無洒記憶.只有你還在人身攻撃,我只不同意其他兔友的看法.你真係不知所為.

#24:係我唔同意#21的說法,你說她是獸医嗎？

billlo88 發表於 2013-11-2 09:46 AM
#24:係我唔同意#21的說法,你說她是獸医嗎？

#24 "...之類嘅風涼話(佢話唔係)"
我並無對你作出任何人身攻擊，你覺得有嘅話請你明確指出係邊一句。由始至終只有你話我失去理智、不知所"謂"，又稱呼我為"你呢種人"

Dallask 發表於 2013-11-1 01:08 PM
RIP
唔係想講風涼話，但其實兔兔經過2位醫生手，又喺pet central度做咗閉門手術，究竟死因係咩、當中有否涉 ...

究竟邊一個講風涼話唔該自己睇清楚！
由始至終我無公開個位專欄醫生係邊個，係你自己對號入座！
從頭到尾我只係勸各位兔友當發現自己兔兔有問題時可以睇多個醫生！

至於個位"專欄醫生"有冇negligence,你自行判斷！我冇可能阻止你諗乜
我認為佢有，去vet board file complain亦冇問題亦都唔駛同大家交待。

你咁客觀既話，你試下企係我角度諗下先啦！唔該！

billlo88 發表於 2013-11-2 09:43 AM
真係頂你唔順,之前明明話我和樓主罵獸医,現在就話我罵兔友,你講過乜野你無洒記憶.只有你還在人身攻撃,我只 ...

好多謝你體諒我的心情！

你都唔需要為個D fans勞氣，再講落去都冇意思...

Tulip 發表於 2013-11-2 03:20 PM
好多謝你體諒我的心情！

你都唔需要為個D fans勞氣，再講落去都冇意思... ...

多謝你..堅强点

我無睇過DR.MA
只係睇過DR.BETTY (已無做)
我地做得兔媽 就緊係想自己既仔女可以長命
正所謂[養兒一百歲 長憂九十九].

今次我諗都係例外
我相信DR.MA有咁樣口碑[醫德]都唔會差得去邊既
其實你可以去驗屍 就會知咩原因而咁..
當然我唔希望咁做 :0(

billlo88 發表於 2013-11-1 10:20 PM
我之前已表達過 "我目前只會體量兔主心情，故要將所有事情發生到現在，向"香港獸醫管理局:http://www.vsbhk ...

"同埋樓主知唔知做手術會唔會有d咩風險呢? 有冇事前了解清楚先做決定?"
唔好意思, 我嗰句係咁樣既, 我再覆已經講到明係"手術前"!

其實我都係想客觀去講, 但billlo88你既言語有點過激
我好明白樓主而家既兔兔離去係好傷心好痛心, 相信好多睇左呢個post都想知道, 係咪真係存在住樓主講既"個位好出名既專欄醫生誤診"
香港識醫兔既真係好少, 我都唔希望我既兔兔有事上黎, 真係搵唔到個值得信賴既獸醫, 但唔可以單憑樓主所講既就去話m醫生有問題, 所以先話希望樓主到最後有咩結果都好, 都post返上黎俾其他兔友知道

最後我想講既係, 如果獸醫咁同我講, 話風險好大, 我諗我未必會做手術, 我唔想兔兔咁痛苦, 又唔知兔兔會唔會喺手術途中因為咩事而離開我

希望你都留意, 樓主前後係睇過2位唔同既醫生, 兩位醫生講既野都唔同, 但已經有兔友講pxt central係唔識醫兔, 所以真係唔知會唔會係因為咁既原因, 而令兔兔離去...

lovin_gloria 發表於 2013-11-4 10:30 AM
"同埋樓主知唔知做手術會唔會有d咩風險呢? 有冇事前了解清楚先做決定?"
唔好意思, 我嗰句係咁樣既, 我再覆 ...

the last i have to say! i will not comment on your reply anymore!

pet cxxtral is dr. m clinic referral!!

RIP...
兔兔彩虹橋上都唔願見到佢媽媽唔開心
同埋 感激你將兔兔呢件事 同兔友們分享
因為我一直接收番黎既資訊都係M醫生有幾好有幾細心
有時真係會聽多就以為係真
我明白兔兔一有事上黎既無助感..一心相信醫生..點知結果不如理想..
撐住!!

M醫生為人係點，我相信有睇開嘅兔媽都知，加上我地又唔係當事人，當中發生咩事無人知，如果單憑一方片面之詞就判對方死刑，咁樣唔係好理知，亦都唔公平，而且大家應該保持中立的態度對待事件

睇完你第一個post, 想問幾樣野:

1. 你話你兔兔一路都好健康直至突然出牙瘡, 你確定係一路都健康? 有無做年檢? 每日有無食兩個兔兔size既草? 定係食兔糧零食多? 如果你既兔兔日日都食大量既草少食兔糧零食而都仲突然兩個月前有牙瘡, 咁你既兔兔都真係好黑仔下

2. 你既兔兔有牙瘡嚴重到要剥牙, 即係連磨牙都無用, 你呢個時候先帶佢去睇醫生, 你係咪照顧佢都出左問題?

3. 你帶兔兔去睇呢位醫生, 係因為你之前已經睇過? 還是你聽人講佢好出名而睇佢? 如果而家你後悔俾呢位醫生醫你既兔兔, 咁你又有無後悔當初帶佢去睇之前先睇睇呢位醫生既醫術同醫德評價? 更有趣既係如果你之前有為兔兔做年檢, 相信你一定有睇開某位醫生, 何解今次咁冒險轉第二位醫生?

4. 你覺得一位醫生是否下下叫你開刀就係好, 還是先俾你食藥再睇睇好? 正如係大陸,下下叫你先吊鹽水, 還是先開藥再望聞問切比較好?

不幸地, 我個人認為以上4個問題的答案都是  否, 所以結論係, 你兔兔既離世, 你很有可能疏忽照顧, 咁我是否可以先去報警查你?

睇完你呢一大段:
""其實我一開始就認為牙瘡返發點解唔盡快做手術！
要兔兔返屋企觀察一星期已經令到佢病情嚴重惡化！！
根本M醫生D手術期就full到爆點解佢從來唔refer我兔兔去其他診所！！！
由第一次覆診就冇同佢做詳細檢查，個時好可能上面D牙已經感染同發炎！
兔兔仲係好年輕佢病到咁都仲肯食野同飲水，佢好想可以活下去！""
        我差D以為你先係兔醫, 更有趣既係你話要呢位醫生轉介你去第二位醫生, 我相信會有兩種情況, 一係第二位醫生醫返好, 你會話個位醫生廢無料到要轉介第二個, 醫唔返就一係會話佢轉介左個更差的, 或者現在話佢延遲轉介, 反正而家你兔兔離開你, 你需要搵代罪羔羊, 即係個D又要馬兒好又要馬兒不吃草, 又要威又要帶頭盔既人, 不肯面對自身責任, 我比較建議你唔好再領養任何兔仔, 免得再有兔仔受苦

忠告同建議各兔兔主人如果兔兔有病最好睇多個醫生！.......你又有無睇多個醫生? 還是你第一次帶兔兔睇醫生?

敢問
你領養還是買你既兔兔? 你兔兔每日是否70%食兩個或以上兔兔size既草, 20%新鮮蔬菜, 少許兔糧, 適當飲用水? 有否定期梳毛剪甲? 每天清寵? 抱佢同佢傾偈同佢玩?

本人兩隻賓尼兔都係由兔協領養, 每次檢查都係牙齒健康, 巨胃, 便便大粒金黃, 我唔敢講話我好錫自己對仔女, 但最少佢地健康幸福地成長

不過, 聞說有主人俾新鮮雞肉自己既兔兔食, 我地呢D問題似乎都係小巫見大巫

另外, 你有無將你同醫生及姑娘既所有對話都俾大家知道? 還是只將對自己有利認為自己岩既部份列出? 以偏蓋全, 掩耳盜鈴唔係正確面對自身問題既態度

最後, 你當然可以去獸醫公會投訴佢, 而我好相信你絕不會係第一或最後一個投訴佢既人, 但可以肯定咁講,   經過咁多投訴佢都仲可以自己開舖做生意, 咁多投訴佢既生意都係俾多12個鐘佢都做唔完, 咁多投訴咁多主人都仍然願意將自己既寵物送羊入虎口, 咁多投訴而黎黎去去都係得你同另一友主人唱雙簧, 呢D投訴, 都真係.......

如果你既兔兔下一世都係兔兔, 希望佢有更好更舒適既生活環境, RIP

wtfdanny 發表於 2013-11-9 09:55 PM
睇完你第一個post, 想問幾樣野:

1. 你話你兔兔一路都好健康直至突然出牙瘡, 你確定係一路都健康? 有無做年 ...

其實你無需這樣說得咁盡啊！他已失去囝囡。

我兔兔睇過一次dr.ma，平時都係睇開dr.Hugh
我都好同情樓主嘅心情，都好希望能夠查出成件事嘅真相