剪指甲

兔兔是要定期剪甲的, 你地係自己同佢剪定係比錢出街剪的!?

我好耐之前買左個動物用指甲挾, 嘗試和波子剪指甲, 但失敗左, 一隻都剪唔到, 因好怕佢郁動之時會剪多左而流血.... 所以養左佢咁耐, 定時定侯都會同佢去Q兔度剪, $30一次, 唔知叫平定貴呢!?

[ 本帖最後由 nievedith 於 2008-5-1 03:50 編輯 ]

原帖由 nievedith 於 2008-5-1 23:45 發表


用手遮下眼!? 你用揞眼法, 令兔兔唔知你剪指甲? 那一次要用多少時間剪?

遮住眼,佢地睇唔到做咩會鎮定d,冇咁掙扎.
而且唔好剪咁 深,越深越近神經佢地越感覺到就越驚.
大概用10分鍾左右吧,冇睇鍾喎.
不過一定要剪晒先準走.
所以,每次剪完佢都好嬲,一定要打完我先肯落地架.hehe....

我隻小丸剪完即刻走返籠
仲要dum返下地表示不滿

哈, 照咁睇, 無一隻兔係願意剪指甲的啊. :026:

自己剪  其實2樣都有  因為我覺得點都要識
例如有日佢d指甲斷/斷與唔斷之間
不過都有出去剪  因為幫佢剪 好似好恐怖
剪個下d質感好怪

我果隻次次剪都用成半條紅夢卜:036:
我係抱佢係大比再叫我fd比佢食 我就剪     腳好易剪 但係佢隻手成日攬住舊紅夢卜
d手指彎晒入去:028:
仲有 你剪兩剪佢就知咩事 唔肯食紅夢卜都算  仲要洗出無影腳 :028:
所以都好少同佢剪:026:
但又唔知澳門邊到有得剪甲同剪毛

搵條大毛巾好似包春卷咁包實佢   再慢慢剪
紅蘿蔔不宜多吃  太高糖份  會影響腸道

原帖由 oz-17 於 6-5-2008 19:53 發表
:015:
剪甲的問題好煩擾我囉
自己又唔識同唔敢
屋企又搵唔到人幫到手
唉........我做主人做到真係.................

自己又唔識同唔敢
屋企又搵唔到人幫到手
>>>>> 哈, 身同感受呀!!!! 梗係覺得不能一下咁完成便會弄痛佢

我同兔爸合作捉住佢剪架:057:
次次我幫佢剪完都頭暈眼花:056:
因為我驚出面d人會剪親coffee
而且佢次次剪完第一時間都要落地玩"跣呔"
鬼咁開心:078:

我地一般剪毛同修甲都會包住佢對眼只係突個nose出黎
我仲會輕輕攞個指甲挫幫佢輕輕挫下，等佢唔使太利...:053:

從未剪過 :015:

我兩隻都係自己剪,每次都要用毛巾包住佢
有時剪剪下會俾佢走甩,個時就要兔爸出手,幫手捉兔
之後佢地就會定定地俾你剪.因為兔爸抱住
每次大戰完佢地都會留下戰績係我腳上(幾條抓印)

我自己剪....唔知點解b女黎到...我毛都未識同佢梳已經可以幫佢剪指甲...
真係奇蹟...

原帖由 cordero 於 25-11-2008 12:53 發表
我自己剪....唔知點解b女黎到...我毛都未識同佢梳已經可以幫佢剪指甲...
真係奇蹟...

哈，咁搞笑，你又夠膽落手先勁！

由養第一隻狗開始學識0左自己剪, 因為0個陣d pet shop 好貴, 自始之後廿年後, 所有四隻腳一條尾0既都係自己攪掂, 由沖涼, 剪毛, 修甲..:p

慳番好多 :039: :039:

我地惠惠第一次去兔協俾人剪,學識後就自己剪.因為拎佢出去好艱難,返到屋企仲發我地脾氣添.....:052: 宜家剪要兩人,都掙扎得好勁.用毛巾包都冇用.唯有兔爸捉實D.剪腳就易,隻手就掂下都唔得.好在佢D指甲長得慢,可以個半月先剪.:043:

試過好多次幫兔兔剪，但每次我都係比佢整到滿手血痕咁出返去:013:
無一次可以成功剪到~而家唯有買d比佢玩嘅野磨吓d指甲啦..