剪指甲

兔兔是要定期剪甲的, 你地係自己同佢剪定係比錢出街剪的!?

我好耐之前買左個動物用指甲挾, 嘗試和波子剪指甲, 但失敗左, 一隻都剪唔到, 因好怕佢郁動之時會剪多左而流血.... 所以養左佢咁耐, 定時定侯都會同佢去Q兔度剪, $30一次, 唔知叫平定貴呢!?

[ 本帖最後由 nievedith 於 2008-5-1 03:50 編輯 ]

用毛巾包住佢~!
但係我隻就唔洗~
自己乖乖俾我剪

自己剪...因為窮......haha
我會同佢地長期抗戰...........:009:
事實上,咩方法都用齊...次次剪指甲都要用唔同方法架....
一時可以包毛巾,一時唔比包....佢地見到條毛巾...就知咩事....

[ 本帖最後由 Love^v^LuNgLuNg 於 2008-5-1 12:43 編輯 ]

我從未幫我果隻剪過
因為佢反抗
而家煩緊唔知點好:056:

我自己同佢剪
不過而家佢大左
成日反抗
有d難度:061:

以前多多先生細個時,我唔知要同佢剪指甲

到知道要同佢剪指甲時,血管已經生長左,指唔到咁短喇:050:

而家只可以同佢keep住唔好比佢再長

其實我都怕剪到佢流血，
不過每次都俾錢，就唔係好想，
所以都係每個月幫佢剪少少，
等佢習慣下俾人剪指甲，又俾我練習一下。

我都係自己剪咋..!!
腳都易d....手好難剪呀!!~:054:

:044: 其實我真係幾失敗......
一次都未試過同佢剪...
佢好反抗...又好怕傷到佢...
差不多兩個月到帶佢去金魚街剪一次...:077: 成$50一次..好攞命
上次諗住帶佢去 "Q兔郎" 剪甲...$30平好多
不過個女人叫我晏小小兩點再黎..未有人剪住...我費事等就去返 "寵物便利" 剪甲
佢宜家歲幾了...再大隻d都唔知點算好

ps:窮鬼一名:043:

你用毛巾包晒佢全身  再露手手腳腳出黎剪
最好搵多個人幫手啦~~
指甲太長可能會斷   好痛的~~

用毛巾包係唔係話俾佢安全感呢?

哈~~ 我靜係諗住等佢無得亂郁咋~~
不過都係會郁 = - =
要剪快D~~

剪到流血都唔洗緊張,只要準備好止血粉就得喇

兔兔d指甲其實都易剪,多數白色指甲都會見到血管,小心指就唔會流血

我d狗狗黑色指甲,見唔到血管,所以一唔小心就剪到佢地流晒血

如果覺得寵物用果d止血粉貴又唔常用,可以去藥房買"雲南白葯"

粉狀的8蚊一瓶,止血用好得ga

我有一次去俾$人剪~
剪到佢流血丫~!

其實用麵粉都得，我試過。

個次唔係我剪佢指甲，而係佢無啦啦唔知係邊到整斷左指甲，
流左幾撻血係地下。