你地的兔兔點樣黎?

做個調查先~~
你地的兔兔點樣黎?
我隻小丸係Q-pxt 買
波波係朋友既朋友度領養~~

[ 本帖最後由 wesky 於 2008-5-4 21:33 編輯 ]

我係o係之前隻兔仔死左一星期後,就去左西洋菜街諗住睇下有冇心水
之後入左其中一間Q-p_t
見到佢有一隻兔仔(菇菇)係另外放o係一個籠度,仲有個牌寫住"購物滿二百元,會員即可免費領養"
之後我比隻手指佢聞下,佢好乖咁聞左幾下,又企定定咁望住我同我啊媽,之後我地摸佢佢又定定比你摸
(佢好鍾意比人摸,梳毛都係,佢係成個兔都唔郁任你摸,舒服既話仲會訓)
啊媽戈陣話去行多幾間再尼睇下買唔買啦,但係我總係覺得我同佢好有緣,一走開就會比其他人拎走,所以我即時做會員買野抱佢番屋企
我相信每個人都係覺得你既兔兔(寵物)都係同你有緣先會簡佢

臭B係有人拍完戲之後,無人負責返, 留咗係倉(有同事餵食),跟住我入倉,佢就走過嚟聞我隻腳,我講咗句好得意,同事叫我攞返去,我考慮咗幾日, 睇咗D資料,決定養佢一生一世, 咁就攞咗返屋企,直至而家。所以都成日叫同事,朋友，如果做拍嘢呢行,千其唔好買條(命)嚟拍嘢,就算係一條金魚,一條生命來的,去借去租啦。

I bought Debby from I Love Rabbit in CWB. It is very expensive because of the birth certificate. Actually, I have doubted for a long time whether the Netherlands Dwarf was really from Netherlands. Anyone can tell?

旺角,I愛兔買的,我未成年不能領養~.~

唉 之前係旺角間 I愛兔 度買左3隻 3隻都死 頭果兩隻都係 放左工番黎就瓜左....最後果隻帶到去睇獸醫...急性肺炎死埋.... 所以我都係覺得領養ge 好 起碼 令番黎都係冇病痛 支持領養

海星係愛協領養既，比職員玩左一日(間野收8點，7:30去到同我講話做手續要1hr以上，電話又唔講)，第二日請半日5點去先比錢有得拎(成個過程只用左10分鐘)。

不過最慘係，佢地比報紙佢踩，腳勁黑。同埋都好多病(簽紙果陣又話好健康)。來左一個月，已睇左四次醫生。聖誕後仲要覆診，好陰公豬

不過好慶幸可拯救到一條生命！感恩！

我係起艾粒見到 Lucas 一見鍾情

2012年的1月中，仲係全職學生仔的我有一日上左去我愛兔兔度遊覽一番。近門口有一缸大約7-8隻的獅子兔+垂耳兔的透明玻璃缸。裡面的小兔大約2-4個月，隻隻都好動活躍，蹦蹦跳跳，好不活潑。唯獨有一隻黑色分明，坐喺缸中央，兔地撩佢玩都唔睬兔，好有性格咁。
如是者，經過兩星期日日放學後的觀察，對佢的有性格突然感到無限欣賞，及極具挑戰底下（其實已暗生情愫並已私下取名為kowkow）。
2月頭的一個放學後，我走近玻璃缸，並伸出手貼近玻璃，突然那隻愛理不理，站在缸中央的黑白兔走上前，隔著玻璃挨近我的手心。
我興奮非常，雀躍大叫kowkow. 又問職員可否替我保留小兔至月尾。那時候嘅我，身兼七份補習，相信有足夠能力養飼小兔。然而職員說只能保留到那星期尾，月尾時間太長，不可以。眼見小兔身邊的同伴一日一日咁離開，每日放學後都與小兔見面的我，越來越擔心。
好不容易捱到2月27日，見獅子兔【減價】？我便決定把小兔帶回家，能光明正大的叫他的名字為kowkow !!!

後記：kowkow 名字由來---因為他黑白分明的毛色太似小乳牛，而又不想以c字開頭，所以取k字開頭也是發音為cow.

所以話呢個世界係有一見鍾情！我仲愈來愈愛小兔添

之前每一次經過Q pet 都會忍5住停左5行 望下個d可愛既兔仔 有次更嗲我老公去買 不過我知道機會率好低 所以每次都失望而回 直到2月14....我老公打電話黎話有份禮物等緊你 我即刻9秒9衝返去 一開門就見到有個大籠岩岩整好 個一刻我忍5住喊 之後就去搵隻小動物 原來佢匿埋係小紙盒到 好細隻一個手掌咁大 我老公仲同我講 要好好照顧佢 雪雪呢個名都係我老公改 個一刻我覺得自己好幸福 有囝囝同埋我最愛既老公....

唔記得.係樓上舖