本帖最後由 all_loving_it 於 2012-4-13 04:50 AM 編輯
長公主加油喔! 媽媽, 兔婆, 侏老板同總理會一直同你打氣, 陪住去面對所有既困難!
以下是個人經驗分享, 若發現兔兔身體健康出現問題, 一定要帶兔兔去見醫生
長公主 (兔協Brenda)有5歲, 健康開始出現問題, 前幾個月發現患上肝腎貧, 我除左醫生指示同兔兔治療外, 同時查左好多依方面既資料, 除醫生處方藥物外, 亦係日常生活飲食上注意, 而家情況暫時穩定, 下面係總結有關資料同經驗分享 :
好多年紀較大既兔兔有腎病, 而腎病係長年累月積累所得, 主要原因係體內缺少維生素B(部份兔糧裏面含維生素B, 但唔足夠, 有部份幹糧無), 但一直無同兔兔補充, 時間耐左, 令營養失衡, 引致貧血, 令腎臟供血不足, 另一個原因係兔兔體內積累既鈣質過多形成慢性腎炎, 腎病初期兔兔會明顯消瘦體重下降, 就算兔兔飲食正常, 食好多, 依然無法增磅, 依個情況只係腎病初期, 屬於腎炎, 如無及時醫治, 最終會惡化為腎衰, 最後就係死亡
若兔兔不幸得腎病, 睇醫生當然係必需, 但有一點係是非常非常重要, 就係要同兔兔補充營養, 營養5夠, 兔兔無法同病魔抵抗, 若兔兔食草唔多, 最緊急5係強迫兔兔一定食草, 亦唔好因此減少干糧同蔬菜, 反正依個時候, 兔兔食得越多越好, 先有康復既希望
1) 補充維生素B, 維生素B係水溶性, 每日1片加入水比兔兔飲用(人食既就可以)
2) 多餵幹糧, 蔬菜量必需增加, 最好每日可以提供3種以上既蔬菜食 (但要注意蔬菜含鈣量同蛋白質含量, 以免增加腎臟負擔)
3) 餵食草粉, 并係草粉之中加入益生菌, 因為益生菌可以增加兔兔食欲, 調理腸胃, 係治療其間有好大作用 (益生菌我係用Bene-Bac粉狀, 寵物店或獸醫到應該可以買到)
4) 每日比歐芹 (Parsley)兔兔食 (歐芹唔係芹菜, 莞西, 中國既藥芹同西芹) 係外國已經証明莞西煲水對腎病好有效, 但因為蛋白質含量較高, 為免增加兔兔既腎臟負擔, 所以都係建議用歐芹較好 (歐芹可以自己種, 如果想買現成, 係大型超市, 好似吉之島, city super好多時都有得賣)
5) 每晚再加多一小碗切成细長條狀既西芹
6) 提供足夠新鮮既水比兔兔飲用, 道理等同人洗腎既作用, 兔兔可以將身體內無法消化既鈣質, 不必要既物質同毒素排出體外
7) 另伴隨著腎病既兔兔一般都會有貧血既問題, 在飲食上可以提供有助補血作用的蔬果 (如車厘子, 士多啤梨), 一星期可以比幾粒兔兔食
除上述各點以外, 另每日會比草藥, 雲芝, 靈芝膠囊, 益生菌膏, Fiberplex, 亦會在水中加入草粉, 用草碎煲水(隔渣比佢飲用), 牧草方面會提供幾種比兔兔食
|