兔兔臼齒問題

久違了的兔友們, 我又浮出水面了.
上星期帶小虎做body check(3歲仔啦), 見到佢有臼齒長左, 即時同佢照x-ray,
發現佢裡面右邊啲牙仔有問題, 其中有隻長左2/3咁多, 門牙就冇問題.
dr.ma話要做手術, 已經即時book左今個星期日做,
因為係冇麻醉下照x-ray, 所以只影左2張, 詳細情況要真係做手術時先可以睇清楚, 再決定要拔牙定磨牙.
其實呢次手術最大風險都係麻醉方面, 呢樣野都冇得估計, 雖然擔心, 但都好信賴dr.ma

因為當日太過激動, 所以冇問到醫生, 有啲牙仔問題想請教有經驗兔友.

如果咁既情況, 兔兔係咪要每個月去磨牙? 咁咪每個月都要麻醉?
拔牙後照顧上有咩唔同呢? 我只知冇門牙可以幫佢剪碎啲草比佢食, 但冇左一邊臼齒又點食呢?
手術後既康復照顧又係點呢? 聽聞拔牙後幾日都會有血出, 呢段時間係咪只可以食草粉呢?

仲有咩需要注意到呢? 希望各位提點一下, 多謝!

我家那隻 之前同你個一隻樣    但我選擇左拔牙 (2隻)  照顧無咩唔同  拔左牙 胃口仲即時好左    要看 就是看吃草狀況 馬醫生 手勢 好好  冇出血  

其實我都有諗過，如果真係keep住要磨牙既，就幫佢拔牙。因為麻醉真係好大風險，不過dr.ma話要到時先可以決定。
係呢，你家兔兔依家食野會唔會淨係用一邊？因為其中一邊冇咗兩隻

美國的House Rabbit Society話兔子對麻醉葯敏感而死亡的死亡率係千分之一，而且呢個好似係體質問題，唔會敏感嘅就應該一世都唔會敏感，不過我唔係讀醫嘅，唔敢肯定，都係問番Dr,Ma啦