胖胖尋找愛心主人

以下一番話係我幾經思量同沉重心情下寫的，
希望大家能夠體諒。
自從我7月尾發燒之後，隻眼好紅同不停流眼水，
睇醫生，醫生話我唔係紅眼症，因為我出左街就無咩事，
只要一返自己房，對眼就會再痕，滴眼藥水都無用。
醫生話係因為我對兔毛敏感，不過係發燒後忽然間先有。
情況直至我好返都係咁，我出去住左幾日返黎又係咁，
依家兔兔住o係我男朋友度，但係佢屋企係唔可以長住，
呢個禮拜要遷出。
我已經無辦法再養兔，希望有心人能夠收養。
無意收養都可以睇睇佢相簿, 因我都好耐無上黎分享兔兔消息, 無我facebook ge朋友都可以睇下隻可愛胖...
兔兔資料
名稱: 胖胖
品鍾及顏色: 賓尼兔，啡色，混少量灰色(見圖)
相簿: http://www.facebook.com/album.php?aid=106693
歲數: 3歲 (個樣睇落好bb)
性別: 雄性(已絕育)
習性: 喜歡被人摸頭，但性格較cool，得意樣搭夠，
      有少爺脾氣，唔鍾意人搞佢d野，但唔會咬人，只會咕咕聲大你，
      極度為食！
      率性而為，隨時隨地攤長自己趴在地下，
      一日中槍幾十次，包睇到飽，
      只會在籠入面去大小，但唔識用廁所。
      食開Oxbow同Momi，唔鍾意食枝，最鍾意食花，
      食Momi都係鍾意食2nd Cut，寧願唔食都唔食枝！
      糧都係食Oxbow成兔糧，但因佢唔得肥，所以每日一定要餵5大塊菜。
主人要求: 18歲以上，要有經驗，或熟讀養兔資料，經濟及家人許可。
          要準備齊全所有用品:
          1. 草(oxbow / Momi 2nd cut)
          2. 針梳 + 排梳
          3. 按摩梳
          4. 廁所底網(q兔方形廁所用)，墊料
          5. 胖胖唔鍾意用草架/草球，要用瓷龍貓屋入草
          6. 大籠
          7. 大水樽
          8. 兔袋及冰種
免費配套: 1.Oxbow成兔糧 (剩3/4)
          2.草 (不定)
          3.瓷糧兜
          4.指甲剪
          5.數litres白楊木木糠(圖:)
          6.廁所(無網)
          因胖胖現住的係大大亞加力膠膠箱，不宜搬遷，
          另水樽因特別訂造的膠箱而改造過，不配合籠。
有心人請PM或用e-mail聯絡:[email protected]
本人不願將胖胖送回兔協，因我想親自為胖胖揀個好主人，
不想交與3唔識7的人，申請兔協的人有好多半桶水。
另外新主人不得將胖胖轉售他人(包括意圖及企圖)，
否則我祝她/他不得好死！
如果新主人又唔養胖胖，一定要搵個好好好好的主人，
否則我又會同上，祝佢....

[ 本帖最後由 chrisyan 於 2009-8-14 02:08 PM 編輯 ]

隻眼藥水係叫"抑敏滴"英文"emadine 0.05%"藥廠"alcon",個盒係藍色,用法:每日三次,每次一滴.萬寧賣$9x,應該唔駛醫生紙,因個醫生都係叫我用完自己去買的.不過穩陣起見可能睇咗醫生會好D.:002:
加油呀.:038:

[ 本帖最後由 williamchw 於 2009-8-17 01:22 AM 編輯 ]

原帖由 williamchw 於 2009-8-17 01:20 AM 發表
隻眼藥水係叫"抑敏滴"英文"emadine 0.05%"藥廠"alcon",個盒係藍色,用法:每日三次,每次一滴.萬寧賣$9x,應該唔駛醫生紙,因個醫生都係叫我用完自己去買的.不過穩陣起見可能睇咗醫生會好D.:002:
加油呀.:038:

我聽日去買!!!
thank you so much!!!

我本來打去plan左星期一去睇個中醫,(mon-fri 應診)
問過我阿媽之後知道左一樣野,
因為我阿媽對手長期嚴重敏感, 日日要帶手套訓覺, 所以多年黎睇過唔少醫生,
呢個係其中一個, 我阿爸做裝修, 有排又係好似我咁對眼有敏感,(對木糠+塵),
所以我阿媽拉埋我阿爸去, 結果我阿媽對手都係好左一排就無效喇, 我阿爸更加係唔得,
所以我 阿媽話我曬鬼氣, 一家人2個人都醫唔好, 中醫係慢慢調理,話我咁嚴重點得...(我隻眼d肉腫曬出黎)

所以我決定唔去睇住喇, 試下藥水先,

另外男朋友阿媽日日咆吼我同佢, 話下個禮拜仲見到佢, 咁以後就唔使旨意見到佢咁話,
我所剩時間已經無多, 再搵個醫生都未必及時救到我,
依家以我所知, 得返試眼水呢條路, 我諗住滴2日先上去睇胖胖,
呢個禮拜都唔得就珍爸屋企見架喇..................

雖然我屋企人無心臟病, 糖尿等等遺傳病,
但係敏感就差唔多個個都有, 家姐對芒果敏感, 食左個嘴會腫,
阿媽對魚,蟹,蝦,牛肉敏感, 食左隻手會爛,
我細佬對冷氣會有鼻敏感,
我就一時時,
其實敏感呢個問題真係好麻煩.....

原帖由 chrisyan 於 2009-8-17 04:19 AM 發表
我本來打去plan左星期一去睇個中醫,(mon-fri 應診)
問過我阿媽之後知道左一樣野,
因為我阿媽對手長期嚴重敏感, 日日要帶手套訓覺, 所以多年黎睇過唔少醫生,
呢個係其中一個, 我阿爸做裝修, 有排又係好似我咁對眼有 ...

你真係好慘丫,,,珍爸負擔又會大左啦
不過你盡左力試過就得啦

題外話, 我都有皮膚敏感,又係對空氣敏感果隻
我會飲薰衣草同洋甘菊茶,有少少舒緩作用

我男朋友雖然係我嚴厲督促下日日準時餵+梳毛, 不過佢阿媽已經日日咆吼啦@@9 U. p2 L" ~6 U8 J# P9 R* b) z
我時間唔係好多咋...


樓主你住邊 ? 我住 tuen mun,
如果你男友不可以再照顧肥肥, 我可以照顧住先,
但只係暫養 ... 因為怕 david 吾鍾意有其他新成員,
& 我想將我的愛比晒佢 only ... :051:

我家兔兔叫 david (係兔協領養, 原本叫志蓮),
david 的性格有d 孤獨又怕人, 我到現在為止(養左 around 3 weeks),
都係抱過佢3次, only 見過佢中槍 1 次 (仲要係寵入面)
肥肥可以比人抱+梳毛,  
希望肥肥可以令 david 安心, 吾會對我有介心

if 有需要, 話我知, 我地係電話講   :038:

原帖由 cordero 於 2009-8-17 07:52 AM 發表
題外話, 我都有皮膚敏感,又係對空氣敏感果隻
我會飲薰衣草同洋甘菊茶,有少少舒緩作用

原來有甘多主人有敏感ga,
包括小女子在內 皮膚+氣管附送多個濕疹 :058:

原來你係領養咗志蓮,仲記唔記我,你接志蓮走個時我同傾兩句架.我都住屯門呀,第日可以約D兔仔一齊玩.

唔知樓主宜家有冇好D呢?

原來咁多人住TM,我男朋友都係wor~~
RE: otola,佢叫胖胖呀~~^^
我琴日滴左第一日, 都唔知其實O唔okay~
因為胖胖搬左之後一排,d敏感徵狀其實都無曬~
真係要親身上去探胖胖先知~~
我聽日就會去探胖胖架喇~~
希望保佑下我一切回復以前啦~~

我有幫你祈禱架~加油!!

我記得你ar~~~
而家david 靚仔左 ，　:037:

可以約去邊度玩　

原帖由 chrisyan 於 2009-8-14 15:01 發表

我無試過呀...不過敏感我諗中藥未必幫我解決到...
好似我家姐對芒果敏感, 我阿媽對牛肉,蝦敏感呢d都無得斷尾架...

我都問過西醫，鼻敏感有得醫..不過....
避免接觸敏感原和藥物治療...

敏感真係好煩..好多時開頭冇事, 係一次開0左制之後就會有.

好似我之前對貓毛完全冇問題. 自從一次去朋友屋企焗0左一次, 起哂風lan 之後, 就以後見貓, 如果空氣一唔流通 / 佢唔乾淨就會即化.

你男友住 tuen mun 邊度 ?
我係新屯中

希望胖胖媽你滴完個種眼藥水會好返啦...
我都係住屯門嫁...有咩你都可以找我幫手既#^23^#