胖胖尋找愛心主人

以下一番話係我幾經思量同沉重心情下寫的，
希望大家能夠體諒。
自從我7月尾發燒之後，隻眼好紅同不停流眼水，
睇醫生，醫生話我唔係紅眼症，因為我出左街就無咩事，
只要一返自己房，對眼就會再痕，滴眼藥水都無用。
醫生話係因為我對兔毛敏感，不過係發燒後忽然間先有。
情況直至我好返都係咁，我出去住左幾日返黎又係咁，
依家兔兔住o係我男朋友度，但係佢屋企係唔可以長住，
呢個禮拜要遷出。
我已經無辦法再養兔，希望有心人能夠收養。
無意收養都可以睇睇佢相簿, 因我都好耐無上黎分享兔兔消息, 無我facebook ge朋友都可以睇下隻可愛胖...
兔兔資料
名稱: 胖胖
品鍾及顏色: 賓尼兔，啡色，混少量灰色(見圖)
相簿: http://www.facebook.com/album.php?aid=106693
歲數: 3歲 (個樣睇落好bb)
性別: 雄性(已絕育)
習性: 喜歡被人摸頭，但性格較cool，得意樣搭夠，
      有少爺脾氣，唔鍾意人搞佢d野，但唔會咬人，只會咕咕聲大你，
      極度為食！
      率性而為，隨時隨地攤長自己趴在地下，
      一日中槍幾十次，包睇到飽，
      只會在籠入面去大小，但唔識用廁所。
      食開Oxbow同Momi，唔鍾意食枝，最鍾意食花，
      食Momi都係鍾意食2nd Cut，寧願唔食都唔食枝！
      糧都係食Oxbow成兔糧，但因佢唔得肥，所以每日一定要餵5大塊菜。
主人要求: 18歲以上，要有經驗，或熟讀養兔資料，經濟及家人許可。
          要準備齊全所有用品:
          1. 草(oxbow / Momi 2nd cut)
          2. 針梳 + 排梳
          3. 按摩梳
          4. 廁所底網(q兔方形廁所用)，墊料
          5. 胖胖唔鍾意用草架/草球，要用瓷龍貓屋入草
          6. 大籠
          7. 大水樽
          8. 兔袋及冰種
免費配套: 1.Oxbow成兔糧 (剩3/4)
          2.草 (不定)
          3.瓷糧兜
          4.指甲剪
          5.數litres白楊木木糠(圖:)
          6.廁所(無網)
          因胖胖現住的係大大亞加力膠膠箱，不宜搬遷，
          另水樽因特別訂造的膠箱而改造過，不配合籠。
有心人請PM或用e-mail聯絡:[email protected]
本人不願將胖胖送回兔協，因我想親自為胖胖揀個好主人，
不想交與3唔識7的人，申請兔協的人有好多半桶水。
另外新主人不得將胖胖轉售他人(包括意圖及企圖)，
否則我祝她/他不得好死！
如果新主人又唔養胖胖，一定要搵個好好好好的主人，
否則我又會同上，祝佢....

[ 本帖最後由 chrisyan 於 2009-8-14 02:08 PM 編輯 ]

我都係住屯門喎~哈哈!

原帖由 chrisyan 於 2009-8-17 04:19 AM 發表
我本來打去plan左星期一去睇個中醫,(mon-fri 應診)
問過我阿媽之後知道左一樣野,
因為我阿媽對手長期嚴重敏感, 日日要帶手套訓覺, 所以多年黎睇過唔少醫生,
呢個係其中一個, 我阿爸做裝修, 有排又係好似我咁對眼有 ...

原來你媽媽都已經試o個個中醫
聽你咁講, 我都有d擔心添
如果睇完之後都出返....
咁咪好灰-.-''
我希望唔好啦....

如果眼藥水ok就好啦
又方便....好過我保藥同介口...><

祝你快d好番

[ 本帖最後由 redbean 於 2009-8-18 09:29 PM 編輯 ]

見到你的 post 都有d心酸~~~我好明白愛兔的人要放棄自己兔兔的心情...真係好傷心!!! 想當初我領養黑白豬時都有心想選擇胖胖呀:014:
無論如何,希望你早日康復 and 胖胖可以有個好主人 (雖然我都有d心動...:020: )

樓主講開你媽媽對手的情況,我醒起有個皮膚科醫生幾好架.由於我嘅職業要經常用消毒皂液洗手,我有兩個同事就因咁而爛手,有個睇過聖德肋撤嘅皮膚科都唔得,反而睇呢個睇咗幾次就好返晒,同埋佢唔會"dum"症,幾好人架.:021:

原來屯門有咁多兔地住架.:038:

我呢邊都有個皮膚科唔錯
我阿爸睇香港腳 睇左好多年都唔好
一睇就好番

有介紹就PM我啦~~好需要你地ge幫忙呀~~~

我男朋友住澤豐~~(應該係咁打掛)

聽日就係見胖胖大日子喇......

原帖由 chrisyan 於 2009-8-19 04:30 AM 發表
有介紹就PM我啦~~好需要你地ge幫忙呀~~~

我男朋友住澤豐~~(應該係咁打掛)

聽日就係見胖胖大日子喇......

我地等你最新消息 ~

樓主你既然咁中意胖胖, 我覺得唔應該"斬腳趾避沙虫"既...
話哂你呢個係病, 有病要去睇醫生, 今次唔好彩對兔毛有敏感
下次對羊毛有敏感咪連冷衫都唔著得 0.0 你話係咪先?!
我個朋友(男仔)一出世塊面就對牛肉有敏感, 都係睇中醫搞掂
不過醫藥費好貴, 一星期$1000咁上下, 睇下個人經濟能力負唔負擔到
敏感係一種非常神奇既病....我由出世就對鮮奶敏感, 飲左會頭痛
但是大個左冇啦啦又好返=____=so你唔確定你呢一世都會對兔毛有敏感
我怕你到時好返即後悔俾左胖胖人地, 我suggest你睇定d睇下6個月後or1年後
會唔會好得返, 兔兔唔係第1次俾人掉來掉去, 其實佢係知道嫁, 佢知道d人唔要佢
咁會太hurt喇

PS: 我想問你媽媽睇過個d中醫出唔出名嫁?因為世間上都有好多冇料到既醫生0.0
我由細到大睇個個中醫都幾出名嫁, 係上水, 睇下幫唔幫到你?

[ 本帖最後由 Jessie 於 2009-8-19 11:24 AM 編輯 ]

原帖由 Jessie 於 2009-8-19 11:07 AM 發表
樓主你既然咁中意胖胖, 我覺得唔應該"斬腳趾避沙虫"既...
話哂你呢個係病, 有病要去睇醫生, 今次唔好彩對兔毛有敏感
下次對羊毛有敏感咪連冷衫都唔著得 0.0 你話係咪先?!
我個朋友(男仔)一出世塊面就對牛肉有敏感 ...

其實敏感人士一定要避開敏感源, 我唔可能一邊醫, 一邊同胖胖一齊住,所以對付敏感無可避免係"斬腳趾避沙虫".
你都提到敏感係好神奇, 好或好唔返, 幾耐好返都無法預計,
如果寄望係一D無把握ge將來, 我寧願好好計劃一下後路,
你話等一年半載, 胖胖就要暫養人地到一年半載, 我相信胖胖唔會知道我會接佢, 只會覺得我拋棄左佢.我再接返佢, 佢又會覺得新主人拋棄佢,
依家已經唔係我後唔後悔ge問題, 我係要儘量減少胖胖要不斷適應新環境ge次數~
如果我真係對羊毛敏感, 我第一時間一定會唔著羊毛冷衫, 因為我唔會搵自己身體黎較飛~敏感唔係以毒攻毒~

有病當然要睇醫生, 不過一星期要$1000我唔可能俾到, 能力之外事情我唔會考慮~

我唔知道我阿媽睇ge中醫出唔出名, 因為我係未試過睇中醫ge,,,,唔太清楚.
如果有需要我PM你啦^^

話我地知你見完胖胖后的情況 ....

我見完胖胖喇, 隻眼都痕呀, 不過好似好左少少,
不過連隻手都開始生粒粒, 好痕...
我都係照接左佢返屋企....

咁你以家係自己養反定係幫佢搵主人呀?
如果係要搵主人...我可以幫你問下我的同學...
我同學都有養兔兔的...
佢都想養多隻...

原帖由 KANGAI=] 於 2009-8-24 03:44 PM 發表
咁你以家係自己養反定係幫佢搵主人呀?
如果係要搵主人...我可以幫你問下我的同學...
我同學都有養兔兔的...
佢都想養多隻...

我自己養返先,
你同學養左兔幾耐?

我同學好似養左年幾...

胖胖好得意呀　＞３＜