入黎幫下我呀..

平時兔仔食開兔糧Ga..但係呀媽同呀爸都吾得閒..所以冇去買..就喂佢食菜..
但系佢D便便最近變到唔圓..尖尖地..又好似冇晒心機甘..以前引佢食野佢都會發晒顛甘沖埋黎..但系而家就冇乜反應..
仲有就系便便都變到好少..尿就好多..仲變到好輕添呀..甘多位幫下手呀..我好驚佢有咩事呀..

甘請問要換邊隻既網底呀..有冇得補救呀..
如果要換要換邊種..可唔可以比圖睇下..

一定唔舒服, 長久會生腳瘡
去寵物俱樂部買個新籠, 廁所, 乾草, 草架

我係超市到見到一D貓用既..我驚兔仔用左會有D咩事..所以就冇買到...都系紙粒黎Ga..有冇分別架??
同埋要訓練佢用廁所..最長要用幾耐架大約..如果唔係..整左木板or毛巾米會踩晒d尿同便便囉..

我的兔兔在澳門看了一之醫生,費用是$130,那次她不習慣新糧,肚all了...

我唔係吾想換..其實個龍系新買架..佢之前果個太細啦..尼個買左1個月都吾夠..
所以先想問下有冇補救方法..

好呀..吾該晒你呀..都唔係太貴..
因為兔仔既事我都要一手包辦..所以財政方面有小小困難>"<

我一見佢便便完,就立即放兔兔的便便到廁所,過了2天到,佢就學識左去廁所..(但,唔高興時,會特登周圍去, 要我做餐飽,佢就開心返!)

吾該晒你呀..好詳細.
我聽日會比佢食番草同糧..如果冇好轉我會即刻帶佢睇醫生架拉..吾該晒甘多位呀..
麻煩晒..

如果你成日放佢出黎玩, 可以買幾塊木板鋪係網底上面
當然, 最好換左個籠啦

籠如果未搵到合適既話,
可以先買d豬仔板~等兔兔腳仔舒服d先~
不過都係要盡快換籠~

另外,
一定一定要搵草比兔兔食~
糧/菜果d唔急~

(你一定要去論壇既兔兔寶典睇~熟讀入面既知識)

一般養兔要有既:
水樽
平底籠
廁所(連墊料: 一般會用紙砂/木粒 ,千祈唔好用木糠,兔兔吸左落鼻會唔舒服)
草架(一定要長期有草供應)
糧兜(早晚餵糧先用,平時可以收起)
梳,剪甲剪 (定期要幫佢地梳毛剪甲)

你先去搵呢d東西~~
如果係澳門搵唔到合適既籠~
或者可以試下係香港寵物店買,
我知道mini-house都有d澳門兔友係香港R記買草,
次次買一大箱送過去架~你或者出post搵下佢地,請教下or夾埋一齊買草la~

記得一定要去兔兔寶典學習,
學完唔明唔識再問我地~一定要自學呀~
有起事上黎你先唔會臨急臨忙唔知點算~

我建議你搵下你屋企附近有無vet,問定先,將來有需要時你都知帶兔兔要去邊到求醫..

對呀, 香港買用品比澳門平,你可以考慮下..