心痛死我了!! (加左相喇!!)

話說之前7仔俾泡泡咬到個度已經好得7788,
原來...7仔隻右耳已經冇左一忽!!穿左個洞!!
雖然已經冇乜事, 但係呢個傷口就冇可能再好得番:054:
陰公豬!! 肉赤死我!!:050:



[ 本帖最後由 inkalaam 於 2011-4-29 04:43 PM 編輯 ]

我已經無話可說

請你盡快帶兔兔去睇獸醫

樓主, 我覺得呢一刻, 咁明顯既傷口,
解決既辦法除左係睇醫生, 問咩都冇用.

請將心比己, 如果我地既耳朵比人咬穿一個大洞, 會點做?

請盡快帶兔兔睇醫生吧!

我睇完個一刻都好心痛,好嬲...
不過事件已經發生左,意外呢d好難講

只希望你可以放多些心機/時間落他們身上
可以愛佢地更加深一點
7仔打左交之後,傷口可以咁耐之後先發現,仲無咩事,
已經好利害
....................................................................................

好!咁我都開門見山同你講...。
佢右耳已經冇左一忽,穿左個洞...約左醫生2號先睇...
已經係一個嚴重問題,正常一個人發現...係米會立刻walk in入去睇

好!你 話47# 愛唔愛兔係用錢去衡量?
無錯~愛佢地唔可以用錢去衡量,但真正愛佢地係什麼都為他好,咩都諗佢先...。
我識好多兔友,包括我自己剛養個陣都係學生,都係無錢...
都係自己兼職工作儲錢儲返來,因為驚佢地突然間有事,想儲定錢...
想提供最好既野比佢地...
佢有事我地仲緊張,寧願出事個個係自己。
咁緊張係因為已經當左佢係屋企人,自己既一部份....

同埋養動物唔係話養就養,見佢可憐或緣份就養...
你要諗下自己有無時間,能力其他將來既因素等等...而去養
你既然本身已經有狗點解仲養....
你有無諗過放佢地(兔)出來行既問題,如果狗同兔一輩子唔夾咁點?!/...等等其他問題
兔協最近有好多老兔比人遺棄,養到7,8歲先比人遺棄,咩身體問題都有...
唔係話唔遺棄,一直堅持養既叫負責任既主人

講真個句..你呢張相放起邊個fourm都會有好大迴響
唔關你態度差唔差,你態度一向都好好
我平時好小留言,都係見兔友post上fb,都忍唔住入黎留言...
要講既我都講完 !!!!

仲有你可以用住生理鹽水幫佢抹一下個傷口...
請記得呢幾日留意佢個傷口,保持乾淨
如果細菌感染會好麻煩,仲會有燶倉

[ 本帖最後由 elyse 於 2011-4-30 06:12 PM 編輯 ]

原帖由 elyse 於 2011-4-30 02:57 PM 發表
我睇完個一刻都好心痛,好嬲...
不過事件已經發生左,意外呢d好難講

只希望你可以放多些心機/時間落他們身上
可以愛佢地更加深一點
7仔打左交之後,傷口可以咁耐之後先發現,仲無咩事,
已經好利害

請你睇完之前我所打既野先再發表留言好嗎?
呢個傷口係琴日塊焦冇左先出現
咁大個傷口我又點會而家先發現到?
我唔擺時間係佢地身上我就唔會每日都上黎睇下大家既意見啦
我要不斷反駁你地係因為我覺得你地唔係俾緊意見我...
只係怪緊我點解唔好好睇住佢
如果我唔係一個負責任既主人 我可以就咁放佢去兔協就算
我屋企仲有2仔狗+1隻兔仔
我寧願花10倍精神我都堅持要照顧好7仔
最後換來只係俾你地咁話? 我態度差?
其實如果你係我你都會咁火啦!
「多謝你既好意。」