糯米糍同大家打聲招呼!!

我家的新成員糯米糍,喜歡人家叫她米糍 (讀音: mic chi)
請大家多多指教

月野兔 發表於 2012-5-21 10:13 PM
你地0係淘寶買野有冇睇間店0係國內咩地方架?
我只0係一間店買過, 我特登揀佢係深圳既, 運費首kg 15蚊, 之後 ...

我睇中個間系广东广州,反而寫深圳個D吾寄黎HK!
所以我想試下系淘寶買籠比卡卡

月野兔 發表於 2012-5-22 08:44 AM
(我係糯米糍老豆)
你0係淘寶買左箱草俾卡卡食?
咩牌子既草呢? 質素如何?

我系SR買草比卡卡食,吾系淘竇買,我吾敢買食個D野比卡卡,
而且好多兔友都吾讚成系淘寶買,如果系淘寶買野總費$460,
即系要買幾多淘點?

貓仔兔 發表於 2012-5-19 12:16 PM
65元人仔！不過應該輕過個籠,我覺得佢直接送俾你好啲,爛左有得換吖嘛！ ...

個店主話$58人仔正系個籠,其他用品+$3人仔.間公司系EMS.我想知比完淘點的話,點樣簡邊間公司送貨?

卡卡KaKa`; 發表於 2012-5-22 06:45 PM
我睇中個間系广东广州,反而寫深圳個D吾寄黎HK!
所以我想試下系淘寶買籠比卡卡 ...

我(兔爸爸)淨係試過0係一間深圳既店買過兩次野咋!
用品同食物零食都買過!
我揀果間店話自己係香港寵物幹線既深圳代理囉..
佢賣既ALEX, JOLLY同Dr. Bunny果d 野真係同香港買既一樣既... 應該係正貨黎既..但呢d 香港牌子d 野原來全部都係大陸造既, 可能因為咁所以先會0係大陸賣得平過香港咁多..
不過籠咁鬼重, 運費真係唔抵喎, 你預佢標價再可要加幾十蚊啦,  我覺得淘寶買野要量大先抵... 淨買一樣不太划算..

月野兔 發表於 2012-5-22 09:29 PM
我(兔爸爸)淨係試過0係一間深圳既店買過兩次野咋!
用品同食物零食都買過!
我揀果間店話自己係香港寵物幹 ...

我想睇下你買過個間既網址!
我想買個隻籠系joly jp88,我想住買埋水樽+toliet+籠全部新比卡卡
計返hk買一個籠都6xx.如果人仔為返哂全部系5xx掛...都節省左1xx.可以買多d草草比卡卡食.
如果系淘寶買野總費$460,即系要買幾多淘點?
因為我想買個個系最平運費.不過用EMS既公司寄過黎.系等耐少少不過冇所謂.吾太急..
我吾識用淘寶..

卡卡KaKa`; 發表於 2012-5-22 06:48 PM
我系SR買草比卡卡食,吾系淘竇買,我吾敢買食個D野比卡卡,
而且好多兔友都吾讚成系淘寶買,如果系淘寶買野總 ...

我買過兩次草, 兩次都買左唔同牌子, 諗住試下...
但係呢發現有d 草真係好鬼黃.. 我同店主講話d 草好黃, 店主就同我講話依家d 草都係咁上下, 話下季(六月) d 草就會靚, 因為依家果d 係上季囤積既草, 會一次比一次差 (我覺得係佢放既地方唔好姐). 我諗住下個月再試下買.

0係7仔或者ok買淘點, 最少要買200蚊港紙. 買淘點要俾佢地食少少匯率同埋小數點...
依家匯率好似係1.27, 200蚊淘點兌倒157.4人仔..

460人仔即係584.2港紙, 即係你要買600蚊淘點...

卡卡KaKa`; 發表於 2012-5-22 06:49 PM
個店主話$58人仔正系個籠,其他用品+$3人仔.間公司系EMS.我想知比完淘點的話,點樣簡邊間公司送貨? ...

其實你可以用阿里旺旺同個客服/店主直接聯絡, 問下可以用咩運落黎, 好多間速遞其實都運倒落香港... 有平有貴, 有快有慢, 不過要留意, 順豐唔會運任何食物, 包括乾草, 糧同埋零食... 不過順豐好快, 但貴...

一般你買完之後, 唔駛即刻比俾錢, 未俾錢既訂單個店主係改倒既, 可以改運費, 呢個時候你一定要同賣家傾好晒用邊間公司運貨同埋運費幾多, 只要你一用支付寶俾錢, 個訂單就唔改得架喇. 支付寶扣左你錢之後, 賣家就要24小時內發貨, 到你件貨到左, 冇問題你就可以去淘寶確認收貨, 跟住支付寶先會過數俾賣家.

月野兔 發表於 2012-5-22 09:40 PM
我買過兩次草, 兩次都買左唔同牌子, 諗住試下...
但係呢發現有d 草真係好鬼黃.. 我同店主講話d 草好黃,  ...

有600蚊淘點買?草草卡卡食開oxbow..吾敢比其他牌子佢食
咁都吾系太貴.因為600蚊系hk都買吾到個籠,而家仲要3樣野..算抵既..咁我買完淘點直接支付寶到比&同返賣家講就ok?.吾該哂你先;

月野兔 發表於 2012-5-22 10:00 PM
其實你可以用阿里旺旺同個客服/店主直接聯絡, 問下可以用咩運落黎, 好多間速遞其實都運倒落香港... 有平 ...

我就系用阿里旺旺同個賣家傾過哂.佢話用EMS.咁我聽日去買淘點先..吾該哂你,我明白好多.

卡卡KaKa`; 發表於 2012-5-22 10:03 PM
有600蚊淘點買?草草卡卡食開oxbow..吾敢比其他牌子佢食
咁都吾系太貴.因為600蚊系hk都買吾到個籠 ...

去買3張200蚊淘點黎入囉~
糯米糍最初都係淨係食oxbow,  跟住我0係艾粒果度買左包jolly俾佢撈撈下咁食,
見佢都ok, 咪再搵d 其他牌子試下囉~ 我發現oxbow同ALEX既草成份係完全一樣既!
睇落都ok綠同香, 所以我先有信心再買咋嘛.. 之前試super rabbit提草, 黃到喊... 糯米糍唔太鍾意食, 但肚餓都要照食...
撈撈下咁先食左半包... 不過750g先賣12蚊人仔, ALEX 450g 提草賣18.5人仔...

我淘寶既程序係咁既:
入淘點 > 查下支付寶有錢未 > 落訂單 > 聯絡賣家運輸安排/費用 > 用支付寶付款 > 通知賣家發貨
收貨驗查冇問題 > 上淘寶網確認收貨 > 支付寶過數給賣家 > 填寫評價 > 完成交易

卡卡KaKa`; 發表於 2012-5-22 09:37 PM
我想睇下你買過個間既網址!
我想買個隻籠系joly jp88,我想住買埋水樽+toliet+籠全部新比卡卡
計 ...

之前睇漏左呢個post添!
網址唔知講唔講得.. 間店個名叫小不點寵物, 你可以search下... 買滿49蚊仲會送野...
果度d 野未必係最平, 不過佢都有兩個皇冠評價.. 暫時兩次都係今日上晝落單聽日下晝到貨...

淘寶我都係試過次兩次咋!

月野兔 發表於 2012-5-23 12:35 AM
去買3張200蚊淘點黎入囉~
糯米糍最初都係淨係食oxbow,  跟住我0係艾粒果度買左包jolly俾佢撈撈 ...

吾該哂,好詳細!
姐系大陸賣D草同HK一樣?不過卡卡有排都未食完D草..成箱OXBOW+一包果樹草40OZ.佢最鐘意食果樹草..食哂先食成箱個隻..枝佢吾食..
我今晚試下用淘寶先...

月野兔 發表於 2012-5-23 12:40 AM
之前睇漏左呢個post添!
網址唔知講唔講得.. 間店個名叫小不點寵物, 你可以search下... 買滿49蚊仲會送野. ...

寄貨咁快黎?但系幾點送到?因為我6點先放工,最快6點半先返到屋企...我搵搵先!
不過佢冇我想買既籠款..

月野兔 發表於 2012-5-22 08:45 AM
送住宅唔係會貴d 既呢?
我之前買都係送office...
而且圍欄應該好重, 運費唔平喎~ ...

好過自己攞,計埋運費都平過香港買呀...運費只係65人仔渣..

卡卡KaKa`; 發表於 2012-5-22 06:49 PM
個店主話$58人仔正系個籠,其他用品+$3人仔.間公司系EMS.我想知比完淘點的話,點樣簡邊間公司送貨? ...

唔使簡公司,佢自己有物流公司幫佢送貨架,EMS唔係寄件咩?你可以用旺旺問下佢,送到上屋企運費幾多,佢計完會覆你,你再格下其他會唔會平D....不過如果成600港幣一個籠...好似都幾貴WOR...不過係咪好大呢?

逐件用品計3蚊又少有D,因為多數係計總重量...你睇下人地買完之後D評價再決定啦...咁可以睇下件貨好唔好...