兔兔沒有食慾..沒有活力...擔心

昨晚開始我隻兔兔沒有食慾..沒有活力...連零食都唔食..
之前佢曳曳唔食草都食糧..依家連糧都唔食..
真係好擔心呀..
有無人知道係咩事呀??

雖然兔兔唔食野可以有好多原因...
例如牙齒問題...
氣脹...
天氣轉...
但全部會導致同一個後果...
就係腸慢/腸停...
佢而家仲有冇屎? 屎既形狀變成點?
肚仔脹唔脹?
如果你冇頭緒, 屋企又冇藥, 就快D帶來佢去睇醫生!
因為兔仔唔食野 12 小時肝臟會開始有問題...
24 小時就會有生命危險!

昨晚仲有便便的, 便便正常的!
今朝再睇, 都係昨晚既份量, 應該就無再便便同屎屎過...
佢眼仔成日好似半合咁..好無神..
我今朝都餵佢食草粉..但佢唔肯, 食得好少...
之前佢都試過氣脹, 呢排佢狂甩毛...
真係好擔心...

咁既狀況你都係快 D 打電話 book 睇醫生!
同時, 如果你屋企有草粉, 佢唔肯自己食既, 你可以用針筒 force-feed 住先!
如果屋企有益生菌 (bio-lapsis), 溝埋落草粉比佢食!

佢之前試過 gas attack 既, 你屋企應該仲有繻腸藥 (metoclopramide) 剩低...
但千其唔好亂餵!!!
因為如果佢係吞左啲唔應該既野入肚, 好可能腸塞而導致佢唔食野 (呢樣一定要去醫生到照 x-ray 先知!)
亂餵繻腸藥只會令嗰啲外物迫入死角...
到時情況更嚴重!!!

吾好等, 我記得你只兔兔吾系第1次敢樣, 消化系統問題系好易復發

如果佢已經去到吾食野同無便便已經系極度危險,

兔兔如果超過7-8小時無便便已經危及生命,

所以即刻去同兔兔睇醫生

系屋企等同佢睇醫生期間,

你一定要餵佢食草粉, 但吾好開太杰, 太杰佢而家消化有困難, 因為個胃仔頂住, 草粉同水既比例系1比4

停比干糧, 可以比佢之前有食開既新鮮蔬菜,

另外, 一定要餵水或菜汁比佢飲, 水份有助腸胃蠕動, 幫助胃腸入面既食物郁動,

用順時針方向同佢按摩腹部, 即系由胸口至肚仔順時針打圈方式按摩連續2小時以上

Book左下午睇醫生啦.........
佢上次係肚仔有氣脹囉!
dr ma 要星期日先有得睇..所以都係book 第2間啦
見到佢無哂精神..呆呆咁...心痛
今朝開d草粉比佢食..佢都唔肯食..佢食左好少咋...

咁你約左邊度睇?你問下佢地可唔可以幫你餵草粉同教你餵，最多收$，因為技巧唔好係好難餵，但係你一定要盡力，因為兔仔無野食係好唔舒服，如果佢換毛ing,你有無同佢梳毛呢?可能有好多毛毛係肚肚...

貓仔兔 發表於 2012-9-13 01:28 PM
咁你約左邊度睇?你問下佢地可唔可以幫你餵草粉同教你餵，最多收$，因為技巧唔好係好難餵，但係你一定要盡力 ...

dr ma 星期日先有得睇呀! 所以我去荃灣城市獸醫動物及珍禽異獸醫院! 一陣3點9睇!
我有幫佢梳毛架!
如果醫院收費有得幫我餵就好啦!

kachingf 發表於 2012-9-13 02:48 PM
dr ma 星期日先有得睇呀! 所以我去荃灣城市獸醫動物及珍禽異獸醫院! 一陣3點9睇!
我有幫佢梳毛架!
如果醫 ...

珍禽異獸好啲，佢地會教你點餵，返去搞唔掂都可以打去約學餵，價$120,一定要learn正確方法呀!^^

貓仔兔 發表於 2012-9-13 02:59 PM
珍禽異獸好啲，佢地會教你點餵，返去搞唔掂都可以打去約學餵，價$120,一定要learn正確方法呀!^^ ...

學餵都要錢架咩 之前我喺九記睇，姑娘餵一次俾我睇，跟住我再做一次俾佢睇

貓仔兔 發表於 2012-9-13 02:59 PM
珍禽異獸好啲，佢地會教你點餵，返去搞唔掂都可以打去約學餵，價$120,一定要learn正確方法呀!^^ ...

樓主吾系約大圍果間珍禽異獸,

約左荃灣城市獸醫動物及珍禽異獸醫院, 系間診所既全名

all_loving_it 發表於 2012-9-13 07:55 PM
樓主吾系約大圍果間珍禽異獸,

約左荃灣城市獸醫動物及珍禽異獸醫院, 系間診所既全名

我係荃灣個間呀!
食左藥..佢終於肯食草草啦!^0^
不過佢有d牙仔過長...遲d要返去做磨牙手術呀!

all_loving_it 發表於 2012-9-13 07:55 PM
樓主吾系約大圍果間珍禽異獸,

約左荃灣城市獸醫動物及珍禽異獸醫院, 系間診所既全名

真係你講我先至知係兩間唔同既診所咋
咁我想問，荃灣e間診所好嗎？有冇愛心醫生介紹？因為我住深井，去荃灣比較方便。如果book 唔到九記 Dr.Ma，都有多一間診所做後備啊哈^_^

如果醫生話兔兔牙仔長
強烈建議你Book 多一個醫生先決定做唔做手術


因為照我所知，好多時兔兔一唔食野
絕大部份醫生又係話兔兔牙仔長
但當佢地再睇另一個可靠既醫生時候......兔兔牙仔係絕對冇問題!!!

smallsuishan 發表於 2012-9-14 08:49 AM
如果醫生話兔兔牙仔長
強烈建議你Book 多一個醫生先決定做唔做手術

我係荃灣呢間睇過3次醫生
第一次佢肚仔氣脹, 開左d藥, 初步同佢睇過牙仔, 都ok..
第2次就去做絕育手術, 大約半日度就可以帶兔兔返屋企, 做完手術後幾日,
有姑娘打電話黎問候兔兔傷口有無發炎個d, 我覺得幾好! 之後仲有2次覆診睇傷口(不收費的)
第3次就係昨日啦, 又係肚仔氣脹, 食左d藥, 今日好番好多!
每次覆診都磅下兔兔幾重

因為我兔兔only係睇過我間咋..所以同第2間比較唔到!
不過我感覺呢間都不錯的
我自己住荃灣, 咁近我方便好多...