大家入黎罵我丫~求下你地幫下我(更新3)

今日有一件不幸o既事,發生左~!

到門明明整好~唔會關埋~點知關埋左~夾住左糯米糍隻腳~!

隻腳仔断左~即刻帶佢睇e生~!但係好多e生都唔幫我~只係安德魯育睇我~!

e生幫佢打左止痛針~~!聽日要做手術~切左隻腳~!

點算好?!?喊左好多次~點解有事果個唔係我~!?

我一世都唔會原諒自己~!

我想問下我可以點做~!?

"初五"主人可唔可以pm我~!?教下我點做~!?千萬個thank you()



更新1:

冇事啦~糯米糍~!

醒返啦~!!好開心~好感謝上帝~!

保護我的糯米糍~!

一陣6點半要見一見e生~都有少少擔心~~!

唔知e生講咩~好驚丫~!

我代糯米糍多謝所有兔友~~!

我已經清潔好所有野~等大少姐返黎~!

更新2


#81 #95  #100

[ 本帖最後由 small_tra 於 2009-5-19 11:06 PM 編輯 ]

咁就好la...放心哂
你地都要加油呀~

板大好堅強, 如果件事發生係我既身上我一定係第一時間呆哂, 喊 同咩做諗唔到
見到你的兔兔醒返真係好開心:061: 太感動喇, 希望你的上帝會一直好好保佑糯米糍!!!
有你係佢既身邊佢會好幸福, 冇左一邊腳一樣會冇問題^_^!!你唔好太自責

:001: 祝糯米滋早日康復

Good news wor, congrats!!!! Take care, get well, and get rest

今早兔爸好早起身睇佢同餵佢食藥同餵水水.....睇到佢地上都有屎屎,但尿尿唔係好覺有...不過兔爸把換過令一set 大毛巾箭底..比佢舒服d...又衛生d....
雖然佢多數都在休息狀態....兔爸怕佢行都辛苦經常把d草草放到佢面前.....:053:
佢都會食,雖然唔同平時食都咁快....都慢慢食....可能仲有d痛痛啦.....比心機呀糯米滋....:051:
傷口方面,都好好...唔會仲有血液流出來....幾乾爽.....:002:

呀小怡....我想知.昨晚兔爸已經幫佢整走佢手仔紮帶...不過佢行路果隻手仔都唔太自然...有點生硬....係咪咁~?

特別多謝:小怡同呀芷~

總算聽到糯米糍既好消息la...
自從星期日聽到意外既消息,我就係咁打電話問小怡最新消息(嘻~小怡~唔好意思)
好彩堅強既糯米糍終於捱過左,要繼續加油呀!!!

原帖由 cordero 於 2009-5-19 10:42 AM 發表
總算聽到糯米糍既好消息la...
自從星期日聽到意外既消息,我就係咁打電話問小怡最新消息(嘻~小怡~唔好意思)
好彩堅強既糯米糍終於捱過左,要繼續加油呀!!!

你都好,我仲衰,直接搵糯米糍家長..............
希望唔會煩住你地啦>.<
多謝小怡通知我啊~

糯米糍媽你地太客氣啦,我只係咁岩見到,今次真係好多謝小怡呀

[ 本帖最後由 丫芷^0^ 於 2009-5-19 10:13 PM 編輯 ]

原帖由 丫芷^0^ 於 2009-5-19 11:25 AM 發表


你都好,我仲衰,直接搵糯米糍家長..............
希望唔會煩住你地啦>.<
多謝小怡通知我啊~

因為我得小怡電話姐#^64^#

糯米糍媽, 波波小丸媽, 珍珍媽...
你地都客氣喇...
波波小丸媽, 珍珍媽
因為我知道你地都好擔心糯米糍佢既情況...
所以我知道左就將呢個喜訊通知你地等你地唔好太擔心

糯米糍媽
我今朝答左兔爸嫁喇...
可能糯米糍佢做完手術吊完鹽水個個位隻手仔仲痛...
所以佢就住就住黎行姐...
如果你過多幾日都見到佢好唔自然你就最好帶佢去睇醫生...
見得幾唔想睇佢個傷口都好...
每一日都要望一望有冇紅同埋腫呀~~~

剛剛兔爸鍡好哂d藥藥比佢食....同為安全著想都鍡水水比佢飲......而且都主動食草...大便正常,小便都有(比平時小左d),可以冇左廁所or 仲痛緊...希望快d好返...
傷口方面....冇爆線,冇血,乾爽....唔錯.....
現在佢熟睡中.....我會依排會多加留意佢.....
手仔方式,我都打過比診所問.....可以仲痛緊,所以仲有點生硬...不過叫我睇多一,二天...有咩問題都要帶佢返診所.....
現在我都可以鬆一鬆:055:

康復得幾好啊
繼續努力,   糯米糍你要快D好返啊~

今早如昨天一樣..食藥飲水,而且兔爸係房內文到有d臭味...:046: 原來係糯米滋all 左盲腸便...:050:
我就立即比佢食....:053: 佢食哂......唔知點解盲腸便會有臭味.....:056:
傷口方面..都正常.....
胃口方面:都一樣
不過睇佢行路都係斜行多...好少直行......唔知正唔正常呢~?(小怡)

斜行既意思係???
因為有機會佢仲未習慣...所以好多野都會就住就住...
所以其實都唔駛太擔心既...
如果過多幾日佢都仲係咁既咁我建議你都打去問下醫生...

盲腸便臭係正常ga

盲腸便係好臭架!
糯米糍好努力, 好叻女呀~
糯米糍媽你自己都唔好再俾咁大壓力自己喇!
如果連你都病埋,
咁糯米糍就慘喇!!
仲有呀, 唔好再自責喇!
你唔開心, 糯米糍會知架, 佢都會唔開心架!!

加油呀~