大家入黎罵我丫~求下你地幫下我(更新3)

今日有一件不幸o既事,發生左~!

到門明明整好~唔會關埋~點知關埋左~夾住左糯米糍隻腳~!

隻腳仔断左~即刻帶佢睇e生~!但係好多e生都唔幫我~只係安德魯育睇我~!

e生幫佢打左止痛針~~!聽日要做手術~切左隻腳~!

點算好?!?喊左好多次~點解有事果個唔係我~!?

我一世都唔會原諒自己~!

我想問下我可以點做~!?

"初五"主人可唔可以pm我~!?教下我點做~!?千萬個thank you()



更新1:

冇事啦~糯米糍~!

醒返啦~!!好開心~好感謝上帝~!

保護我的糯米糍~!

一陣6點半要見一見e生~都有少少擔心~~!

唔知e生講咩~好驚丫~!

我代糯米糍多謝所有兔友~~!

我已經清潔好所有野~等大少姐返黎~!

更新2


#81 #95  #100

[ 本帖最後由 small_tra 於 2009-5-19 11:06 PM 編輯 ]

唔發生都發生左,  自責都係於是無補
最重要係諗下跟住落黎點做,  點解決,力求將佢既傷害減至最低
雖然無左隻腳, 但只要有你鍚,  依家可以好開心

安德魯育係邊間架?? Dr Tiger 呢??
希望糯米糍快d 好返啦
你都要振作啊!

係紅磡果間~!
得佢先肯睇我~!

個個都唔睇我隻兔兔~!
係咁話轉介~booking full左~!

我會努力支持住
個心好痛好痛~!

唔好唔開心唔好咁自責啦~~~

糯米糍知道你唔係有心o既~~
只要你之後錫佢,俾心機照顧佢...
我知道佢都一定會好開心o架~!!!

加油呀!!呢度個個兔友都會支持你同糯米糍o架~

好多謝你地丫~!
多謝丫芷~~你好緊張打電話比我~幫我搵初五主人~!

唔知點報答你地~!

糯米糍同我有你地~支持~一定挨得過~!

你現在要做的係好好照顧糯米糍

糯米糍一定會吉兔天相o既~
你都要加油, 要努力照顧糯米糍同oreo呀!!

我會努力架~!~!~!
佢已經好叻~食草草丫~!~!~!

希望大家會默默支持糯米糍~聽日手術成功~!

個間信唔信得過AR ??
大圍個間係有骨科睇，有無問過 ?

件事唔發生都係發生左，呢D係意外，意料之外既事無人想發生。
而家你要做既野就係好好照顧糯米糍，
放心啦，做完手術就無事 GA LA~

糯米糍，MIFFY 仔同布布B都會支持你GA，加油丫，唔好要主人擔心啦。

一定無事既
加油啊~~

其實係唔係可以唔切隻腳?  我都聽過有d兔兔斷咗骨可以接返, 有d可以自己好, 當然可能令之後行路冇咁好啦~~ 因為大自然嘅兔兔都經常出現斷骨嘅情況, 亦會自己好, 所以你試吓問吓可唔可以唔切?:050:

我SEARCH咗個CASE, 你睇吓~~

http://www.fulinvet.com.tw/case_24.asp

:050: SORRY呀...頭先出左街冇上黎...
我岩岩頭先行行諗起好似今日係冇手術醫生係大圍嫁...
如果可以你地會唔會試下聽日打電話去問下呀?

雖然我乜都幫唔到手~~
但係會o係度送上祝福~~
希望糯米糍會早日康復~~
你自己都要撐住呀~~
糯米糍做完手術仲要等你照顧o架~~
所以你一定要振作呀~~

骨傷要盡快醫治呀,祝手術成功.
糯米糍加油!
兔兔手術後止痛藥好重要,留意下有冇俾哦.
應該要食消炎藥,所以有俾益生菌會好d.

仲有我有個朋友佢隻兔仔之前攝咗隻手响籠邊, 兔兔大力一抆, 隻手仔斷咗, 醫生幫兔兔照X-RAY, 之後定位, 等兔兔D骨自己生返好, 而家兔兔走動完全無問題, 所以你唔好太擔心啦, 你一亂可能就會做錯決定GA LA~~ 你試吓WALK-IN搵 DR.BETTY睇睇吓佢肯唔肯幫吓兔兔啦, 無論點都好, 你同兔兔都要加油呀~~