千萬不要在旺角那二間無良寵物店買兔兔

請大家千萬不要在金魚街那二間無良寵物店 龍貓xx 和 寵物xx 買兔兔，
這二間無良寵物店，把染病的兔兔賣給客人，到現在為止，他們的兔兔大多都是鼻子很污糟。
我的小兔兔是從 龍貓xx 買回家的，由新年到現在，已經看了至少5次醫生，
花了大約3千多元去醫病，而其他從這間買的兔兔，也是染同一種病 "呼吸道感染"，
這種病是很難更治的。

原帖由 wesky 於 2008-4-14 14:16 發表
BB 依家腳仔仲有冇事啊??
以後唔好去呢間野買任何野
經常聽見係果度買既兔有事
心都up埋~

有啊..佢隻腳仔其中一隻腳指變左好大舊好硬有d似石頭既物體
應該係前一手主人養佢果陣,,佢吾小心係好高既地方趺落黎反左甲...
行路冇咩野,,不過bb吾比人攪佢腳腳~

我都係3月尾買左一隻, 隻腳仔有事既....
我岩岩同佢去大圍睇E生.
E生話俾我聽有D咩係養BB仔要注意既.
BB唔可以食有WHEAT同OAT既料
聽完之後, 我驚覺XX便利當時教我既方法係錯...
佢地送左一樽營養料, 叫我連埋D糧一齊食
點知我一睇, 個D有WHEAT同OAT既成份
食左會好有問題呢
好彩我一D都無俾過佢食

總結黎講, 有咩都唔好信佢地,
我都係因為合眼緣先買佢
都無睇過, 同搜集資料,
不過有事真係要帶佢去睇E生呀

[ 本帖最後由 tiff0814 於 2008-4-20 00:40 編輯 ]

果幾間為左賺錢  其它唔理架啦..
所以千歧唔好去買~~~~
希望大家既兔兔都健健康康啦~~

我都踩左落去呢個深淵度......
之前買左一隻貓貓兔一隻賓尼兔..三個月大..
點知返到去第二日隻賓尼兔就死左..
事前完全冇任何先兆..冇肚痾冇流鼻水..
一切都好正常..行得走得仲幾開心活潑tim!!
真係估都估唔到會無端端死..
死之前我仲抱住佢到最後一刻..
佢好辛苦..個口擘下擘下..
之後我即刻打返去xx便利..
佢叫我拎返條屍返去..
返到去佢話換返另一隻比我..
我唔想係同一堆兔仔度揀返..所以就等佢返貨..
點知之後果日另一隻貓貓兔竟然成個鼻濕晒..
佢叫我即刻拎返去比佢睇下咩事..可能會有生命危險..
我情急之後就即刻拎左佢返去..
拎到過去佢話兔兔大傷風..
幫我sd佢返去醫..佢聲稱公司集團有專人幫兔兔醫病..
咁我就放低左佢..點知醫左咁耐佢都話仲醫緊..
到宜家差唔多兩個幾禮拜..
佢唔想我拖住張單拖咁耐..
叫我換過兩隻新ge返去先..貓貓兔有消息再打比我..
我諗左好耐..最後都係帶左兩隻新返ge,好大隻,個樣好健康ge兔兔返去..
諗住呢兩隻好健康應該會冇事..
點知返到去三四日到隻賓尼兔其中一隻眼有好多眼膠..
d毛都jam住晒差唔多開唔到眼咁滯..
點抹都抹唔到..點梳都梳唔到..
打返去問佢..佢話係兔仔ge眼膠..好似人一樣都有眼膠..
叫我如果幫唔到佢抹可以拎返去比佢抹..
本來我擔心佢隻眼發炎..已經打去約左醫生..
拎到返去比佢睇下抹唔抹得開再決定去唔去睇醫生..
一返到去佢初初話係眼膠..好易整..
點知抹抹下佢靜靜地走去同counter個同事咬耳仔..
跟住同我講話佢對眼發炎..又要sd返去比佢地d人醫..
因為我驚佢又好似之前果隻咁返唔到黎..
所以堅持要自己拎佢去睇獸醫..
但係佢話隻兔仔病左唔準我拎走..
佢地兩個sales一唱一和係度話要早晚滴眼藥水..
又要成日keep住同佢抹眼膠..
我一定搞唔掂..不停咁遊說我比佢拎返去..
咁我哥哥就話比佢地試下sd返去醫..
而且佢今次應承我一定好快返返黎唔會好似之前果隻咁..
所以我就信左佢..擺低左隻兔兔..
我宜家好擔心好擔心..因為兩隻兔仔都仲未有消息..

我怕佢地跟本ｅ唔到貓貓兔，什至有冇拎去ｅ都係一個問題．．．．．．．．
其實如果有之前貓貓兔既經驗，外人眼中係唔應該放低佢．．．
不過，你果陣又咁擔心，又好難怪你信左佢地．．
相信大家都知道．．．寵物店ｄ　ｓａｌｅｓ係有幾掂．．．．
~~希望你可以拎得返~~

醫返一隻兔分分鐘比入多兩隻兔仲貴...
寵物店未必真係晒錢去醫tim

我最唔明就係咁點解佢唔比我自己拎去睇獸醫??
如果佢真係唔想醫..
咪一句囉..叫我自己拎去睇獸醫..
自己比返晒d醫藥費..
點解佢唔準我拎返走喎......

可能為左聲譽瓜~~
傳開左無人去幫襯~~~~~~

嗚....好擔心佢地兩個..

去"心想事成"許返個願吧~~
我會為佢地祈禱的~~

佢地又點會帶兔兔去醫呢 ?
佢地有獸醫 ?
我就唔信LA，你知唔知一個請一個獸醫駐商店要幾多錢 ?
薪金至少1萬，佢地會唔會花錢請一個獸醫 ?
就算帶佢去睇獸醫，一次獸醫至少200幾，
差唔多係佢地賣多一隻兔仔既價錢，
佢地點會咁做呢 ?

好大機會係無醫到，放埋一邊，一係俾佢地交配生兔仔，一係等死。

寵物店既說話，真係真係唔好相信。
除非一D聲譽比較好個D。

兔兔隻眼有眼膠，係唔正常，
唔同人類既眼垢，所以唔可以混為一談。
我隻兔兔一開始就係因為眼膠問題去睇醫生，
最後先知佢病左。

而家都唔知點算好..
我話要拎返..
佢話唔得..又話萬一兔仔運返黎ge途中有咩事死左佢地要負責..
所以唔可以險拎佢地返黎..
跟住又話自己係小職員..拎返走d病ge兔仔係要經過office批准..
唔係話拎就拎得返..所以叫我唯有等佢地醫返好..
藉口多多..總之就唔比我拎返..

去消費者委員會 / 蘋果日報 投訴佢~~~
有人投訴, 佢就會做野~~~

原帖由 wesky 於 24-4-2008 14:30 發表
去消費者委員會 / 蘋果日報 投訴佢~~~
有人投訴, 佢就會做野~~~

知道!:061:

而家都唔知點算好..
我話要拎返..
佢話唔得..又話萬一兔仔運返黎ge途中有咩事死左佢地要負責..
同佢講
" OK，FINE 你地唔運返俾我，怕有咩事死左，咁我去親自接兔兔，去到你放佢休養既地方去接 "
就算兔兔真係TOUCH WOOD係你接佢既時候走左，佢係你懷抱到離去，都好過係冷冰冰既地方走左。
所以唔可以險拎佢地返黎..
跟住又話自己係小職員..拎返走d病ge兔仔係要經過office批准..
唔係話拎就拎得返..所以叫我唯有等佢地醫返好..
"俾OFFICE電話我，我直接同佢你阿頭講，唔俾電話就俾地址，直接踩上去 "
藉口多多..總之就唔比我拎返..


唔好再俾佢地嚇到、蝦到LA。
其實你可以直接去搵漁護處、消費者委員會、跟住搵個D報紙雜誌到投訴，
上埋電視就仲好TIM。

我幫你搵下邊到有得投訴 !!!!
我都想投訴個間龍蝦樂園搞到我而家隻兔兔成日都打痴痴 !!