最愛的豆豆

最愛的豆豆：
豆豆，爸爸無用，只有眼白白看住你走...
見住你無食晚餐，以為看看醫生便無事，第二朝早媽媽同你去大圍看醫生，自己走了去玩。還未知道嚴重性，媽媽話要留豆豆到3:30PM,因要做驗血，Ｘ光及超聲波。結果都是找不到原因，只是肝酵素高了。醫生說要留院，餵你食草粉及打皮下水針。但因為掛住豆豆，爸媽決家第二天開始請假留在家中照顧你。
回到家裹，爸爸立刻為你清潔你屋其，等你回來舒舒服服。
6：30ＰＭ，媽媽同你返來，於是把你抱出來，你四支無力，於是餵你飲水，餵你食草粉，可是你只含在口裹，於是想等多一會再餵你，7:25PM,再試一次，你也只是含在口中沒吞下。於是把你放你回去。
不到五分鐘，看你頭側了，於是的想像平時掃掃你的額頭，突然你抽畜起來，跟用手摸住你，把你送到天國。

小孩，可知你令爸媽多痛心，上一次你要割除右眼，我們已很痛心，但之後也很開心地生活，爸媽也很開心，你總是愛走來要我們摸摸你，親親我們因工作疲乏的心，你對爸媽的愛，我們可以感受到！

還以為我們還有很多日子的時候，神就要把你招回，你這可愛小天使，為爸媽的生命加添子了不少色彩，現在你在做什麼？？

本來請假照顧你變成為你作火化？？你收到爸媽給你的大蘋果媽？？還有菜心同紅蘿蔔？以前怕你食咗唔好，只係間唔中餵你少少，而家你可以食幾多都得！！
仲有你跟爸媽生活的照片，怕你在天國忘了爸媽的模樣....記住我們給你的卡上寫的東西，有空和豆泥一起回來看看我們和棉棉，等你！！

這兩年多來多謝你來到我這個家，希望你記得返來，以前不準到的地方，你可以隨意走，只要你肯回來就好了

永遠等你的爸爸媽媽上
3 JULY 2009

豆爸, 不要自責了, 豆豆好可能已轉世為豆少二世. 我也等緊豆少回家. 教他跳開心求雨舞:031: . 不能讓時間倒流, 只有珍惜現在. 現在多留意棉棉, 來作補償.

睇完發現豆豆走得好似肥雪。。。。。。。。#^3_002^#

回頭一看，其實去睇獸醫唔代表對兔兔好，諗返起肥雪走Ｏ個日，獸醫只係想要錢。。。因為小動物死左根本唔駛負法律責任，到頭來最傷心都係自己。勢

可憐肥雪等唔到我接佢返屋企，你家豆豆已經好好架啦。。。唔好咁自責

豆豆, 多謝豆豆給您們主人快樂, 願豆豆在天國開心每一天.

大圍seem好似不懂醫兔仔, 她當豆豆如cat一樣e, 驗血後話肝酵素不正常, 仲話佢要食護肝葯, 連命仔都保唔住, 仲食保健葯? 諗番都覺得傻.

[ 本帖最後由 uumeme 於 2009-7-11 11:18 PM 編輯 ]

豆豆:
爸爸有時會想, 究竟係我照顧你還是你照顧我們??你照顧得我們心靈很好,但我卻照顧得你一團穢........

其實真係好感謝你, 豆豆, 到最後你都教懂我一件很重要的事, "珍惜重要的人"我愛你!!

自你走後,有人說我不適合養寵物,因你走後,爸爸真的很痛,原來個心真係會好痛. 他們只見到我傷心,但他們永遠唔會明白豆豆送給我們的快樂,回憶,他們永遠不會明白!!

豆豆,好想你:023:

豆爸豆媽字
11 July 2009

睇完我都不斷喊,,,好感動#^37^#

豆豆：
真係仍然好掛住你，天國的草好唔好味？？成日都重有回味以往同你一起的回憶，上星期踏單車經過同你一起去的公園，想起你到處走的情形，有一次你還不小心撞樹，真正的守株待兔，好好笑。也是那次，發現豆豆你是認得爸媽，玩完就自動走回我們身邊，但今次你可能......

你走了後，爸爸的工作很不愉快，其實一直都不如意，只是以前見到你就忙記了工作的煩腦，但現在........好多野感覺都變了......

豆豆，你幾時先會返來.....

豆爸字
20 July 2009

請不要傷心吧豆豆會很快樂的
你也要繼續快樂地生活
記著和豆豆的快樂時候就足夠了
因為她都一定會記著你們的

豆豆：
昨天在想，我好像常常拿棉棉來和你比較，總是覺得你很好，爸爸知道這樣是對棉棉不公平......但.....

棉棉而家都有750g LA, 比起早兩星期重了200多g,但看起來不似大了很多。發現了一件事，原來棉棉係男仔，一直以為佢係女仔。如果你係度，你可以做老大，佢做跟班，一齊行古惑....而家你到底係邊？彩虹橋同豆泥一齊？？定係已經係一隻豆Ｂ兔？？

你走左已經21日.....真係好想抱抱你....我真係覺得以前抱得唔夠..........

我愛你！！豆豆

豆爸字
23 JULY 2009

我明白你的心情....didi 剛剛走了.....
想起牠最後的一刻....我仍會心痛地喊....

不過.......兔爸跟我說, 雖然didi 走了~
但佢仍然在我們的身邊, 大家一齊生活...
只是生活方式不同擺了~

所以, 好好記住和牠一起的時光...
牠也會好好想念爸媽的~

唔知didi 遇到豆豆同豆泥未呢??

豆豆：
差不多一個月了，係彩虹橋上遇到好多新朋友仔嗎？？但你有否一刻想念爸媽？？
近日有否遇見Didi??好好同人相處。以前成日怕你一個悶，唔識同其他兔仔相處，所以買左棉棉來陪你，希望你有個伴，結果....而家唔怕你悶，只怕你忙記了爸媽，不懂回來
前兩天，豆媽告訴我夢見你，但只是夢見你最後那天的情況~~~其實我知豆媽都好想你
見不到你...好像做什麼也沒心情......

你是否常在跳求雨舞???近日常常下雨??想豆爸少Ｄ出去玩RC直升機陪豆媽？？
豆爸明白的，我會好好分配時間，不會只顧住自己玩的！！這是你最後教懂我的~~~:050:

希望係夢中再見你！！

豆爸字
29 July 2009

近日，心中不斸響起的歌

「有多久沒見你　以為你在哪裡       
原來就住在我心底　陪伴著我的呼吸

有多遠的距離　以為聞不到你氣息
誰知道你背影這麼長　回頭就看到你
       
過去誏它過去　來不及　從頭喜歡你       
白雲　纏繞著藍天　       
如果不能夠永遠走在一起       
也至少給我們懷念的勇氣　擁抱的權利
好讓你明白
我心動　的痕跡　

總是想再見你
還試著打探~消息
原來你就住在我的身體　
守護我的回憶」

真係好掛住你！豆豆

我一路睇你d信一路喊...
睇你d信令我諗返起以前既仔仔----小飯....
諗起佢走果晚..
真係好心痛...
你既心情我都好明白:054:

豆豆:
上星期，爸爸係兔協買左個城堡俾棉棉玩，起初棉棉都好怕，但前兩日見佢走上走落，仲用下巴擦個城堡，我想佢一定好鍾意個城堡。但同時爸爸又想起當日無買咩玩具俾你，你又好像未用過下巴仔擦過野......突然內心好酸，我好似真係無買過Ｄ咩俾你~~~

從你走後，今日剛好已經一個月，心情已經平伏左好多。但都常常想起你個包包面，同豆豆你一切的一點一滴，永遠都會陪住爸媽走餘下的人生~~~~

你可以隨時返來玩，這個家永遠都有你份，無論將來變成點都好，爸媽都會想念豆豆！！

如果有神的話，祈求神再次派遣你到來這家！回到我們身邊！

豆爸字
1-8-2009

[ 本帖最後由 jimlam 於 2009-8-1 11:55 AM 編輯 ]

城堡裡面係點架
我一直都好想知丫