法國垂耳兔一問

HI all,
我本身未接觸過兔仔,一個月前在某寵物店購入一隻法國垂耳兔回來(有外國出世紙等等)
經過一段時間睇番此FORUM不同文章後,大致對兔仔有深入少少既了解...
得出以下幾個問題,希望各位師兄師姐幫幫手解答

1.)一買番黎果時店員說約四個月大,及後查看出世紙核對都係四個月大...
繼而第2天安全起身帶左去九龍動物獸醫九龍城果度睇,我在等待睇醫生既時候發現大部份其他養兔者既兔都係好細少
而佢就超肥大....入到去睇醫生,醫生問佢幾大?,我答4個月,醫生好驚訝地望住我...問我係咪講笑...到後來SHOW左出世紙佢先相信...醫生話香港好少好少有人養呢種咁大的垂耳兔

想問下咁多位師兄師姐,HK係咪比較少人養呢品種?同埋有埋養緊呢種品種既師兄姐分享下意見?

2.)檢查後各方面都好健康,帶回家後不停叫其名字(肥肥....取自其身型命名)..都無咩反應,因為有朋友養左幾隻兔仔,叫其名佢會走近的...但叫左好幾星期都發現無咩反應,想知兔仔係唔係唔會好似狗咁成個頭LINK過黎望你咖?係咪佢側身都望到我所以叫佢無反應,其實佢而家望住我??

3.)醫生叫我比多D T草,A草比少D(份量大約80%/20%_T草要比佢身形的兩倍及無限量供應),糧就少少就夠,因為怕佢之後會超重....
我跟足醫生指示,買左一包9安士的T草,4天後以經無哂...之後再去買一大盒9LB的T草,十天又無哂.....
水佢頭幾日飲好多,因為係咁柯尿(唔知係咪生保地方,後味就飲水正常番)
想問一問,此食量是正常的嗎,草俾太多會唔會過肥??

4.)寵物店的職員話兔仔好似人一樣,有體型大D,有細D,有適中的,我問咁佢屬咩SIZE,佢地話係適中...
想問一下,如果4個零月,未足5個月以經有上圖體型,本人176身高,按理推算佢將來企起身會到我腰,真係屬適中SIZE嗎??

望各位有養法國垂耳兔的師兄姐分享一下心得....萬分感激

褕充：圖中男子腳為US9.5號腳

第一次見認識法國兔兔，nice to meet u
我對法國垂耳兔冇認識，但我好羨慕肥肥咁大隻，好得意，成隻狗仔咁 冬天攬住佢一定好暖笠笠。
兔兔食草飲水多咪好啦，食草又可以磨牙
你有時間真係要拍下片比我地睇

你隻兔兔似巨賓，係唔係銅鑼灣買架？少人養咁大型既兔種，以佢既身型食量大係好正常，比一般小型寵物兔食多一倍，大個左一定好好攬，似隻狗仔

據我所知，未夠一歲身形係會長大到成年兔，之後就唔會再大，兔兔依家都係五個月左右，仲有機會長大，你個隻兔兔好似狗仔咁，好得意。兔兔係比較現實，佢聽到你講嘢，不過無零食，所以唔show你。同佢多D溝通，可以梳毛時陪佢多D就會痴你。無限量供應草草同兔兔係好重要，樓主，加油呀。

唔知你隻兔兔幾重呢，我果隻賓尼兔重２.7kg左右，一包５.5磅momi，佢大概４～５日就可以KO曬。咁如果你隻兔兔重過我家隻肥妹妹，咁消耗草嘅速度會更快。馬醫生話過，正常兔仔一日應該要食大概两個size自己份量嘅草。
如果一隻兔仔正常食草同菜，應該唔會肥，因為草同菜糖份極低，唔需要擔心。

至於兔仔嘅反應，想佢認得佢個名，最好係餵佢食嘢嘅時候叫佢個名。唔知其他兔兔會點，我果隻叫佢果名時，佢會抬頭望我㗎～～

香港少人養大概係因為貴同體形大，要有活動空間。樓主要考慮要同佢絕育啊！

好想抱下佢

DomDomPig 發表於 2012-12-29 11:02 AM
第一次見認識法國兔兔，nice to meet u
我對法國垂耳兔冇認識，但我好羨慕肥肥咁大隻，好得意，成 ...

想拍片，但佢顏色係灰色黎，但夜晚因為家中燈光唔夠光，影親出黎都黑色一舊塵咁行黎行去。
影唔到佢Ｄ表情

hh0 發表於 2012-12-29 11:12 AM
你隻兔兔似巨賓，係唔係銅鑼灣買架？少人養咁大型既兔種，以佢既身型食量大係好正常，比一般小型寵物兔食多 ...

唔係ＣＷＢ。。。果次醫生話佢呢個種係最大的賓尼兔
野食俾多係無問題？只要糧唔好俾多就ＯＫ？

syt174698 發表於 2012-12-29 01:26 PM
據我所知，未夠一歲身形係會長大到成年兔，之後就唔會再大，兔兔依家都係五個月左右，仲有機會長大，你個隻 ...

HI,想問下大約會到幾多個月左右先會停止發育?
我抱親佢佢都要走佬...但琴日帶左去寵物店美容....人地抱佢竟然一動也不動..
(注意,抱既姿勢我都跟足佢地的)店員解釋話可能知道屋企係自己地方,所以比較好動...
請問會有此情況嗎?..回家約一個月....我都未能將佢好安靜咁抱住....佢只係繼續................
繼續..............................扮一隻狗

Suzanne 發表於 2012-12-29 02:27 PM
唔知你隻兔兔幾重呢，我果隻賓尼兔重２.7kg左右，一包５.5磅momi，佢大概４～５日就可以KO曬。咁如果你隻兔 ...

HI...你都係養同一品種嗎?@@
幾重我上次睇醫生時忘記左....我每天都有俾兩個佢自己身型既草佢,但有時早上俾完,差不多凌晨又要再俾多少少...怕佢會無草食...佢有時會食剩某D部位既草...會揀食,不過唔算嚴重...
隨左A同T草外,我唔敢俾其他菜果D野食佢地住.....醫生叫我7個月後先好俾....暫時都係俾草就好夠...糧都係咁E小小OK....

至於叫名....我已經全天候不同叫...無論有理無理,有野食無野食,梳毛,按摩都不停叫...但佢依然沒有反應..

醫生叫我6個月大就帶佢去絕育....佢係兔女黎

Suzanne 發表於 2012-12-29 02:27 PM
唔知你隻兔兔幾重呢，我果隻賓尼兔重２.7kg左右，一包５.5磅momi，佢大概４～５日就可以KO曬。咁如果你隻兔 ...

我買個價錢都唔算貴....

家約700零尺,但只得我同佢相依為命,足夠嗎?(因為醫生話佢一定要成日走黎走去,如果唔係會對佢後腿唔好)
隨左有電線間左有圍牆外既地方全部都屬於佢...
基本上圍牆係圍我自己

kazas 發表於 2012-12-29 04:44 PM
我買個價錢都唔算貴....

家約700零尺,但只得我同佢相依為命,足夠嗎?(因為醫生話佢一定要成日走 ...

哈哈哈哈哈
歡迎加入兔奴
話時話肥肥真係好靚
草果方面你唔洗擔心
食得多永遠都係好事
佢食得少你有排驚
兔仔係唔鐘意比人抱架啦
由其係主人
多數都會恰你
如果真係要抱佢
揀一個佢好少去ge地方
好似廁所/廚房
成功機會會大d

肥肥好受歡迎呀，你屋企夠大啦，足夠比佢奔跑啦
我頭先起銅鑼灣既I Love Raxxxx 買野，佢果度有隻叫 "肥妹"，望多眼先知佢係法國垂耳兔，係肥肥既同鄉呀，真係好大隻好可愛呀。我好羨慕你呀，希望有日你可以攬住佢訓而佢又唔偷走啦。

肥肥好可愛呀~拍片拍片~!!