兔兔唔食野, 已睇醫生, 都唔知原因

兔兔年頭因為牙發炎
去左Dr  Ma剝牙,
2個星期就好返晒, 食得玩得
但上個月開始唔食野,
睇左幾次醫生都無好轉,
上星期驗埋血都話一齊正常
醫生話可能只係因為兔兔無多幾隻牙而無胃口唔食野
而家每日force feed草粉

我想問有無兔仔係長期食草粉? 咁樣生唔生存到?
同仲有無醫生介紹?
我想睇多個醫生, 起碼確定到真係無得醫...

最近屋企有冇咩變化？

再睇可以試下去 Dr Hugh or 大圍珍禽異獸

而家每日都唔食草, 淨係餵草粉, 佢自己食糧同少少菜
佢精神都仲算唔錯, 仲成日周圍跑, 係無以前咁開心

天氣熱都有影響

睇咗其他e生未?找到原因?

我已聽醫生建議長期開冷氣比佢, 但都無改善...
佢除左唔食草, 同食少左菜外, 其他都同以前一樣
考慮到如果睇另一個醫生, 佢可能又要再試藥, 抽血, 搞到無晒精神
而家見佢日日生生猛猛, 諗住等覆診, 要麻醉磨牙時, 順便再check check牙同口腔有無問題先再決定

老實講,就算長期食草粉生存到,但係兔兔既牙不斷生長,所以都係唔得~

同埋,若果唔舒服,都係要睇醫生,一個醫生睇唔好,都係要睇第二個

佢唔食,會唔會係轉左草?又或者試下買其它草牌子草比兔兔食

不如你考慮下搵動物傳心師去同兔兔做下傳心, 睇下有冇幫助?

你食開邊隻草?  會否無左牙唔想食太多枝?
你可以買埋Oxbow Botanical Hay 混合香草 (香) 及Oxbow Western Timothy Hay 提摩西牧草 (軟), 每次擇其中一款加小小落食開D草裡面, 可以增加佢食欲

你亦可以多D同佢傾計、摸佢和用草同佢玩, 都可以改善佢心情和食欲

情緒病, 如果我果隻最初接返來幾日出左事. 睇完食草粉一星期,
健健康康3年就咁到而家.

我隻兔都試過，如果佢咁活躍，可能有其他原因，之前我的兔兔是因為鄰近有裝修所以咁，佢嗰時都好活躍，不過牙仔無問題…希望你隻兔兔快啲食多啲野