唉大獲....唔食草T^T~ (UPDATE 6/5)

6/5***

潛左水幾日 .....因為忙於照顧兔兔~_~
雲尼拿留左3日院之後
尋日就可以帶佢返屋企啦
情況都有好轉
開始食返草....DR.MA話要等佢慢慢復原~~~
要食多7日藥...

星期6我DAYOFF所以就代兔爸帶佢出去
DR.MA問我想吾想陪佢一陣
我緊系話陪啦..

嗚 原來留院好慘的
好心痛呀><


(E..我UPDATE吾到相-.-佢話我張相太大？ =0=)


隻衰豬唔食野..28號已經睇左DR MA!
比左D草粉+藥佢食 ;
只不過我地餵左幾日佢都冇好轉
D 便便仲愈黎愈細粒.
今日再睇DR.MA
要吊鹽水 ...陰公...
如果冇好轉要留院TIM...但留院係咪冇人睇住佢LOR?!
隻囡囡好細膽架!


唉好擔心....

我兔豬都响DR MA度留過院,日頭有姑娘照顧佢, 不過好似要六點前接返佢走架,因為佢地唔係24小時,夜晚冇人睇住佢
咁DR MA有冇講你隻兔兔咩情況呀?

mizumi 發表於 2012-5-3 01:02 PM
我兔豬都响DR MA度留過院,日頭有姑娘照顧佢, 不過好似要六點前接返佢走架,因為佢地唔係24小時,夜晚冇人睇住 ...

隻兔兔是我男友架
聽佢講DR MA 話佢條腸愈黎愈弱LOR!
一陣5點就去按返佢走

我呢幾日都有去佢度幫佢推下肚仔... 但好似冇用T^T

唔好心急住,想問你隻兔兔係邊度買ge?
幾多歲ar?
我相信dr.ma ge 放鬆d,
你洗定個籠 等bb返黎啦 加油~

你男友平時有無比新鮮蔬菜佢，新鮮蔬菜有好多ｆｉｂｅｒ
會唔會比得太多糧，食太多糧會唔食草
依家天氣熱，有無開冷氣比佢；太熱會唔食野架
有無比新鮮水佢飲，兔兔需要水份去消化食物
太瘦可能有肝病，腎病，做咗ｂｌｏｏｄ　ｔｅｓｔ未

我個囡囡都好細膽，不過住１０日酒店都無瘦到．
留院ｏｋ無問題架

Dylan 發表於 2012-5-3 01:56 PM
你男友平時有無比新鮮蔬菜佢，新鮮蔬菜有好多ｆｉｂｅｒ
會唔會比得太多糧，食太多糧會唔食草
依家天氣熱， ...

糧已停,  有開..,有比菜

呢幾日已經跟晒指示餵藥同草粉

其實佢都6,7個月大

另一隻28號已絕育+ 已經好返晒... 但佢就唔知咩事 /___\

candy_ysf 發表於 2012-5-3 01:43 PM
唔好心急住,想問你隻兔兔係邊度買ge?
幾多歲ar?
我相信dr.ma ge 放鬆d,

係I LOVE RABBIT 買架 , 之後有帶過比DR MA BODY CHECK  ..
所以佢已經唔係第1次見DR MA ><

唔好太擔心住，有dr.姑娘睇住無事嘅，反而你要問下今晚點算，一係自己睇住，一係要轉院，其他兔友有無介紹呀?幫下樓主吖!不過如果揀自己湊，一定要好好睇住佢呀!^^祝兔兔快啲好番!!

貓仔兔 發表於 2012-5-3 03:52 PM
唔好太擔心住，有dr.姑娘睇住無事嘅，反而你要問下今晚點算，一係自己睇住，一係要轉院，其他兔友有無介紹 ...

5:00 啦...男友一陣就去接佢LA  ...

時間真係難過丫

其實 我自己果隻B囡 (<<< 相果隻)
都有試過腸停..
我都係餵佢食草粉+ 藥..菜同按摩肚仔
佢3日就好返了

但今次呢隻兔兔我都係咁做TAT
點解佢都係唔食草.所以我先咁擔心~!

KathyChan 發表於 2012-5-3 05:17 PM
5:00 啦...男友一陣就去接佢LA  ...

時間真係難過丫

我剛接收屋企個格格, 佢腸胃好差, 每日all出黎既便便好臭, 係軟便, 到而家每日既便便都未完全正常, 但情況比剛到既時候好左好多, 不過, 我係睇Dr. Tiger, 佢係腸胃失調同有腹部鼓脹既問題

你要問清楚醫生到底兔兔咩原因而出現而家既狀況, 係腸道梗塞?  腸失調? 腹部鼓脹定係其它因素?

按而家兔兔既情形, 排除天氣因素, 想問兔兔一直所住既環境有無裝修?  屋企有無增加其它同伴成員之類?

你可以先比香味較重既菜兔兔食, 如荷蘭芹, 芥菜, 紅蘿蔔葉, 蒲公英葉等

另草方面你現階段比既草兔兔本身鐘5鐘意食, 好多時兔兔食草5多係同草本身5合胃合有好大關係, 你可以嘗試轉換牌子, 好似我有只兔女好挑食, 我剛接收佢時腸胃好差, 佢食Oxbow, Momi佢食好少, 我除左睇醫生外, 亦嘗試比APD T草, 佢食好多, 我同時有比Oxbow既有機牧草, 果樹草

另有幾種香草, 藥草對兔兔腸胃方面有幫助, 你可以咨詢一下醫生係咪合適你既兔兔服用 :
玫瑰花花蕾, 奶薊, 歐洲矢車菊, 聖約翰草, 亞麻子, 檸檬草, 茴香

下面係格格佢每日既餐單, 你可以參考一下 :
Oxbow 草粉 - 早晚各2湯匙
腸蠕動藥
藥草 + 香草
Fiberplex
Synbiotic D-C益生菌
野生蟲草膠囊 - 早晚各1粒
雲芝膠囊 - 每日1粒
五色靈芝膠囊 - 每日1粒
APD Mountain Grass草粒 - 每日1/2包
草 : APD Timothy 1st cut + APD Timothy 2nd cut + Oxbow Orchard Grass + Oxbow Meadow Hay
每日3種不同蔬菜 - 早晚各300克

另加其它問題需要服用既中藥, 西藥同特別護理

另外, 兔兔5食草原因有好多, 腸停并5係兔兔5食草既原因, 而係結果

所以, 應該要搵出兔兔5肯食野既原因

KathyChan 發表於 2012-5-3 05:17 PM
5:00 啦...男友一陣就去接佢LA  ...

時間真係難過丫

每隻兔兔身體情況都唔同，而且病情有輕重，所以無得比較，而兔兔唔食草亦有好多心理，生理嘅影響，你提過兔兔好細膽，會唔會係最近屋企附近有裝修工程做緊定有野嚇親佢呢，呢排天氣熱，即使已經開左冷氣，兔兔都會feel到環境不一樣而有不同反映架...而如果佢返到黎又唔食草，就要密啲餵草粉同按摩肚仔，不過都要留意唔好有入無出餵得太飽呀!
你都唔好太擔心，你太唔開心，兔兔唔知咩事都會影響到，除左餵佢食野，你可以同佢玩下，等大家都輕鬆啲咁!
加油呀，腸停呢啲急唔黎架!^^

貓仔兔 發表於 2012-5-3 03:52 PM
唔好太擔心住，有dr.姑娘睇住無事嘅，反而你要問下今晚點算，一係自己睇住，一係要轉院，其他兔友有無介紹 ...

我隻兔兔去過旺角pxt centxal留一晚院, 就係0係 dr ma 度接走佢後,因為驚返到屋企都係餵唔到佢食藥同草粉,所以選擇去旺角留一晚,不過,我強烈唔建議去呢度囉~ 總之我第二日拿拿聲去接返我寶貝返屋企,好過留0係0個度
如果樓主係可以餵到草粉,就帶佢返屋企啦,自己地方兔兔會安心好多

mizumi 發表於 2012-5-3 09:12 PM
我隻兔兔去過旺角pxt centxal留一晚院, 就係0係 dr ma 度接走佢後,因為驚返到屋企都係餵唔到佢食藥同草粉 ...

Pet centxal 好似唔係幾好，對於兔仔真係好少地方可以留院過夜呀!

貓仔兔 發表於 2012-5-3 10:00 PM
Pet centxal 好似唔係幾好，對於兔仔真係好少地方可以留院過夜呀!

係架, 我都係因為5放心, 所以之前都係接格格返屋企照顧, 兔兔而家既情況, 最好係keep住個半鐘餵一次草粉 + 益生菌, 2個鐘用蔬菜渣汁餵佢飲同振摩腸胃腹部, 格格黎既時候, 我足足有半個月係晚晚敢餵佢, 訓都訓5到長時間